1.1.27

पञ्चदशं वामनको भूत्वागादध्वरं बलेः

pañcadaśaṃ vāmanako bhūtvāgādadhvaraṃ baleḥ

1.1.27.2

पादत्रयं याचमानः प्रत्यादित्सुस्त्रिविष्टपम्

pādatrayaṃ yācamānaḥ pratyāditsustriviṣṭapam

1.1.28

अवतारे षोडशमे पश्यन्ब्रह्मद्रुहो नृपान्

avatāre ṣoḍaśame paśyanbrahmadruho nṛpān

1.1.28.2

त्रिः सप्तकृत्वः कुपितो निःक्षत्त्राम् अकरोन्महीम्

triḥ saptakṛtvaḥ kupito niḥkṣattrām akaronmahīm

1.1.29

ततः सप्तदशे जातः सत्यवत्यां पराशरात्

tataḥ saptadaśe jātaḥ satyavatyāṃ parāśarāt

1.1.29.2

चक्रे वेदतरोः शाखां दृष्ट्वा पुंसो ऽल्पमेधसः

cakre vedataroḥ śākhāṃ dṛṣṭvā puṃso 'lpamedhasaḥ

1.1.30

नरदेवत्वमापन्नः सुरकार्यचिकीर्षया

naradevatvamāpannaḥ surakāryacikīrṣayā

1.1.30.2

समुद्रनिग्रहादीनि चक्रे कार्याण्यतः परम्

samudranigrahādīni cakre kāryāṇyataḥ param

1.1.31

एकोनविंशे विंशतिमे वृष्णिषु प्राप्य जन्मनी

ekonaviṃśe viṃśatime vṛṣṇiṣu prāpya janmanī

1.1.31.2

रामकृष्णाविति भुवो भगवानहरद्भरम्

rāmakṛṣṇāviti bhuvo bhagavānaharadbharam

1.1.32

ततः कलेस्तु सन्ध्यान्ते संमोहाय सुरद्विषाम्

tataḥ kalestu sandhyānte saṃmohāya suradviṣām

1.1.32.2

बुद्धो नाम्ना जिनसुतः कीकटेषु भविष्यति

buddho nāmnā jinasutaḥ kīkaṭeṣu bhaviṣyati

1.1.33

अथ सो ऽष्टमसन्ध्यायां नष्टप्रायेषु

atha so 'ṣṭamasandhyāyāṃ naṣṭaprāyeṣu

1.1.33.2

भविता विष्णुयशसो नाम्ना कल्की जगत्पतिः

bhavitā viṣṇuyaśaso nāmnā kalkī jagatpatiḥ

1.1.34

अवतारा ह्यसंख्येया हरेः सत्त्वनिधेर्द्विजाः

avatārā hyasaṃkhyeyā hareḥ sattvanidherdvijāḥ

1.1.34.2

मनुवेदविदो ह्याद्याः सर्वे विष्णुकलाः स्मृताः

manuvedavido hyādyāḥ sarve viṣṇukalāḥ smṛtāḥ

1.1.35

तस्मात्सर्गादयो जाताः संपूज्याश्च व्रतादिना

tasmātsargādayo jātāḥ saṃpūjyāśca vratādinā

1.1.35.2

पुराणं गारुडं व्यासः पुरासौ मे ऽब्रवीदिदम्

purāṇaṃ gāruḍaṃ vyāsaḥ purāsau me 'bravīdidam

1.1.36

इति श्रीगारुडे महापुराणे पूर्वखण्डे प्रथमांशाख्ये कर्मकाण्डे एतत्पुराणप्रवृत्तिहेतुनिरूपणं नाम प्रथमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye karmakāṇḍe etatpurāṇapravṛttihetunirūpaṇaṃ nāma prathamo 'dhyāyaḥ

1.2.1

ऋषय ऊचुः

ṛṣaya ūcuḥ

Garuḍapurāṇa