1.8.10.2

अन्तरं नीलवर्णेन दलानि असितेन च

antaraṃ nīlavarṇena dalāni asitena ca

1.8.11

कृष्णवर्णेन रजसा चतुरश्रं प्रपूरयेत्

kṛṣṇavarṇena rajasā caturaśraṃ prapūrayet

1.8.11.2

द्वाराणि शुक्लवर्णेन रेखाः पञ्च च मण्डले

dvārāṇi śuklavarṇena rekhāḥ pañca ca maṇḍale

1.8.12

सिता रक्ता तथा पीता कृष्णा चैव यथाक्रमम्

sitā raktā tathā pītā kṛṣṇā caiva yathākramam

1.8.12.2

कृत्वैव मण्डलं चादौ न्यासं कृत्वार्चयेद्धरिम्

kṛtvaiva maṇḍalaṃ cādau nyāsaṃ kṛtvārcayeddharim

1.8.13

हृन्मध्ये तु न्यसेद्विष्णुं कण्ठे सङ्कर्षणं तथा

hṛnmadhye tu nyasedviṣṇuṃ kaṇṭhe saṅkarṣaṇaṃ tathā

1.8.13.2

प्रद्युम्नं शिरसि न्यस्य शिखायाम् अनिरुद्धकम्

pradyumnaṃ śirasi nyasya śikhāyām aniruddhakam

1.8.14

ब्रह्माणं सर्वगात्रेषु करयोः श्रीधरं तथा

brahmāṇaṃ sarvagātreṣu karayoḥ śrīdharaṃ tathā

1.8.14.2

अहं विष्णुरिति ध्यात्वा कर्णिकायां न्यसेद्धरिम्

ahaṃ viṣṇuriti dhyātvā karṇikāyāṃ nyaseddharim

1.8.15

न्यसेत्सङ्कर्षणं पूर्वे प्रद्युम्नं चैव दक्षिणे

nyasetsaṅkarṣaṇaṃ pūrve pradyumnaṃ caiva dakṣiṇe

1.8.15.2

अनिरुद्धं पश्चिमे च ब्रह्माणं चोत्तरे न्यसेत्

aniruddhaṃ paścime ca brahmāṇaṃ cottare nyaset

1.8.16

श्रीधरं रुद्रकोणेषु इन्द्रादीन्दिक्षु विन्यसेत्

śrīdharaṃ rudrakoṇeṣu indrādīndikṣu vinyaset

1.8.16.2

ततो ऽभ्यर्च्य च गन्धाद्यैः प्राप्नुयात्परमं पदम्

tato 'bhyarcya ca gandhādyaiḥ prāpnuyātparamaṃ padam

1.8.17

इति श्रीगारुडे महापुराणे पूर्वखण्डे प्रथमांशाख्ये आचारकाण्डे विष्णुपूजोपयोगिवज्रनाभमण्डलनिरूपणं नामाष्टमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe viṣṇupūjopayogivajranābhamaṇḍalanirūpaṇaṃ nāmāṣṭamo 'dhyāyaḥ

1.9.1

हरिरुवाच

hariruvāca

1.9.1.2

समये दीक्षितः शिष्यो बद्धनेत्रस्तु वाससा

samaye dīkṣitaḥ śiṣyo baddhanetrastu vāsasā

1.9.1.3

अष्टाहुतिशतं तस्य मूलमन्त्रेण होमयेत्

aṣṭāhutiśataṃ tasya mūlamantreṇa homayet

1.9.2

द्विगुणं पुत्रके होमं त्रिगुणं साधके मतम्

dviguṇaṃ putrake homaṃ triguṇaṃ sādhake matam

1.9.2.2

निर्वाणदेशिके रुद्र चतुर्गुणमुदाहृतम्

nirvāṇadeśike rudra caturguṇamudāhṛtam

1.9.3

गुरुविष्णुद्विजस्त्रीणां हन्ता वध्यस्त्वदीक्षितैः

guruviṣṇudvijastrīṇāṃ hantā vadhyastvadīkṣitaiḥ

Garuḍapurāṇa