1.67.38.2

यां दिशं वहते वायुस्तां दिशं यावदाजयः

yāṃ diśaṃ vahate vāyustāṃ diśaṃ yāvadājayaḥ

1.67.39

जायते नात्र सन्देहहन्द्रो यद्यग्रतः

jāyate nātra sandehahandro yadyagrataḥ

1.67.39.2

मेष्याद्या दश या नाड्यो दक्षिणा वामसंस्थिताः

meṣyādyā daśa yā nāḍyo dakṣiṇā vāmasaṃsthitāḥ

1.67.40

चरे स्थिरे तद्विमार्गे तादृशे तादृशे क्रमात्

care sthire tadvimārge tādṛśe tādṛśe kramāt

1.67.40.2

निर्गमे निर्गमं याति संग्रहे संग्रहं विदुः

nirgame nirgamaṃ yāti saṃgrahe saṃgrahaṃ viduḥ

1.67.41

पृच्छकस्य वचः श्रुत्वा घण्टाकारेण लक्षयेत्

pṛcchakasya vacaḥ śrutvā ghaṇṭākāreṇa lakṣayet

1.67.41.2

वामे वा दक्षिणे वापि पञ्चतत्त्वस्थितः शिवे

vāme vā dakṣiṇe vāpi pañcatattvasthitaḥ śive

1.67.42

ऊर्ध्वे ऽग्निरध आपश्च तिर्यक्संस्थः प्रभञ्जनः

ūrdhve 'gniradha āpaśca tiryaksaṃsthaḥ prabhañjanaḥ

1.67.42.2

मध्ये तु पृथिवी ज्ञेया नभः सर्वत्र सर्वदा

madhye tu pṛthivī jñeyā nabhaḥ sarvatra sarvadā

1.67.43

ऊर्ध्वे मृत्युरधः शान्तिस्तिर्यक् चोच्चाटयेत्सुधीः

ūrdhve mṛtyuradhaḥ śāntistiryak coccāṭayetsudhīḥ

1.67.43.2

मध्ये स्तम्भं विजानीयान्मोक्षः सर्वत्र सर्वगे

madhye stambhaṃ vijānīyānmokṣaḥ sarvatra sarvage

1.67.44

इति श्रीगारुडे महापुराणे पूर्वखण्डे प्रथमांशाख्ये आचारकाण्डे स्वरोदये शुभाशुभनिरूपणं नाम सप्तषष्टितमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe svarodaye śubhāśubhanirūpaṇaṃ nāma saptaṣaṣṭitamo 'dhyāyaḥ

1.68.1

सूत उवाच

sūta uvāca

1.68.1.2

परीक्षां वच्मि रत्नानां बलो नामासुरो ऽभवत्

parīkṣāṃ vacmi ratnānāṃ balo nāmāsuro 'bhavat

1.68.1.3

इन्द्राद्या निर्जितास्तेन विजेतुं तैर्न शक्यते

indrādyā nirjitāstena vijetuṃ tairna śakyate

1.68.2

वरव्याजेन पशुतां याचितः स सुरैर्मखे

varavyājena paśutāṃ yācitaḥ sa surairmakhe

1.68.2.2

बलो ददौ स पशुताम् अतिसत्त्वसुरैर् हतः

balo dadau sa paśutām atisattvasurair hataḥ

1.68.3

पशुवत्स विशस्तस्तैः स्ववाक्याशनियन्त्रितः

paśuvatsa viśastastaiḥ svavākyāśaniyantritaḥ

1.68.3.2

बलो लोकोपराय देवानां

balo lokoparāya devānāṃ

1.68.4

तस्य सत्त्वविशुद्धस्य विशुद्धेन च कर्मणा

tasya sattvaviśuddhasya viśuddhena ca karmaṇā

Garuḍapurāṇa