1.52.25.2

न तस्या विद्यते पापमिह लोके परत्र च

na tasyā vidyate pāpamiha loke paratra ca

1.52.26

तथा रामस्य सुभगा सीता त्रैलोक्यविश्रुता

tathā rāmasya subhagā sītā trailokyaviśrutā

1.52.26.2

पत्नी दाशरथेर्देवी विजिग्ये राक्षसेश्वरम्

patnī dāśaratherdevī vijigye rākṣaseśvaram

1.52.27

फल्गुतीर्थादिषु स्नातः सर्वाचारफलं लभेत्

phalgutīrthādiṣu snātaḥ sarvācāraphalaṃ labhet

1.52.27.2

इत्याह भगवान्विष्णुः पुरा मम यतव्रताः

ityāha bhagavānviṣṇuḥ purā mama yatavratāḥ

1.52.28

इति श्रीगारुडे महापुराणे पूर्वखण्डे प्रथमांशाख्ये आचारकाण्डे प्रायश्चित्तनिरूपणं नाम द्विपञ्चाशत्तमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe prāyaścittanirūpaṇaṃ nāma dvipañcāśattamo 'dhyāyaḥ

1.53.1

सूत उवाच

sūta uvāca

1.53.1.2

एवं ब्रह्माब्रवीच्छ्रुत्वा हरेरष्टनिधींस्तथा

evaṃ brahmābravīcchrutvā hareraṣṭanidhīṃstathā

1.53.1.3

तत्र पद्ममहापद्मौ तथा मकरकच्छपौ

tatra padmamahāpadmau tathā makarakacchapau

1.53.2

मुकुन्दकुन्दौ नीलश्च शङ्खश्चैवापरो निधिः

mukundakundau nīlaśca śaṅkhaścaivāparo nidhiḥ

1.53.2.2

सत्यामृद्धौ भवन्त्येते स्वरूपं कथयाम्यहम्

satyāmṛddhau bhavantyete svarūpaṃ kathayāmyaham

1.53.3

पद्मेन लक्षितश्चैव सात्त्विको जायते नरः

padmena lakṣitaścaiva sāttviko jāyate naraḥ

1.53.3.2

दाक्षिण्यसारः पुरुषः सुवर्णादिकसंग्रहम्

dākṣiṇyasāraḥ puruṣaḥ suvarṇādikasaṃgraham

1.53.4

रूप्यादि कुर्याद्दद्यात्तु यतिदैवादियज्वनाम्

rūpyādi kuryāddadyāttu yatidaivādiyajvanām

1.53.4.2

महापद्माङ्कितो दद्याद्धनाद्यं धार्मिकाय च

mahāpadmāṅkito dadyāddhanādyaṃ dhārmikāya ca

1.53.5

निधी पद्ममहापद्मौ सात्त्विकौ पुरुषौ स्मृती

nidhī padmamahāpadmau sāttvikau puruṣau smṛtī

1.53.5.2

मकरेणाङ्कितः खड्गबाणकुन्तादिसंग्रही

makareṇāṅkitaḥ khaḍgabāṇakuntādisaṃgrahī

1.53.6

दद्याच्छ्रुताय मैत्रीं च याति नित्यं च राजभिः

dadyācchrutāya maitrīṃ ca yāti nityaṃ ca rājabhiḥ

1.53.6.2

द्रव्यार्थं शत्रुणा नाशं संग्रामे चापि संव्रजेत्

dravyārthaṃ śatruṇā nāśaṃ saṃgrāme cāpi saṃvrajet

1.53.7

मकरः कच्छपश्चैव तामसौ तु निधी स्मृतौ

makaraḥ kacchapaścaiva tāmasau tu nidhī smṛtau

Garuḍapurāṇa