1.50.77.2

अभ्यागतान्यथाशक्ति पूजयेदतिथिं तथा

abhyāgatānyathāśakti pūjayedatithiṃ tathā

1.50.78

भिक्षां वै भिक्षवे दद्याद् विधिवद् ब्रह्मचारिणे

bhikṣāṃ vai bhikṣave dadyād vidhivad brahmacāriṇe

1.50.78.2

दद्यादन्नं यथाशक्ति अर्थिभ्यो लोभवर्जितः

dadyādannaṃ yathāśakti arthibhyo lobhavarjitaḥ

1.50.79

भुञ्जति बन्धुभिः सार्धं वाग्यतो ऽन्नमकुत्सयन्

bhuñjati bandhubhiḥ sārdhaṃ vāgyato 'nnamakutsayan

1.50.79.2

अकृत्वा तु द्विजः पञ्च महायज्ञान् द्विजोत्तमः

akṛtvā tu dvijaḥ pañca mahāyajñān dvijottamaḥ

1.50.80

भुञ्जते चेत्स मूढात्मा तिर्यग्योनिं च गच्छति

bhuñjate cetsa mūḍhātmā tiryagyoniṃ ca gacchati

1.50.80.2

वेदाभ्यासो ऽन्वहं शक्त्या महायज्ञक्रियाक्षमाः

vedābhyāso 'nvahaṃ śaktyā mahāyajñakriyākṣamāḥ

1.50.81

नाशयन्त्याशु पापानि देवानामर्चनं तथा

nāśayantyāśu pāpāni devānāmarcanaṃ tathā

1.50.81.2

यो मोहादथ वालस्यादकृत्वा देवतार्चनम्

yo mohādatha vālasyādakṛtvā devatārcanam

1.50.82

भुङ्क्ते स याति नरकान् सूकरेष्वेव जायते

bhuṅkte sa yāti narakān sūkareṣveva jāyate

1.50.82.2

अशौचं सम्प्रवक्ष्यामि अशुचिः पातकी सदा

aśaucaṃ sampravakṣyāmi aśuciḥ pātakī sadā

1.50.83

अशौचं चैव संसर्गाच्छुद्धिः संसर्गवर्जनात्

aśaucaṃ caiva saṃsargācchuddhiḥ saṃsargavarjanāt

1.50.83.2

दशाहं प्राहुराशौचं सर्वे विप्रा विपश्चितः

daśāhaṃ prāhurāśaucaṃ sarve viprā vipaścitaḥ

1.50.84

मृतेषु वाथ जातेषु ब्राह्मणानां द्विजोत्तम

mṛteṣu vātha jāteṣu brāhmaṇānāṃ dvijottama

1.50.84.2

आ दन्तजननात् सद्य आ चूडादेकरात्रकम्

ā dantajananāt sadya ā cūḍādekarātrakam

1.50.85

त्रिरात्रम् औपनयनाद् दशरात्रमतः

trirātram aupanayanād daśarātramataḥ

1.50.85.2

क्षत्त्रियो द्वादशाहेन दशभिः पञ्चभिर्विशः

kṣattriyo dvādaśāhena daśabhiḥ pañcabhirviśaḥ

1.50.86

शुध्येन्मासेन वै शूद्रो यतीनां नास्ति पातकम्

śudhyenmāsena vai śūdro yatīnāṃ nāsti pātakam

1.50.86.2

रात्रिभिर्मासतुल्याभिर्गर्भस्रावेषु शौचकम्

rātribhirmāsatulyābhirgarbhasrāveṣu śaucakam

1.50.87

इति गारुडे महापुराणे पूर्वखण्डे प्रथमांशाख्ये आचारकाण्डे नित्यकर्माशौचयोर्निरूपणं नाम पञ्चाशत्तमो ऽध्यायः

iti gāruḍe mahāpurāṇe pūrvakhaṇḍe prathamāṃśākhye ācārakāṇḍe nityakarmāśaucayornirūpaṇaṃ nāma pañcāśattamo 'dhyāyaḥ

Garuḍapurāṇa