1.49.39

अहं मनोबुद्धिमहदहङ्कारादिवर्जितम्

ahaṃ manobuddhimahadahaṅkārādivarjitam

1.49.39.2

जाग्रत्स्वप्नसुषुप्त्यादियुक्तज्योतिस्तदीयकम्

jāgratsvapnasuṣuptyādiyuktajyotistadīyakam

1.49.40

नित्यं शुद्धं बुद्धमुक्तं सत्यमानन्दमद्वयम्

nityaṃ śuddhaṃ buddhamuktaṃ satyamānandamadvayam

1.49.40.2

यो ऽसावादित्यपुरुषः सो ऽसावहमखण्डितम्

yo 'sāvādityapuruṣaḥ so 'sāvahamakhaṇḍitam

1.49.40.3

इति ध्यायन्विमुच्येत् ब्राह्मणो भवबन्धनात्

iti dhyāyanvimucyet brāhmaṇo bhavabandhanāt

1.49.41

इति श्रीगारुडे महापुराणे पूर्वखण्डे प्रथमांशाख्ये आचारकाण्डे वर्णाश्रमधर्मनिरूपणं नामैकोनपञ्चाशत्तमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe varṇāśramadharmanirūpaṇaṃ nāmaikonapañcāśattamo 'dhyāyaḥ

1.50.1

ब्रह्मोवाच

brahmovāca

1.50.1.2

अहन्यहनि यः कुर्यात्क्रियां स ज्ञानमाप्नुयात्

ahanyahani yaḥ kuryātkriyāṃ sa jñānamāpnuyāt

1.50.1.3

ब्राह्मे मुहूर्ते चोत्थाय धर्ममर्थं च चिन्तयेत्

brāhme muhūrte cotthāya dharmamarthaṃ ca cintayet

1.50.2

चिन्तयेद्धृदि पद्मस्थमानन्दमजरं हरिम्

cintayeddhṛdi padmasthamānandamajaraṃ harim

1.50.2.2

उषःकाले तु सम्प्राप्ते कृत्वा चावश्यकं बुधः

uṣaḥkāle tu samprāpte kṛtvā cāvaśyakaṃ budhaḥ

1.50.3

स्नायान्नदीषु शुद्धासु शौचं कृत्वा यथाविधि

snāyānnadīṣu śuddhāsu śaucaṃ kṛtvā yathāvidhi

1.50.3.2

प्रातःस्नानेन पूयन्ते ये ऽपि पापकृतो जनाः

prātaḥsnānena pūyante ye 'pi pāpakṛto janāḥ

1.50.4

तस्मात्सर्वप्रयत्नेन प्रातः स्नानं समाचरेत्

tasmātsarvaprayatnena prātaḥ snānaṃ samācaret

1.50.4.2

प्रातः स्नानं प्रशंसन्ति दृष्टादृष्टष्टकरं हि

prātaḥ snānaṃ praśaṃsanti dṛṣṭādṛṣṭaṣṭakaraṃ hi

1.50.5

सुखात्सुप्तस्य सततं लालाद्याः संस्रवन्ति हि

sukhātsuptasya satataṃ lālādyāḥ saṃsravanti hi

1.50.5.2

अतो नैवाचरेत्कर्माण्यकृत्वा स्नानमादितः

ato naivācaretkarmāṇyakṛtvā snānamāditaḥ

1.50.6

अलक्ष्मीः कालकर्णी च दुःस्वप्नं दुर्विचिन्तितम्

alakṣmīḥ kālakarṇī ca duḥsvapnaṃ durvicintitam

1.50.6.2

प्रातः स्नानेन पापानि धूयन्ते नात्र संशयः

prātaḥ snānena pāpāni dhūyante nātra saṃśayaḥ

1.50.7

न च स्नानं विना पुंसां प्राशस्त्यं कर्म संस्मृतम्

na ca snānaṃ vinā puṃsāṃ prāśastyaṃ karma saṃsmṛtam

Garuḍapurāṇa