1.47.40.2

कियन्तो येषु चाधारा निराधाराश्च केचन

kiyanto yeṣu cādhārā nirādhārāśca kecana

1.47.41

प्रतिच्छन्दकभेदेन प्रासादाः सम्भवन्ति ते

praticchandakabhedena prāsādāḥ sambhavanti te

1.47.41.2

अन्योन्यासंकरास्तेषां घटनानामभेदतः

anyonyāsaṃkarāsteṣāṃ ghaṭanānāmabhedataḥ

1.47.42

देवतानां विशेषाय प्रासादा बहवः स्मृताः

devatānāṃ viśeṣāya prāsādā bahavaḥ smṛtāḥ

1.47.42.2

प्रासादे नियमो नास्ति देवतानां स्वयम्भुवाम्

prāsāde niyamo nāsti devatānāṃ svayambhuvām

1.47.43

तानेव देवतानां च पूर्वमानेन कारयेत्

tāneva devatānāṃ ca pūrvamānena kārayet

1.47.43.2

चतुरश्रायतास् तत्र चतुष्कोणसमन्विताः

caturaśrāyatās tatra catuṣkoṇasamanvitāḥ

1.47.44

चन्द्रशालान्विता कार्या भेरीशिखरसंयुता

candraśālānvitā kāryā bherīśikharasaṃyutā

1.47.44.2

पुरतो वाहनानां च कर्तव्या लग्न

purato vāhanānāṃ ca kartavyā lagna

1.47.45

नाट्यशाला च कर्तव्या द्वारदेशसमाश्रया

nāṭyaśālā ca kartavyā dvāradeśasamāśrayā

1.47.45.2

प्रसादे देवतानां च कार्या दिक्षु विदिक्ष्वपि

prasāde devatānāṃ ca kāryā dikṣu vidikṣvapi

1.47.46

द्वारपालाश्च कर्तव्या मुख्या गत्वा पृथक्पृथक्

dvārapālāśca kartavyā mukhyā gatvā pṛthakpṛthak

1.47.46.2

किंचिद् अदूरतः कार्या मठास्तत्रोपजीविनाम्

kiṃcid adūrataḥ kāryā maṭhāstatropajīvinām

1.47.47

प्रावृता जगती कार्या फलपुष्पजलान्विता

prāvṛtā jagatī kāryā phalapuṣpajalānvitā

1.47.47.2

प्रसादेषु सुरान् स्थाप्य पूजाभिः पूजयेन्नरः

prasādeṣu surān sthāpya pūjābhiḥ pūjayennaraḥ

1.47.47.3

वासुदेवः सर्वदेवः सर्वभाक् तद्गृहादिकृत्

vāsudevaḥ sarvadevaḥ sarvabhāk tadgṛhādikṛt

1.47.48

इति श्रीगारुडे महापुराणे पूर्वखण्डे प्रथमांशे आचारकाण्डे प्रासादलिङ्गमण्डपादिलक्षणनिरूपणं नाम सप्तचत्वारिंशो ऽध्यायः

iti śrīgāruḍe mahāpurāṇe pūrvakhaṇḍe prathamāṃśe ācārakāṇḍe prāsādaliṅgamaṇḍapādilakṣaṇanirūpaṇaṃ nāma saptacatvāriṃśo 'dhyāyaḥ

1.48.1

सूत उवाच

sūta uvāca

1.48.1.2

प्रतिष्ठां सर्वदेवानां संक्षेपेण वदाम्यहम्

pratiṣṭhāṃ sarvadevānāṃ saṃkṣepeṇa vadāmyaham

1.48.1.3

सुतिथ्यादौ सुरम्यां च प्रतिष्ठां कारयेद्गुरुः

sutithyādau suramyāṃ ca pratiṣṭhāṃ kārayedguruḥ

Garuḍapurāṇa