1.45.34.2

धर्मार्थकाममोक्षाद्याः प्राप्यन्ते पुरुषेण च

dharmārthakāmamokṣādyāḥ prāpyante puruṣeṇa ca

1.45.35

इति श्रीगारुडे महापुराणे पूर्वखण्डे प्रथमांशाख्ये आचारकाण्डे शालग्राममूर्तिलक्षणं नाम पञ्चचत्वारिंशो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śālagrāmamūrtilakṣaṇaṃ nāma pañcacatvāriṃśo 'dhyāyaḥ

1.46.1

हरिरुवाच

hariruvāca

1.46.1.2

वास्तुं संक्षेपतो वक्ष्ये गृहादौ विघ्ननाशनम्

vāstuṃ saṃkṣepato vakṣye gṛhādau vighnanāśanam

1.46.1.3

ईशानकोणादारभ्य ह्येकाशीतिपदे यजेत्

īśānakoṇādārabhya hyekāśītipade yajet

1.46.2

ईशाने च शिरः पादौ नैरृते ऽग्न्यनिले करौ

īśāne ca śiraḥ pādau nairṛte 'gnyanile karau

1.46.2.2

आवासवासवेश्मादौ पुरे ग्रामे वणिक्पथे

āvāsavāsaveśmādau pure grāme vaṇikpathe

1.46.3

प्रासादारामदुर्गेषु देवालयमठेषु च

prāsādārāmadurgeṣu devālayamaṭheṣu ca

1.46.3.2

द्वाविंशतिसुरान् बाह्ये तदन्तश्च त्रयोदश

dvāviṃśatisurān bāhye tadantaśca trayodaśa

1.46.4

ईशश्चैवाथ पर्जन्यो जयन्तः कुलिशायुधः

īśaścaivātha parjanyo jayantaḥ kuliśāyudhaḥ

1.46.4.2

सूर्यः सत्यो भृगुश्चैव आकाशो वायुरेव च

sūryaḥ satyo bhṛguścaiva ākāśo vāyureva ca

1.46.5

पूषा च वितथश्चैव ग्रहक्षेत्रयमावुभौ

pūṣā ca vitathaścaiva grahakṣetrayamāvubhau

1.46.5.2

गन्धर्वो भृगुराजस्तु मृगः पितृगणस्तथा

gandharvo bhṛgurājastu mṛgaḥ pitṛgaṇastathā

1.46.6

दौवारिको ऽथ सुग्रीवः पुष्पदन्तो गणाधिपः

dauvāriko 'tha sugrīvaḥ puṣpadanto gaṇādhipaḥ

1.46.6.2

असुरः शेषपापौ च रोगो डहिमुख एव

asuraḥ śeṣapāpau ca rogo ḍahimukha eva

1.46.7

भल्लाटः सोमसर्पौ च अदितिश्चदितिस्तथा

bhallāṭaḥ somasarpau ca aditiścaditistathā

1.46.7.2

बहिर्द्वात्रिंशदेते तु तदन्तश्चतुरः शृणु

bahirdvātriṃśadete tu tadantaścaturaḥ śṛṇu

1.46.8

ईशानादिचतुष्कोणसंस्थितान् पूजयेद् बुधः

īśānādicatuṣkoṇasaṃsthitān pūjayed budhaḥ

1.46.8.2

आपश्चैवाथ सावित्री जयो रुद्रस्तथैव च

āpaścaivātha sāvitrī jayo rudrastathaiva ca

1.46.9

मध्ये नवपदे ब्रह्मा तस्याष्ठौ च

madhye navapade brahmā tasyāṣṭhau ca

Garuḍapurāṇa