1.2.53.2

देवादीन्सकलाञ्जित्वा चामृतं ह्यानयिष्यसि

devādīnsakalāñjitvā cāmṛtaṃ hyānayiṣyasi

1.2.54

महाबलो वाहनस्त्वं भविष्यसि विषार्दनः

mahābalo vāhanastvaṃ bhaviṣyasi viṣārdanaḥ

1.2.54.2

पुराणं मत्प्रसादाच्च मम माहात्म्यवाचकम्

purāṇaṃ matprasādācca mama māhātmyavācakam

1.2.55

यदुक्तं मत्स्वरूपं च तव चाविर्भविष्यति

yaduktaṃ matsvarūpaṃ ca tava cāvirbhaviṣyati

1.2.55.2

गारुडं तव नाम्ना तल्लोके ख्यातिं गमिष्यति

gāruḍaṃ tava nāmnā talloke khyātiṃ gamiṣyati

1.2.56

यथाहं देवदेवानां श्रीः ख्यातो विनतासुत

yathāhaṃ devadevānāṃ śrīḥ khyāto vinatāsuta

1.2.56.2

तथा ख्यातिं पुराणेषु गारुडं गरुडैष्यति

tathā khyātiṃ purāṇeṣu gāruḍaṃ garuḍaiṣyati

1.2.57

यथाहं कीर्तनीयो ऽथ तथा त्वं गरुडात्मना

yathāhaṃ kīrtanīyo 'tha tathā tvaṃ garuḍātmanā

1.2.57.2

मां ध्यात्वा पक्षिमुख्येदं पुराणं गद गारुडम्

māṃ dhyātvā pakṣimukhyedaṃ purāṇaṃ gada gāruḍam

1.2.58

इत्युक्तो गरुडो रुद्र कश्यपायाह पृच्छते

ityukto garuḍo rudra kaśyapāyāha pṛcchate

1.2.58.2

कश्यपो गारुडं श्रुत्वा वृक्षं दग्धमजीवयत्

kaśyapo gāruḍaṃ śrutvā vṛkṣaṃ dagdhamajīvayat

1.2.59

स्वयं चान्यमना भूत्वा विद्ययान्यान्यजीवयत्

svayaṃ cānyamanā bhūtvā vidyayānyānyajīvayat

1.2.59.2

यक्षि ॐउंस्वाहाजापी विद्ययं गारुडी

yakṣi oṃuṃsvāhājāpī vidyayaṃ gāruḍī

1.2.59.3

गरुडोक्तं गारुडं हि शृणु रुद्र मदात्मकम्

garuḍoktaṃ gāruḍaṃ hi śṛṇu rudra madātmakam

1.2.60

इति श्रीगारुडे महापुराणे पूर्वखण्डे प्रथमांशाख्ये आचारकाण्डे श्रीगरुडमहापुराणोत्पत्तिनिरूपणं नाम द्वितीयो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīgaruḍamahāpurāṇotpattinirūpaṇaṃ nāma dvitīyo 'dhyāyaḥ

1.3.1

सूत उवाच

sūta uvāca

1.3.1.2

इति रुद्राब्जजो विष्णोः शुश्राव ब्रह्मणो मुनिः

iti rudrābjajo viṣṇoḥ śuśrāva brahmaṇo muniḥ

1.3.1.3

व्यासो व्यासादहं वक्ष्ये ऽहं ते शौनक नैमिषे

vyāso vyāsādahaṃ vakṣye 'haṃ te śaunaka naimiṣe

1.3.2

मुनीनां शृण्वतां मध्ये सर्गाद्यं देवपूजनम्

munīnāṃ śṛṇvatāṃ madhye sargādyaṃ devapūjanam

1.3.2.2

तीर्थं भुवनकोशं च मन्वन्तरमिहोच्यते

tīrthaṃ bhuvanakośaṃ ca manvantaramihocyate

Garuḍapurāṇa