Dhanvantarinighaṇṭu

āyurveda

Notable Lemmas:

tikta (107 Occurences)kapha (96 Occurences)ghna (89 Occurences)uṣṇa (87 Occurences)vāta (78 Occurences)pitta (77 Occurences)jit (75 Occurences)viṣa (66 Occurences)han (64 Occurences)

761–780 of 1062 verses

Candanādivarga.76

एलवालुः सुगन्धिः स्याच्छीतोऽत्यन्तं प्रकीर्तितः

elavāluḥ sugandhiḥ syācchīto'tyantaṃ prakīrtitaḥ

Candanādivarga.76.2

विषविध्वंसनो ऽत्युग्रकण्डूकुष्ठव्रणान्तकृत्

viṣavidhvaṃsano 'tyugrakaṇḍūkuṣṭhavraṇāntakṛt

Candanādivarga.77

सरलः पूतिकाष्ठं च चीडा पूतिद्रुमो मतः

saralaḥ pūtikāṣṭhaṃ ca cīḍā pūtidrumo mataḥ

Candanādivarga.77.2

दीपवृक्षः स्निग्धदारुः प्रोक्तो मारीचपत्त्रकः

dīpavṛkṣaḥ snigdhadāruḥ prokto mārīcapattrakaḥ

Candanādivarga.78

सरलः स्निग्धतिक्तोष्णः कफमारुतनाशनः

saralaḥ snigdhatiktoṣṇaḥ kaphamārutanāśanaḥ

Candanādivarga.78.2

वक्त्रस्रावस्वरभ्रंशनेत्ररोगव्रणान्तकृत्

vaktrasrāvasvarabhraṃśanetrarogavraṇāntakṛt

Candanādivarga.79

सप्तपर्णः शुक्तिपर्णश्छत्त्रपर्णः सुपर्णकः

saptaparṇaḥ śuktiparṇaśchattraparṇaḥ suparṇakaḥ

Candanādivarga.79.2

सप्तच्छदो गूढपुष्पस्तथा शाल्मलिपत्त्रकः

saptacchado gūḍhapuṣpastathā śālmalipattrakaḥ

Candanādivarga.80

त्रिदोषशमनो हृद्यः सुरभिर्दीपनः सरः

tridoṣaśamano hṛdyaḥ surabhirdīpanaḥ saraḥ

Candanādivarga.80.2

शूलगुल्मकृमीन् कुष्ठं हन्ति शाल्मलिपत्त्रकः

śūlagulmakṛmīn kuṣṭhaṃ hanti śālmalipattrakaḥ

Candanādivarga.81

लाक्षा पलङ्कषा रक्ता दीप्तिश्च कृमिजा जतु

lākṣā palaṅkaṣā raktā dīptiśca kṛmijā jatu

Candanādivarga.81.2

शतघ्नी रङ्गमाता च द्रुमव्याधिरलक्तकः

śataghnī raṅgamātā ca drumavyādhiralaktakaḥ

Candanādivarga.82

लाक्षा तिक्तकषाया स्यात्स्निग्धा शोणितपित्तनुत्

lākṣā tiktakaṣāyā syātsnigdhā śoṇitapittanut

Candanādivarga.82.2

कृमिश्लेष्मव्रणान् हन्ति भूतज्वरार्तिनाशिनी

kṛmiśleṣmavraṇān hanti bhūtajvarārtināśinī

Candanādivarga.83

तामलक्यजटा ताली तमाली तु तमालिनी

tāmalakyajaṭā tālī tamālī tu tamālinī

Candanādivarga.83.2

वितुन्ना भूम्यामलकी भूधात्री भ्वामलक्यपि

vitunnā bhūmyāmalakī bhūdhātrī bhvāmalakyapi

Candanādivarga.84

भूधात्री मधुरा तिक्ता वीर्यतः शिशिरा स्मृता

bhūdhātrī madhurā tiktā vīryataḥ śiśirā smṛtā

Candanādivarga.84.2

पित्तं हन्ति कफास्रघ्नी दृष्टिदाहविनाशिनी

pittaṃ hanti kaphāsraghnī dṛṣṭidāhavināśinī

Candanādivarga.85

लामज्जकं सुनालं स्यादमृणालं लवं लघु

lāmajjakaṃ sunālaṃ syādamṛṇālaṃ lavaṃ laghu

Candanādivarga.85.2

इष्टकापथकं शीघ्रं दीर्घमूलं जलाश्रयम्

iṣṭakāpathakaṃ śīghraṃ dīrghamūlaṃ jalāśrayam