Dhanvantarinighaṇṭu

āyurveda

Notable Lemmas:

tikta (107 Occurences)kapha (96 Occurences)ghna (89 Occurences)uṣṇa (87 Occurences)vāta (78 Occurences)pitta (77 Occurences)jit (75 Occurences)viṣa (66 Occurences)han (64 Occurences)

701–720 of 1062 verses

Candanādivarga.47

कुष्ठं रोगोऽगदो व्याधिरुत्पलं पाकलं रुजा

kuṣṭhaṃ rogo'gado vyādhirutpalaṃ pākalaṃ rujā

Candanādivarga.47.2

वाप्यं वानीरजं रामं कौबेरं पारिभद्रकम्

vāpyaṃ vānīrajaṃ rāmaṃ kauberaṃ pāribhadrakam

Candanādivarga.48

कुष्ठं कटूष्णं तिक्तं स्यात् कफमारुतरक्तजित्

kuṣṭhaṃ kaṭūṣṇaṃ tiktaṃ syāt kaphamārutaraktajit

Candanādivarga.48.2

त्रिदोषविषकण्डूंश्च कुष्ठरोगांश्च नाशयेत्

tridoṣaviṣakaṇḍūṃśca kuṣṭharogāṃśca nāśayet

Candanādivarga.49

रेणुका राजपुत्री च नन्दिनी कपिला द्विजा

reṇukā rājaputrī ca nandinī kapilā dvijā

Candanādivarga.49.2

कपिलोला पाण्डुपुत्री स्मृता कौन्ती हरेणुका

kapilolā pāṇḍuputrī smṛtā kauntī hareṇukā

Candanādivarga.50

रेणुका शिशिरात्यन्ता तृष्णां कण्डूंच नाशयेत्

reṇukā śiśirātyantā tṛṣṇāṃ kaṇḍūṃca nāśayet

Candanādivarga.50.2

विषघ्नी दाहदौर्बल्यमुन्मूलयति योजिता

viṣaghnī dāhadaurbalyamunmūlayati yojitā

Candanādivarga.51

तगरं कुटिलं वक्रं दीनं जिह्मं नतं शठम्

tagaraṃ kuṭilaṃ vakraṃ dīnaṃ jihmaṃ nataṃ śaṭham

Candanādivarga.51.2

कालानुसार्यम् अनृजु कुञ्चितं नहुषं नृपम्

kālānusāryam anṛju kuñcitaṃ nahuṣaṃ nṛpam

Candanādivarga.52

तगरं स्यात् कषायोष्णं स्निग्धं दोषत्रयप्रणुत्

tagaraṃ syāt kaṣāyoṣṇaṃ snigdhaṃ doṣatrayapraṇut

Candanādivarga.52.2

दृक्शीर्षविषदोषघ्नं भूतापस्मारनाशनम्

dṛkśīrṣaviṣadoṣaghnaṃ bhūtāpasmāranāśanam

Candanādivarga.53

परिप्लवं प्लवं वन्यं गोपुटं स्यात्कुटन्नटम्

pariplavaṃ plavaṃ vanyaṃ gopuṭaṃ syātkuṭannaṭam

Candanādivarga.53.2

सितपुष्पं दाशपुरं गोनर्दं जीर्णपुष्पकम्

sitapuṣpaṃ dāśapuraṃ gonardaṃ jīrṇapuṣpakam

Candanādivarga.54

परिप्लवं सुगन्धि स्यात्प्रस्वेदमलकण्डुजित्

pariplavaṃ sugandhi syātprasvedamalakaṇḍujit

Candanādivarga.54.2

जयेद्वातकफौ चापि मेध्यं कान्तिप्रदं भवेत्

jayedvātakaphau cāpi medhyaṃ kāntipradaṃ bhavet

Candanādivarga.55

नखः कररुहः शिल्पी करजोऽथ खुरः शफः

nakhaḥ kararuhaḥ śilpī karajo'tha khuraḥ śaphaḥ

Candanādivarga.55.2

शुक्तिः शङ्खश्चलः कोशी हनुर्नागहनुः सहः

śuktiḥ śaṅkhaścalaḥ kośī hanurnāgahanuḥ sahaḥ

Candanādivarga.56

नखं कटुकमुष्णं च विषं हन्ति प्रयोजितम्

nakhaṃ kaṭukamuṣṇaṃ ca viṣaṃ hanti prayojitam

Candanādivarga.56.2

कुष्ठानि सादयत्येव कफं खण्डयति क्षणात्

kuṣṭhāni sādayatyeva kaphaṃ khaṇḍayati kṣaṇāt