Dhanvantarinighaṇṭu

āyurveda

Notable Lemmas:

tikta (107 Occurences)kapha (96 Occurences)ghna (89 Occurences)uṣṇa (87 Occurences)vāta (78 Occurences)pitta (77 Occurences)jit (75 Occurences)viṣa (66 Occurences)han (64 Occurences)

681–700 of 1062 verses

Candanādivarga.37

स्यात्पूगफलमुद्वेगं स्रंसि घोण्टाफलं स्मृतम्

syātpūgaphalamudvegaṃ sraṃsi ghoṇṭāphalaṃ smṛtam

Candanādivarga.37.2

चिक्कणं चिक्कणा चिक्का गुवाकः खपुरं च तत्

cikkaṇaṃ cikkaṇā cikkā guvākaḥ khapuraṃ ca tat

Candanādivarga.38

भेदि संमोहकृत् पूगं कषायं स्वादु रोचनम्

bhedi saṃmohakṛt pūgaṃ kaṣāyaṃ svādu rocanam

Candanādivarga.38.2

कफपित्तहरं रूक्षं वक्त्रक्लेदमलापहम्

kaphapittaharaṃ rūkṣaṃ vaktrakledamalāpaham

Candanādivarga.39

लवङ्गं देवकुसुमं भृङ्गारं शिखरं लवम्

lavaṅgaṃ devakusumaṃ bhṛṅgāraṃ śikharaṃ lavam

Candanādivarga.39.2

दिव्यं चन्दनपुष्पं च श्रीपुष्पं वारिसम्भवम्

divyaṃ candanapuṣpaṃ ca śrīpuṣpaṃ vārisambhavam

Candanādivarga.40

लवङ्गकुसुमं हृद्यं शीतलं पित्तनाशनम्

lavaṅgakusumaṃ hṛdyaṃ śītalaṃ pittanāśanam

Candanādivarga.40.2

चक्षुष्यं विषहृत् वृष्यं माङ्गल्यं मूर्धरोगहृत्

cakṣuṣyaṃ viṣahṛt vṛṣyaṃ māṅgalyaṃ mūrdharogahṛt

Candanādivarga.41

नलिका विद्रुमलता कपोतचरणा नली

nalikā vidrumalatā kapotacaraṇā nalī

Candanādivarga.41.2

सुषिरा धमनी शून्या निर्मथ्या नर्तकी नटा

suṣirā dhamanī śūnyā nirmathyā nartakī naṭā

Candanādivarga.42

नलिका रक्तपित्तघ्नी चक्षुष्या विषनाशिनी

nalikā raktapittaghnī cakṣuṣyā viṣanāśinī

Candanādivarga.42.2

नलिका वातला तिक्ता गुर्वी च मधुरा हिमा

nalikā vātalā tiktā gurvī ca madhurā himā

Candanādivarga.43

मांसी कृष्णजटा हिंस्रा नलदा जटिला मिशी

māṃsī kṛṣṇajaṭā hiṃsrā naladā jaṭilā miśī

Candanādivarga.43.2

जटा च पिशिता पेशी क्रव्यादी च तपस्विनी

jaṭā ca piśitā peśī kravyādī ca tapasvinī

Candanādivarga.44

मांसी स्वादुकषाया स्यात्कफपित्तास्रनाशिनी

māṃsī svādukaṣāyā syātkaphapittāsranāśinī

Candanādivarga.44.2

विषमारुतहृद्बल्या त्वच्या कान्तिप्रसादनी

viṣamārutahṛdbalyā tvacyā kāntiprasādanī

Candanādivarga.45

द्वितीया गन्धमांसी स्यात् केशी भूतजटा स्मृता

dvitīyā gandhamāṃsī syāt keśī bhūtajaṭā smṛtā

Candanādivarga.45.2

पिशाची पूतना केशी भूतकेशी च लोमशा

piśācī pūtanā keśī bhūtakeśī ca lomaśā

Candanādivarga.46

मांसीद्वयं कषायं च वर्ण्यं पित्तकफापहम्

māṃsīdvayaṃ kaṣāyaṃ ca varṇyaṃ pittakaphāpaham

Candanādivarga.46.2

रक्षोघ्नं च सुगन्धि स्याद् वातघ्नं केश्यमुत्तमम्

rakṣoghnaṃ ca sugandhi syād vātaghnaṃ keśyamuttamam