Dhanvantarinighaṇṭu

āyurveda

Notable Lemmas:

tikta (107 Occurences)kapha (96 Occurences)ghna (89 Occurences)uṣṇa (87 Occurences)vāta (78 Occurences)pitta (77 Occurences)jit (75 Occurences)viṣa (66 Occurences)han (64 Occurences)

601–620 of 1062 verses

2.42

तुम्बुरुः सौरभः सौरो वनजः सानुजो द्विजः

tumburuḥ saurabhaḥ sauro vanajaḥ sānujo dvijaḥ

2.42.2

तीक्ष्णवल्कस्तीक्ष्णफलस्तीक्ष्णपत्त्रो महामुनिः

tīkṣṇavalkastīkṣṇaphalastīkṣṇapattro mahāmuniḥ

2.43

तुम्बुरुः कटुतीक्ष्णोष्णः कफमारुतशूलजित्

tumburuḥ kaṭutīkṣṇoṣṇaḥ kaphamārutaśūlajit

2.43.2

अपतन्त्रोदराध्मानकृमिघ्नो वह्निदीपनः

apatantrodarādhmānakṛmighno vahnidīpanaḥ

2.44

सूक्ष्मैला द्राविडी तुत्था कोरङ्गी बहुला त्रुटिः

sūkṣmailā drāviḍī tutthā koraṅgī bahulā truṭiḥ

2.44.2

एला कपोतवर्णा च चन्द्रबाला च निष्कुटी

elā kapotavarṇā ca candrabālā ca niṣkuṭī

Candanādivarga.1

चन्दनं गन्धसारं च महार्हं श्वेतचन्दनम्

candanaṃ gandhasāraṃ ca mahārhaṃ śvetacandanam

Candanādivarga.1.2

भद्रश्रियं मलयजं गोशीर्षं तिलपर्णकम्

bhadraśriyaṃ malayajaṃ gośīrṣaṃ tilaparṇakam

Candanādivarga.2

श्रीखण्डं शीतलं स्वादु तिक्तं पित्तविनाशनम्

śrīkhaṇḍaṃ śītalaṃ svādu tiktaṃ pittavināśanam

Candanādivarga.2.2

रक्तप्रसादनं वृष्यमन्तर्दाहापहारकम्

raktaprasādanaṃ vṛṣyamantardāhāpahārakam

Candanādivarga.3

पित्तास्रविषतृड्दाहकृमिघ्नं गुरु रूक्षणम्

pittāsraviṣatṛḍdāhakṛmighnaṃ guru rūkṣaṇam

Candanādivarga.3.2

सर्वं सतिक्तमधुरं चन्दनं शिशिरं परम्

sarvaṃ satiktamadhuraṃ candanaṃ śiśiraṃ param

Candanādivarga.4

रक्तचन्दनमप्यन्यल्लोहितं हरिचन्दनम्

raktacandanamapyanyallohitaṃ haricandanam

Candanādivarga.4.2

रक्तसारं ताम्रसारं निर्दिष्टं क्षुद्रचन्दनम्

raktasāraṃ tāmrasāraṃ nirdiṣṭaṃ kṣudracandanam

Candanādivarga.5

रक्तचन्दनमप्याहू रक्षोघ्नं तिक्तशीतलम्

raktacandanamapyāhū rakṣoghnaṃ tiktaśītalam

Candanādivarga.5.2

रक्तोद्रेकहरं हन्ति पित्तकोपं सुदारुणम्

raktodrekaharaṃ hanti pittakopaṃ sudāruṇam

Candanādivarga.6

कुचन्दनं पतङ्गं च रक्तकाष्ठं सुरङ्गकम्

kucandanaṃ pataṅgaṃ ca raktakāṣṭhaṃ suraṅgakam

Candanādivarga.6.2

पत्त्राङ्गं पट्टरागं च पट्टरञ्जनमेव च

pattrāṅgaṃ paṭṭarāgaṃ ca paṭṭarañjanameva ca

Candanādivarga.7

स्वादु पाकरसे शीतं श्लेष्मलं नातिपित्तलम्

svādu pākarase śītaṃ śleṣmalaṃ nātipittalam

Candanādivarga.7.2

कुचन्दनं तु तिक्तं स्यात्सुगन्धि व्रणरोपणम्

kucandanaṃ tu tiktaṃ syātsugandhi vraṇaropaṇam