2.33.2

चत्वारि तत्रात्मनि संश्रितानि स्थितस्तथात्मा च चतुर्षु तेषु

catvāri tatrātmani saṃśritāni sthitastathātmā ca caturṣu teṣu

2.34

भूतानि मातापितृसंभवानि रजश्च शुक्रं च वदन्ति गर्भे

bhūtāni mātāpitṛsaṃbhavāni rajaśca śukraṃ ca vadanti garbhe

2.34.2

आप्याय्यते शुक्रमसृक् च भूतैर् यैस्तानि भूतानि रसोद्भवानि

āpyāyyate śukramasṛk ca bhūtair yaistāni bhūtāni rasodbhavāni

2.35

भूतानि चत्वारि तु कर्मजानि यान्यात्मलीनानि विशन्ति गर्भम्

bhūtāni catvāri tu karmajāni yānyātmalīnāni viśanti garbham

2.35.2

स बीजधर्मा ह्यपरापराणि देहान्तराण्यात्मनि याति याति

sa bījadharmā hyaparāparāṇi dehāntarāṇyātmani yāti yāti

2.36

रूपाद्धि रूपप्रभवः प्रसिद्धः कर्मात्मकानां मनसो मनस्तः

rūpāddhi rūpaprabhavaḥ prasiddhaḥ karmātmakānāṃ manaso manastaḥ

2.36.2

भवन्ति ये त्वाकृतिबुद्धिभेदा रजस्तमस्तत्र च कर्म हेतुः

bhavanti ye tvākṛtibuddhibhedā rajastamastatra ca karma hetuḥ

2.37

अतीन्द्रियैस् तैर् अतिसूक्ष्मरूपैर् आत्मा कदाचिन् न वियुक्तरूपः

atīndriyais tair atisūkṣmarūpair ātmā kadācin na viyuktarūpaḥ

2.37.2

न कर्मणा नैव मनोमतिभ्यां न चाप्यहङ्कारविकारदोषैः

na karmaṇā naiva manomatibhyāṃ na cāpyahaṅkāravikāradoṣaiḥ

2.38

रजस्तमोभ्यां हि मनोऽनुबद्धं ज्ञानं विना तत्र हि सर्वदोषाः

rajastamobhyāṃ hi mano'nubaddhaṃ jñānaṃ vinā tatra hi sarvadoṣāḥ

2.38.2

गतिप्रवृत्त्योस्तु निमित्तमुक्तं मनः सदोषं बलवच्च कर्म

gatipravṛttyostu nimittamuktaṃ manaḥ sadoṣaṃ balavacca karma

2.39

रोगाः कुतः संशमनं किमेषां हर्षस्य शोकस्य च किं निमित्तम्

rogāḥ kutaḥ saṃśamanaṃ kimeṣāṃ harṣasya śokasya ca kiṃ nimittam

2.39.2

शरीरसत्त्वप्रभवा विकाराः कथं न शान्ताः पुनरापतेयुः

śarīrasattvaprabhavā vikārāḥ kathaṃ na śāntāḥ punarāpateyuḥ

2.40

प्रज्ञापराधो विषमास्तथार्था हेतुस्तृतीयः परिणामकालः

prajñāparādho viṣamāstathārthā hetustṛtīyaḥ pariṇāmakālaḥ

2.40.2

सर्वामयानां त्रिविधा च शान्तिर् ज्ञानार्थकालाः समयोगयुक्ताः

sarvāmayānāṃ trividhā ca śāntir jñānārthakālāḥ samayogayuktāḥ

2.41

धर्म्याः क्रिया हर्षनिमित्तमुक्तास् ततोऽन्यथा शोकवशं नयन्ति

dharmyāḥ kriyā harṣanimittamuktās tato'nyathā śokavaśaṃ nayanti

2.41.2

शरीरसत्त्वप्रभवास्तु रोगास्तयोरवृत्त्या न भवन्ति भूयः

śarīrasattvaprabhavāstu rogāstayoravṛttyā na bhavanti bhūyaḥ

2.42

रूपस्य सत्त्वस्य च सन्ततिर्या नोक्तस्तदादिर्नहि सोऽस्ति कश्चित्

rūpasya sattvasya ca santatiryā noktastadādirnahi so'sti kaścit

2.42.2

तयोरवृत्तिः क्रियते पराभ्यां धृतिस्मृतिभ्यां परया धिया च

tayoravṛttiḥ kriyate parābhyāṃ dhṛtismṛtibhyāṃ parayā dhiyā ca

2.43

सत्याश्रये वा द्विविधे यथोक्ते पूर्वं गदेभ्यः प्रतिकर्म नित्यम्

satyāśraye vā dvividhe yathokte pūrvaṃ gadebhyaḥ pratikarma nityam

Carakasaṃhitā