1.61

धात्र्यङ्कसंविष्टम् अवेक्ष्य चैनं देव्यङ्कसंविष्टमिवाग्निसूनुम्

dhātryaṅkasaṃviṣṭam avekṣya cainaṃ devyaṅkasaṃviṣṭamivāgnisūnum

1.61.2

बभूव पक्ष्मान्तविचञ्चिताश्रुर् निश्वस्य चैव त्रिदिवोन्मुखो

babhūva pakṣmāntavicañcitāśrur niśvasya caiva tridivonmukho

1.62

दृष्ट्वासितं त्वश्रुपरिप्लुताक्षं स्नेहात्तनूजस्य नृपश्चकम्पे

dṛṣṭvāsitaṃ tvaśrupariplutākṣaṃ snehāttanūjasya nṛpaścakampe

1.62.2

सगद्गदं बाष्पकषायकण्ठः पप्रच्छ स प्राञ्जलिरानताङ्गः

sagadgadaṃ bāṣpakaṣāyakaṇṭhaḥ papraccha sa prāñjalirānatāṅgaḥ

1.63

अल्पान्तरं यस्य वपुः सुरेभ्यो बह्वद्भुतं यस्य च जन्म दीप्तम्

alpāntaraṃ yasya vapuḥ surebhyo bahvadbhutaṃ yasya ca janma dīptam

1.63.2

यस्योत्तमं भाविनमात्थ चार्थं तं प्रेक्ष्य कस्मात्तव धीर बाष्पः

yasyottamaṃ bhāvinamāttha cārthaṃ taṃ prekṣya kasmāttava dhīra bāṣpaḥ

1.64

अपि स्थिरायुर्भगवन् कुमारः कच्चिन्न शोकाय मम प्रसूतः

api sthirāyurbhagavan kumāraḥ kaccinna śokāya mama prasūtaḥ

1.64.2

लब्धः कथंचित्सलिलाञ्जलिर्मे न खल्विमं पातुमुपैति कालः

labdhaḥ kathaṃcitsalilāñjalirme na khalvimaṃ pātumupaiti kālaḥ

1.65

अप्यक्षयं मे यशसो निधानं कच्चिद्ध्रुवो मे कुलहस्तसारः

apyakṣayaṃ me yaśaso nidhānaṃ kacciddhruvo me kulahastasāraḥ

1.65.2

अपि प्रयास्यामि सुखं परत्र सुप्तो ऽपि पुत्रे ऽनिमिषैकचक्षुः

api prayāsyāmi sukhaṃ paratra supto 'pi putre 'nimiṣaikacakṣuḥ

1.66

कच्चिन्न मे जातमफुल्लमेव कुलप्रवालं परिशोषभागि

kaccinna me jātamaphullameva kulapravālaṃ pariśoṣabhāgi

1.66.2

क्षिप्रं विभो ब्रूहि न मे ऽस्ति शान्तिः स्नेहं सुते वेत्सि हि बान्धवानाम्

kṣipraṃ vibho brūhi na me 'sti śāntiḥ snehaṃ sute vetsi hi bāndhavānām

1.67

इत्यागतावेगमनिष्टबुद्ध्या बुद्ध्वा नरेन्द्रं स मुनिर्बभाषे

ityāgatāvegamaniṣṭabuddhyā buddhvā narendraṃ sa munirbabhāṣe

1.67.2

मा भून्मतिस्ते नृप काचिदन्या निःसंशयं तद्यदवोचमस्मि

mā bhūnmatiste nṛpa kācidanyā niḥsaṃśayaṃ tadyadavocamasmi

1.68

नास्यान्यथात्वं प्रति विक्रिया मे स्वां वञ्चनां तु प्रति विक्लवो ऽस्मि

nāsyānyathātvaṃ prati vikriyā me svāṃ vañcanāṃ tu prati viklavo 'smi

1.68.2

कालो हि मे यातुमयं च जातो जातिक्षयस्यासुलभस्य बोद्धा

kālo hi me yātumayaṃ ca jāto jātikṣayasyāsulabhasya boddhā

1.69

विहाय राज्यं विषयेष्वनास्थस् तीव्रैः प्रयत्नैरधिगम्य

vihāya rājyaṃ viṣayeṣvanāsthas tīvraiḥ prayatnairadhigamya

1.69.2

जगत्ययं मोहतमो निहन्तुं ज्वलिष्यति ज्ञानमयो हि सूर्यः

jagatyayaṃ mohatamo nihantuṃ jvaliṣyati jñānamayo hi sūryaḥ

1.70

दुःखार्णवाद्व्याधिविकीर्णफेनाज्जरातरङ्गान्मरणोग्रवेगात्

duḥkhārṇavādvyādhivikīrṇaphenājjarātaraṅgānmaraṇogravegāt

1.70.2

उत्तारयिष्यत्ययम् उह्यमानम् आर्तं जगज्ज्ञानमहाप्लवेन

uttārayiṣyatyayam uhyamānam ārtaṃ jagajjñānamahāplavena

Buddhacarita