9.4

शुद्धौजसः शुद्धविशालकीर्तेरिक्ष्वाकुवंशप्रभवस्य राज्ञः

śuddhaujasaḥ śuddhaviśālakīrterikṣvākuvaṃśaprabhavasya rājñaḥ

9.4.2

इमं जनं वेत्तु भवानधीतं श्रुतग्रहे मन्त्रपरिग्रहे च

imaṃ janaṃ vettu bhavānadhītaṃ śrutagrahe mantraparigrahe ca

9.5

तस्येन्द्रकल्पस्य जयन्तकल्पः पुत्रो जरामृत्युभयं तितीर्षुः

tasyendrakalpasya jayantakalpaḥ putro jarāmṛtyubhayaṃ titīrṣuḥ

9.5.2

इहाभ्युपेतः किल तस्य हेतोरावामुपेतौ भगवानवैतु

ihābhyupetaḥ kila tasya hetorāvāmupetau bhagavānavaitu

9.6

तौ सो ऽब्रवीदस्ति स दीर्घबाहुः प्राप्तः कुमारो न तु नावबुद्धः

tau so 'bravīdasti sa dīrghabāhuḥ prāptaḥ kumāro na tu nāvabuddhaḥ

9.6.2

धर्मो ऽयमावर्तक इत्यवेत्य यातस्त्वराडाभिमुखो मुमुक्षुः

dharmo 'yamāvartaka ityavetya yātastvarāḍābhimukho mumukṣuḥ

9.7

तस्मात्ततस्तावुपलभ्य तत्त्वं तं विप्रमामन्त्र्य तदैव सद्यः

tasmāttatastāvupalabhya tattvaṃ taṃ vipramāmantrya tadaiva sadyaḥ

9.7.2

खिन्नावखिन्नाविव राजभक्त्या प्रसस्रतुस्तेन यतः स यातः

khinnāvakhinnāviva rājabhaktyā prasasratustena yataḥ sa yātaḥ

9.8

यान्तौ ततस्तौ मृजया विहीनमपश्यतां तं

tatastau mṛjayā vihīnamapaśyatāṃ taṃ vapuṣojjvalantam

9.8.2

उपोपविष्टं पथि वृक्षमूले सूर्यं घनाभोगमिव प्रविष्टम्

upopaviṣṭaṃ pathi vṛkṣamūle sūryaṃ ghanābhogamiva praviṣṭam

9.9

यानं विहायोपययौ ततस्तं पुरोहितो मन्त्रधरेण सार्धम्

yānaṃ vihāyopayayau tatastaṃ purohito mantradhareṇa sārdham

9.9.2

यथा वनस्थं सहवामदेवो रामं दिदृक्षुर् मुनिर् और्वशेयः

yathā vanasthaṃ sahavāmadevo rāmaṃ didṛkṣur munir aurvaśeyaḥ

9.10

तावर्चयामासतुर् अर्हतस् तं दिवीव शुक्राङ्गिरसौ महेन्द्रम्

tāvarcayāmāsatur arhatas taṃ divīva śukrāṅgirasau mahendram

9.10.2

प्रत्यर्चयामास स चार्हतस्तौ दिवीव शुक्राङ्गिरसौ महेन्द्रः

pratyarcayāmāsa sa cārhatastau divīva śukrāṅgirasau mahendraḥ

9.11

कृताभ्यनुज्ञावभितस्ततस्तौ निषेदतुः शाक्यकुलध्वजस्य

kṛtābhyanujñāvabhitastatastau niṣedatuḥ śākyakuladhvajasya

9.11.2

विरेजतुस्तस्य च संनिकर्षे पुनर्वसू योगगताविवेन्दोः

virejatustasya ca saṃnikarṣe punarvasū yogagatāvivendoḥ

9.12

तं वृक्षमूलस्थमभिज्वलन्तं पुरोहितो राजसुतं बभाषे

taṃ vṛkṣamūlasthamabhijvalantaṃ purohito rājasutaṃ babhāṣe

9.12.2

यथोपविष्टं दिवि पारिजाते बृहस्पतिः शक्रसुतं जयन्तम्

yathopaviṣṭaṃ divi pārijāte bṛhaspatiḥ śakrasutaṃ jayantam

9.13

त्वच्छोकशल्ये हृदयावगाढे मोहं गतो भूमितले मुहूर्तम्

tvacchokaśalye hṛdayāvagāḍhe mohaṃ gato bhūmitale muhūrtam

9.13.2

कुमार राजा नयनाम्बुवर्षो यत्त्वामवोचत्तदिदं निबोध

kumāra rājā nayanāmbuvarṣo yattvāmavocattadidaṃ nibodha

Buddhacarita