6.68.2

अतो व्रजन् भक्तिवशेन दुःखितश्चचार बह्वीर् अवशः पथि क्रियाः

ato vrajan bhaktivaśena duḥkhitaścacāra bahvīr avaśaḥ pathi kriyāḥ

6.69

इति बुद्धचरिते महाकाव्ये छन्दकनिवर्तनो नाम षष्ठः सर्गः

iti buddhacarite mahākāvye chandakanivartano nāma ṣaṣṭhaḥ sargaḥ

7.1

ततो विसृज्याश्रुमुखं रुदन्तं छन्दं वनच्छन्दतया निरास्थः

tato visṛjyāśrumukhaṃ rudantaṃ chandaṃ vanacchandatayā nirāsthaḥ

7.1.2

सर्वार्थसिद्धो वपुषाभिभूय तमाश्रमं सिद्ध इव प्रपेदे

sarvārthasiddho vapuṣābhibhūya tamāśramaṃ siddha iva prapede

7.2

स राजसूनुर्मृगराजगामी मृगाजिरं तन्मृगवत्प्रविष्टः

sa rājasūnurmṛgarājagāmī mṛgājiraṃ tanmṛgavatpraviṣṭaḥ

7.2.2

लक्ष्मीवियुक्तो ऽपि शरीरलक्ष्म्या चक्षूंषि सर्वाश्रमिणां जहार

lakṣmīviyukto 'pi śarīralakṣmyā cakṣūṃṣi sarvāśramiṇāṃ jahāra

7.3

स्थिता हि हस्तस्थयुगास्तथैव कौतूहलाच्चक्रधराः सदाराः

sthitā hi hastasthayugāstathaiva kautūhalāccakradharāḥ sadārāḥ

7.3.2

तमिन्द्रकल्पं ददृशुर्न जग्मुर्धुर्या इवार्धावनतैः शिरोभिः

tamindrakalpaṃ dadṛśurna jagmurdhuryā ivārdhāvanataiḥ śirobhiḥ

7.4

विप्राश्च गत्वा बहिरिध्महेतोः प्राप्ताः समित्पुष्पपवित्रहस्ताः

viprāśca gatvā bahiridhmahetoḥ prāptāḥ samitpuṣpapavitrahastāḥ

7.4.2

तपःप्रधानाः कृतबुद्धयो ऽपि तं द्रष्टुमीयुर्न मठानभीयुः

tapaḥpradhānāḥ kṛtabuddhayo 'pi taṃ draṣṭumīyurna maṭhānabhīyuḥ

7.5

हृष्टाश्च केका मुमुचुर्मयूरा दृष्ट्वाम्बुदं नीलमिवोन्नमन्तः

hṛṣṭāśca kekā mumucurmayūrā dṛṣṭvāmbudaṃ nīlamivonnamantaḥ

7.5.2

शष्पाणि हित्वाभिमुखाश्च तस्थुर्मृगाश्चलाक्षा मृगचारिणश्च

śaṣpāṇi hitvābhimukhāśca tasthurmṛgāścalākṣā mṛgacāriṇaśca

7.6

दृष्ट्वा तमिक्ष्वाकुकुलप्रदीपं ज्वलन्तमुद्यन्तमिवांशुमन्तम्

dṛṣṭvā tamikṣvākukulapradīpaṃ jvalantamudyantamivāṃśumantam

7.6.2

कृते ऽपि दोहे जनितप्रमोदाः प्रसुस्रुवुर्होमदुहश्च गावः

kṛte 'pi dohe janitapramodāḥ prasusruvurhomaduhaśca gāvaḥ

7.7

कश्चिद्वसूनामयमष्टमः स्यात्स्याद् अश्विनोर् अन्यतरश्च्युतो वा

kaścidvasūnāmayamaṣṭamaḥ syātsyād aśvinor anyataraścyuto vā

7.7.2

उच्चेरुरुच्चैरिति तत्र वाचस्तद्दर्शनाद्विस्मयजा मुनीनाम्

ucceruruccairiti tatra vācastaddarśanādvismayajā munīnām

7.8

लेखर्षभस्येव वपुर्द्वितीयं धामेव लोकस्य चराचरस्य

lekharṣabhasyeva vapurdvitīyaṃ dhāmeva lokasya carācarasya

7.8.2

स द्योतयामास वनं हि कृत्स्नं यदृच्छया सूर्य इवावतीर्णः

sa dyotayāmāsa vanaṃ hi kṛtsnaṃ yadṛcchayā sūrya ivāvatīrṇaḥ

7.9

ततः स तैराश्रमिभिर्यथावदभ्यर्चितश्चोपनिमन्त्रितश्च

tataḥ sa tairāśramibhiryathāvadabhyarcitaścopanimantritaśca

7.9.2

प्रत्यर्चयां धर्मभृतो बभूव स्वरेण

dharmabhṛto babhūva svareṇa sāmbho'mbudharopamena

Buddhacarita