6.58.2

यथावदेनं दिवि देवसङ्घा दिव्यैर्विशेषैर् महयां च

yathāvadenaṃ divi devasaṅghā divyairviśeṣair mahayāṃ ca

6.59

मुक्त्वा त्वलंकारकलत्रवत्तां श्रीविप्रवासं शिरसश्च कृत्वा

muktvā tvalaṃkārakalatravattāṃ śrīvipravāsaṃ śirasaśca kṛtvā

6.59.2

दृष्ट्वांशुकं काञ्चनहंसचिह्नं वन्यं स धीरो ऽभिचकाङ्क्ष वासः

dṛṣṭvāṃśukaṃ kāñcanahaṃsacihnaṃ vanyaṃ sa dhīro 'bhicakāṅkṣa vāsaḥ

6.60

ततो मृगव्याधवपुर् दिवौका भावं विदित्वास्य विशुद्धभावः

tato mṛgavyādhavapur divaukā bhāvaṃ viditvāsya viśuddhabhāvaḥ

6.60.2

काषायवस्त्रो ऽभिययौ समीपं तं शाक्यराजप्रभवो ऽभ्युवाच

kāṣāyavastro 'bhiyayau samīpaṃ taṃ śākyarājaprabhavo 'bhyuvāca

6.61

शिवं च काषायमृषिध्वजस्ते न युज्यते हिंस्रमिदं धनुश्च

śivaṃ ca kāṣāyamṛṣidhvajaste na yujyate hiṃsramidaṃ dhanuśca

6.61.2

तत्सौम्य यद्यस्ति न सक्तिरत्र मह्यं प्रयच्छेदमिदं गृहाण

tatsaumya yadyasti na saktiratra mahyaṃ prayacchedamidaṃ gṛhāṇa

6.62

व्याधो ऽब्रवीत्कामद काममारादनेन विश्वास्य मृगान्

vyādho 'bravītkāmada kāmamārādanena viśvāsya mṛgān

6.62.2

अर्थस्तु शक्रोपम यद्यनेन हन्त प्रतीच्छानय शुक्लमेतत्

arthastu śakropama yadyanena hanta pratīcchānaya śuklametat

6.63

परेण हर्षेण ततः स वन्यं जग्राह वासो ऽंशुकमुत्ससर्ज

pareṇa harṣeṇa tataḥ sa vanyaṃ jagrāha vāso 'ṃśukamutsasarja

6.63.2

व्याधस्तु दिव्यं वपुरेव बिभ्रत्तच्छुक्लमादाय दिवं जगाम

vyādhastu divyaṃ vapureva bibhrattacchuklamādāya divaṃ jagāma

6.64

ततः कुमारश्च स चाश्वगोपस्तस्मिंस्तथा याति

tataḥ kumāraśca sa cāśvagopastasmiṃstathā yāti

6.64.2

आरण्यके वाससि चैव भूयस् तस्मिन्नकार्ष्टां

āraṇyake vāsasi caiva bhūyas tasminnakārṣṭāṃ

6.65

छन्दं ततः साश्रुमुखं विसृज्य

chandaṃ tataḥ sāśrumukhaṃ visṛjya

6.65.2

येनाश्रमस्तेन ययौ महात्मा संध्याभ्रसंवीत इवोडुराजः

yenāśramastena yayau mahātmā saṃdhyābhrasaṃvīta ivoḍurājaḥ

6.66

ततस्तथा भर्तरि राज्यनिःस्पृहे तपोवनं याति

tatastathā bhartari rājyaniḥspṛhe tapovanaṃ yāti

6.66.2

भुजौ समुत्क्षिप्य ततः स वाजिभृद् भृशं विचुक्रोश पपात च क्षितौ

bhujau samutkṣipya tataḥ sa vājibhṛd bhṛśaṃ vicukrośa papāta ca kṣitau

6.67

विलोक्य भूयश्च रुरोद सस्वरं हयं भुजाभ्यामुपगुह्य कन्थकम्

vilokya bhūyaśca ruroda sasvaraṃ hayaṃ bhujābhyāmupaguhya kanthakam

6.67.2

ततो निराशो विलपन् मुहुर्मुहुर् ययौ शरीरेण पुरं न चेतसा

tato nirāśo vilapan muhurmuhur yayau śarīreṇa puraṃ na cetasā

6.68

क्वचित्प्रदध्यौ विललाप च क्वचित् क्वचित् प्रचस्खाल पपात च क्वचित्

kvacitpradadhyau vilalāpa ca kvacit kvacit pracaskhāla papāta ca kvacit

Buddhacarita