3.5

प्रत्यङ्गहीनान्विकलेन्द्रियांश्च जीर्णातुरादीन् कृपणांश्च दिक्षु

pratyaṅgahīnānvikalendriyāṃśca jīrṇāturādīn kṛpaṇāṃśca dikṣu

3.5.2

ततः समुत्सार्य परेण साम्ना शोभां परां राजपथस्य चक्रुः

tataḥ samutsārya pareṇa sāmnā śobhāṃ parāṃ rājapathasya cakruḥ

3.6

ततः कृते श्रीमति राजमार्गे श्रीमान्विनीतानुचरः कुमारः

tataḥ kṛte śrīmati rājamārge śrīmānvinītānucaraḥ kumāraḥ

3.6.2

प्रासादपृष्ठादवतीर्य काले कृताभ्यनुज्ञो नृपमभ्यगच्छत्

prāsādapṛṣṭhādavatīrya kāle kṛtābhyanujño nṛpamabhyagacchat

3.7

अथो नरेन्द्रः सुतमागताश्रुः शिरस्युपाघ्राय चिरं निरीक्ष्य

atho narendraḥ sutamāgatāśruḥ śirasyupāghrāya ciraṃ nirīkṣya

3.7.2

गच्छेति चाज्ञापयति स्म वाचा स्नेहान्न चैनं मनसा मुमोच

gaccheti cājñāpayati sma vācā snehānna cainaṃ manasā mumoca

3.8

ततः स जाम्बूनदभाण्डभृद्भिर् युक्तं

tataḥ sa jāmbūnadabhāṇḍabhṛdbhir yuktaṃ

3.8.2

अक्लीबविद्वच्छुचिरश्मिधारं हिरण्मयं स्यन्दनमारुरोह

aklībavidvacchuciraśmidhāraṃ hiraṇmayaṃ syandanamāruroha

3.9

ततः प्रकीर्णोज्ज्वलपुष्पजालं विषक्तमाल्यं प्रचलत्पताकम्

tataḥ prakīrṇojjvalapuṣpajālaṃ viṣaktamālyaṃ pracalatpatākam

3.9.2

मार्गं प्रपेदे सदृशानुयात्रश्चन्द्रः सनक्षत्र इवान्तरीक्षम्

mārgaṃ prapede sadṛśānuyātraścandraḥ sanakṣatra ivāntarīkṣam

3.10

कौतूहलात् स्फीततरैश्च नेत्रैर्नीलोत्पलार्धैरिव कीर्यमाणम्

kautūhalāt sphītataraiśca netrairnīlotpalārdhairiva kīryamāṇam

3.10.2

शनैः शनै राजपथं जगाहे पौरैः समन्तादभिवीक्ष्यमाणः

śanaiḥ śanai rājapathaṃ jagāhe pauraiḥ samantādabhivīkṣyamāṇaḥ

3.11

तं तुष्टुवुः सौम्यगुणेन केचिद्ववन्दिरे दीप्ततया तथान्ये

taṃ tuṣṭuvuḥ saumyaguṇena kecidvavandire dīptatayā tathānye

3.11.2

सौमुख्यतस्तु श्रियमस्य केचिद्वैपुल्यम् आशंसिषुर् आयुषश्च

saumukhyatastu śriyamasya kecidvaipulyam āśaṃsiṣur āyuṣaśca

3.12

निःसृत्य कुब्जाश्च महाकुलेभ्यो व्यूहाश्च कैरातकवामनानाम्

niḥsṛtya kubjāśca mahākulebhyo vyūhāśca kairātakavāmanānām

3.12.2

नार्यः कृशेभ्यश्च निवेशनेभ्यो देवानुयानध्वजवत्प्रणेमुः

nāryaḥ kṛśebhyaśca niveśanebhyo devānuyānadhvajavatpraṇemuḥ

3.13

ततः कुमारः खलु गच्छतीति श्रुत्वा स्त्रियः प्रेष्यजनात्प्रवृत्तिम्

tataḥ kumāraḥ khalu gacchatīti śrutvā striyaḥ preṣyajanātpravṛttim

3.13.2

दिदृक्षया हर्म्यतलानि जग्मुर्जनेन मान्येन कृताभ्यनुज्ञाः

didṛkṣayā harmyatalāni jagmurjanena mānyena kṛtābhyanujñāḥ

3.14

ताः स्रस्तकाञ्चीगुणविघ्निताश्च सुप्तप्रबुद्धाकुललोचनाश्च

tāḥ srastakāñcīguṇavighnitāśca suptaprabuddhākulalocanāśca

3.14.2

वृत्तान्तविन्यस्तविभूषणाश्च कौतूहलेनानिभृताः परीयुः

vṛttāntavinyastavibhūṣaṇāśca kautūhalenānibhṛtāḥ parīyuḥ

Buddhacarita