1.1

ऐक्ष्वाक इक्ष्वाकुसमप्रभावः शाक्येष्वशक्येषु विशुद्धवृत्तः

aikṣvāka ikṣvākusamaprabhāvaḥ śākyeṣvaśakyeṣu viśuddhavṛttaḥ

1.1.2

प्रियः शरच्चन्द्र इव प्रजानां शुद्धोदनो नाम बभूव राजा

priyaḥ śaraccandra iva prajānāṃ śuddhodano nāma babhūva rājā

1.2

तस्येन्द्रकल्पस्य बभूव पत्नी दीप्त्या नरेन्द्रस्य समप्रभावा

tasyendrakalpasya babhūva patnī dīptyā narendrasya samaprabhāvā

1.2.2

पद्मेव लक्ष्मीः पृथिवीव धीरा मायेति नाम्नानुपमेव माया

padmeva lakṣmīḥ pṛthivīva dhīrā māyeti nāmnānupameva māyā

1.3

सार्धं तयासौ विजहार राजा नाचिन्तयद्वैश्रवणस्य लक्ष्मीम्

sārdhaṃ tayāsau vijahāra rājā nācintayadvaiśravaṇasya lakṣmīm

1.3.2

ततश्च विद्येव समाधियुक्ता गर्भं दधे पापविवर्जिता सा

tataśca vidyeva samādhiyuktā garbhaṃ dadhe pāpavivarjitā sā

1.4

प्राग्गर्भधान्नान् मनुजेन्द्रपत्नी सितं ददर्श

manujendrapatnī sitaṃ dadarśa dviparājamekam

1.4.2

स्वप्ने विशन्तं वपुरात्मनः सा न तन्निमित्तं समवाप तापम्

svapne viśantaṃ vapurātmanaḥ sā na tannimittaṃ samavāpa tāpam

1.5

सा तस्य देवप्रतिमस्य देवी गर्भेण वंशश्रियमुद्वहन्ती

sā tasya devapratimasya devī garbheṇa vaṃśaśriyamudvahantī

1.5.2

श्रमं न लेभे न शुचं न मायां गन्तुं वनं सा निभृतं चकाङ्क्ष

śramaṃ na lebhe na śucaṃ na māyāṃ gantuṃ vanaṃ sā nibhṛtaṃ cakāṅkṣa

1.6

सा लुम्बिनी नाम वनान्तभूमिं चित्रद्रुमां चैत्ररथाभिरामाम्

sā lumbinī nāma vanāntabhūmiṃ citradrumāṃ caitrarathābhirāmām

1.6.2

ध्यानानुकूलां विजनामियेष तस्यां निवासाय नृपं बभाषे

dhyānānukūlāṃ vijanāmiyeṣa tasyāṃ nivāsāya nṛpaṃ babhāṣe

1.7

अर्याशयां तां प्रवणां च धर्मे विज्ञाय

tāṃ pravaṇāṃ ca dharme vijñāya kautūhalaharṣapūrṇaḥ

1.7.2

शिवात् पुराद् भूमिपतिर्जगाम तत्प्रीतये नापि विहारहेतोः

śivāt purād bhūmipatirjagāma tatprītaye nāpi vihārahetoḥ

1.8

तस्मिन्वने श्रीमति राजपत्नी प्रसूतिकालं समवेक्षमाणा

tasminvane śrīmati rājapatnī prasūtikālaṃ samavekṣamāṇā

1.8.2

शय्यां वितानोपहितां प्रपेदे नारीसहस्रैरभिनन्द्यमाना

śayyāṃ vitānopahitāṃ prapede nārīsahasrairabhinandyamānā

1.9

ततः प्रसन्नश्च बभूव पुष्यस्तस्याश्च देव्या व्रतसंस्कृतायाः

tataḥ prasannaśca babhūva puṣyastasyāśca devyā vratasaṃskṛtāyāḥ

1.9.2

पार्श्वात्सुतो लोकहिताय जज्ञे निर्वेदनं चैव निरामयं च

pārśvātsuto lokahitāya jajñe nirvedanaṃ caiva nirāmayaṃ ca

1.10

ऊरोर्यथौर्वस्य पृथोश्च हस्तान्मान्धातुरिन्द्रप्रतिमस्य मूर्ध्नः

ūroryathaurvasya pṛthośca hastānmāndhāturindrapratimasya mūrdhnaḥ

1.10.2

कक्षीवतश्चैव भुजांसदेशात्तथाविधं तस्य बभूव जन्म

kakṣīvataścaiva bhujāṃsadeśāttathāvidhaṃ tasya babhūva janma

Buddhacarita