Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

881–900 of 1839 verses

6.Guḍūcyādivarga.45

पलंकषा श्वदंष्ट्रा च तथा स्याद् इक्षुगन्धिका

palaṃkaṣā śvadaṃṣṭrā ca tathā syād ikṣugandhikā

6.Guḍūcyādivarga.45.2

गोक्षुरः शीतलः स्वादुर्बलकृद्वस्तिशोधनः

gokṣuraḥ śītalaḥ svādurbalakṛdvastiśodhanaḥ

6.Guḍūcyādivarga.46

मधुरो दीपनो वृष्यः पुष्टिदश्चाश्मरीहरः

madhuro dīpano vṛṣyaḥ puṣṭidaścāśmarīharaḥ

6.Guḍūcyādivarga.46.2

प्रमेहश्वासकासार्शःकृच्छ्रहृद्रोगवातनुत्

pramehaśvāsakāsārśaḥkṛcchrahṛdrogavātanut

6.Guḍūcyādivarga.47

शालिपर्णी पृश्निपर्णी वार्त्ताकी कण्टकारिका

śāliparṇī pṛśniparṇī vārttākī kaṇṭakārikā

6.Guḍūcyādivarga.47.2

गोक्षुरः पञ्चभिश्चैतैः कनिष्ठं पञ्चमूलकम्

gokṣuraḥ pañcabhiścaitaiḥ kaniṣṭhaṃ pañcamūlakam

6.Guḍūcyādivarga.48

पञ्चमूलं लघु स्वादु बल्यं पित्तानिलापहम्

pañcamūlaṃ laghu svādu balyaṃ pittānilāpaham

6.Guḍūcyādivarga.48.2

नात्युष्णं बृंहणं ग्राहि ज्वरश्वासाश्मरीप्रणुत्

nātyuṣṇaṃ bṛṃhaṇaṃ grāhi jvaraśvāsāśmarīpraṇut

6.Guḍūcyādivarga.49

उभाभ्यां पञ्चमूलाभ्यां दशमूलम् उदाहृतम्

ubhābhyāṃ pañcamūlābhyāṃ daśamūlam udāhṛtam

6.Guḍūcyādivarga.49.2

दशमूलं त्रिदोषघ्नं श्वासकासशिरोरुजः

daśamūlaṃ tridoṣaghnaṃ śvāsakāsaśirorujaḥ

6.Guḍūcyādivarga.49.3

तन्द्राशोथज्वरानाहपार्श्वपीडारुचीर् हरेत्

tandrāśothajvarānāhapārśvapīḍārucīr haret

6.Guḍūcyādivarga.50

जीवन्ती जीवनी जीवा जीवनीया मधुस्रवा

jīvantī jīvanī jīvā jīvanīyā madhusravā

6.Guḍūcyādivarga.50.2

मङ्गल्यनामधेया च शाकश्रेष्ठा पयस्विनी

maṅgalyanāmadheyā ca śākaśreṣṭhā payasvinī

6.Guḍūcyādivarga.51

जीवन्ती शीतला स्वादुः स्निग्धा दोषत्रयापहा

jīvantī śītalā svāduḥ snigdhā doṣatrayāpahā

6.Guḍūcyādivarga.51.2

रसायनी बलकरी चक्षुष्या ग्राहिणी लघुः

rasāyanī balakarī cakṣuṣyā grāhiṇī laghuḥ

6.Guḍūcyādivarga.52

मुद्गपर्णी काकपर्णी सूर्यपर्ण्य् अल्पिका सहा

mudgaparṇī kākaparṇī sūryaparṇy alpikā sahā

6.Guḍūcyādivarga.53

काकमुद्गा च सा प्रोक्ता तथा मार्जारगन्धिका

kākamudgā ca sā proktā tathā mārjāragandhikā

6.Guḍūcyādivarga.53.2

मुद्गपर्णी हिमा रूक्षा तिक्ता स्वादुश्च शुक्रला

mudgaparṇī himā rūkṣā tiktā svāduśca śukralā

6.Guḍūcyādivarga.54

चक्षुष्या क्षतशोथघ्नी ग्राहिणी ज्वरदाहनुत्

cakṣuṣyā kṣataśothaghnī grāhiṇī jvaradāhanut

6.Guḍūcyādivarga.54.2

दोषत्रयहरी लघ्वी ग्रहण्यर्शोऽतिसारजित्

doṣatrayaharī laghvī grahaṇyarśo'tisārajit