Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

861–880 of 1839 verses

6.Guḍūcyādivarga.35

पृश्निपर्णी त्रिदोषघ्नी वृष्योष्णा मधुरा सरा

pṛśniparṇī tridoṣaghnī vṛṣyoṣṇā madhurā sarā

6.Guḍūcyādivarga.35.2

हन्ति दाहज्वरश्वासरक्तातीसारतृड्वमीः

hanti dāhajvaraśvāsaraktātīsāratṛḍvamīḥ

6.Guḍūcyādivarga.36

वार्त्ताकी क्षुद्रभण्टाकी महती बृहती कुली

vārttākī kṣudrabhaṇṭākī mahatī bṛhatī kulī

6.Guḍūcyādivarga.36.2

हिङ्गुली राष्ट्रिका सिंही महोष्ट्री दुष्प्रधर्षिणी

hiṅgulī rāṣṭrikā siṃhī mahoṣṭrī duṣpradharṣiṇī

6.Guḍūcyādivarga.37

बृहती ग्राहिणी हृद्या पाचनी कफवातकृत्

bṛhatī grāhiṇī hṛdyā pācanī kaphavātakṛt

6.Guḍūcyādivarga.37.2

कटुतिक्तास्यवैरस्यमलारोचकनाशिनी

kaṭutiktāsyavairasyamalārocakanāśinī

6.Guḍūcyādivarga.37.3

उष्णा कुष्ठज्वरश्वासशूलकासाग्निमान्द्यजित्

uṣṇā kuṣṭhajvaraśvāsaśūlakāsāgnimāndyajit

6.Guḍūcyādivarga.38

कण्टकारी तु दुःस्पर्शा क्षुद्रा व्याघ्री निदिग्धिका

kaṇṭakārī tu duḥsparśā kṣudrā vyāghrī nidigdhikā

6.Guḍūcyādivarga.38.2

कण्टालिका कण्टकिनी धावनी बृहती तथा

kaṇṭālikā kaṇṭakinī dhāvanī bṛhatī tathā

6.Guḍūcyādivarga.39

श्वेता क्षुद्रा चन्द्रहासा लक्ष्मणा क्षेत्रदूतिका

śvetā kṣudrā candrahāsā lakṣmaṇā kṣetradūtikā

6.Guḍūcyādivarga.39.2

गर्भदा चन्द्रमा चन्द्री चन्द्रपुष्पा प्रियंकरी

garbhadā candramā candrī candrapuṣpā priyaṃkarī

6.Guḍūcyādivarga.40

कण्टकारी सरा तिक्ता कटुका दीपनी लघुः

kaṇṭakārī sarā tiktā kaṭukā dīpanī laghuḥ

6.Guḍūcyādivarga.41

रूक्षोष्णा पाचनी कासश्वासज्वरकफानिलान्

rūkṣoṣṇā pācanī kāsaśvāsajvarakaphānilān

6.Guḍūcyādivarga.41.2

निहन्ति पीनसं पार्श्वपीडाकृमिहृदामयान्

nihanti pīnasaṃ pārśvapīḍākṛmihṛdāmayān

6.Guḍūcyādivarga.42

तयोः फलं कटु रसे पाके च कटुकं भवेत्

tayoḥ phalaṃ kaṭu rase pāke ca kaṭukaṃ bhavet

6.Guḍūcyādivarga.42.2

शुक्रस्य रेचनं भेदि तिक्तं पित्ताग्निकृल्लघु

śukrasya recanaṃ bhedi tiktaṃ pittāgnikṛllaghu

6.Guḍūcyādivarga.42.3

हन्यात्कफमरुत्कण्डूकासमेदःक्रिमिज्वरान्

hanyātkaphamarutkaṇḍūkāsamedaḥkrimijvarān

6.Guḍūcyādivarga.43

तद्वत् प्रोक्ता सिता क्षुद्रा विशेषाद् गर्भकारिणी

tadvat proktā sitā kṣudrā viśeṣād garbhakāriṇī

6.Guḍūcyādivarga.44

गोक्षुरः क्षुरकोऽपि स्यात् त्रिकण्टः स्वादुकण्टकः

gokṣuraḥ kṣurako'pi syāt trikaṇṭaḥ svādukaṇṭakaḥ

6.Guḍūcyādivarga.44.2

गोकण्टको गोक्षुरको वनशृङ्गाट इत्यपि

gokaṇṭako gokṣurako vanaśṛṅgāṭa ityapi