Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

801–820 of 1839 verses

6.Guḍūcyādivarga.5

ततो येषु प्रदेशेषु कपिगात्रात्परिच्युताः

tato yeṣu pradeśeṣu kapigātrātparicyutāḥ

6.Guḍūcyādivarga.5.2

पीयूषबिन्दवः पेतुस् तेभ्यो जाता गुडूचिका

pīyūṣabindavaḥ petus tebhyo jātā guḍūcikā

6.Guḍūcyādivarga.6

गुडूची मधुपर्णी स्याद् अमृतामृतवल्लरी

guḍūcī madhuparṇī syād amṛtāmṛtavallarī

6.Guḍūcyādivarga.6.2

छिन्ना छिन्नरुहा छिन्नोद्भवा वत्सादनीति च

chinnā chinnaruhā chinnodbhavā vatsādanīti ca

6.Guḍūcyādivarga.7

जीवन्ती तन्त्रिका सोमा सोमवल्ली च कुण्डली

jīvantī tantrikā somā somavallī ca kuṇḍalī

6.Guḍūcyādivarga.7.2

चक्रलक्षणिका धीरा विशल्या च रसायनी

cakralakṣaṇikā dhīrā viśalyā ca rasāyanī

6.Guḍūcyādivarga.8

चन्द्रहासा वयःस्था च मण्डली देवनिर्मिता

candrahāsā vayaḥsthā ca maṇḍalī devanirmitā

6.Guḍūcyādivarga.8.2

गुडूची कटुका तिक्ता स्वादुपाका रसायनी

guḍūcī kaṭukā tiktā svādupākā rasāyanī

6.Guḍūcyādivarga.9

संग्राहिणी कषायोष्णा लघ्वी बल्याग्निदीपिनी

saṃgrāhiṇī kaṣāyoṣṇā laghvī balyāgnidīpinī

6.Guḍūcyādivarga.9.2

दोषत्रयामतृड्दाहमेहकासांश्च पाण्डुताम्

doṣatrayāmatṛḍdāhamehakāsāṃśca pāṇḍutām

6.Guḍūcyādivarga.10

कामलाकुष्ठवातास्रज्वरक्रिमिवमीन् हरेत्

kāmalākuṣṭhavātāsrajvarakrimivamīn haret

6.Guḍūcyādivarga.10.2

प्रमेहश्वासकासार्शःकृच्छ्रहृद्रोगवातनुत्

pramehaśvāsakāsārśaḥkṛcchrahṛdrogavātanut

6.Guḍūcyādivarga.11

ताम्बूलवल्ली ताम्बूली नागिनी नागवल्लरी

tāmbūlavallī tāmbūlī nāginī nāgavallarī

6.Guḍūcyādivarga.11.2

ताम्बूलं विशदं रुच्यं तीक्ष्णोष्णं तुवरं सरम्

tāmbūlaṃ viśadaṃ rucyaṃ tīkṣṇoṣṇaṃ tuvaraṃ saram

6.Guḍūcyādivarga.12

वश्यं तिक्तं कटु क्षारं रक्तपित्तकरं लघु

vaśyaṃ tiktaṃ kaṭu kṣāraṃ raktapittakaraṃ laghu

6.Guḍūcyādivarga.12.2

बल्यं श्लेष्मास्यदौर्गन्ध्यमलवातश्रमापहम्

balyaṃ śleṣmāsyadaurgandhyamalavātaśramāpaham

6.Guḍūcyādivarga.13

बिल्वः शाण्डिल्यशैलूषौ मालूरश्रीफलाव् अपि

bilvaḥ śāṇḍilyaśailūṣau mālūraśrīphalāv api

6.Guḍūcyādivarga.13.2

श्रीफलस्तुवरस्तिक्तो ग्राही रूक्षोऽग्निपित्तकृत्

śrīphalastuvarastikto grāhī rūkṣo'gnipittakṛt

6.Guḍūcyādivarga.13.3

वातश्लेष्महरो बल्यो लघुरुष्णश्च पाचनः

vātaśleṣmaharo balyo laghuruṣṇaśca pācanaḥ

6.Guḍūcyādivarga.14

गाम्भारी भद्रपर्णी च श्रीपर्णी मधुपर्णिका

gāmbhārī bhadraparṇī ca śrīparṇī madhuparṇikā