Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

761–780 of 1839 verses

6.Karpūrādivarga.116.2

आस्यदौर्गन्ध्यहृद्रोगकफवातामयान्ध्यहृत्

āsyadaurgandhyahṛdrogakaphavātāmayāndhyahṛt

6.Karpūrādivarga.117

स्निग्धोष्णा कफहृत् तिक्ता सुगन्धा गन्धकोकिला

snigdhoṣṇā kaphahṛt tiktā sugandhā gandhakokilā

6.Karpūrādivarga.117.2

गन्धकोकिलया तुल्या विज्ञेया गन्धमालती

gandhakokilayā tulyā vijñeyā gandhamālatī

6.Karpūrādivarga.118

लामज्जकं सुनालं स्यादमृणालं लवं लघु

lāmajjakaṃ sunālaṃ syādamṛṇālaṃ lavaṃ laghu

6.Karpūrādivarga.118.2

इष्टकापथकं सव्यं नलदं च विदातकम्

iṣṭakāpathakaṃ savyaṃ naladaṃ ca vidātakam

6.Karpūrādivarga.119

लामज्जकं हिमं तिक्तं लघु दोषत्रयास्रजित्

lāmajjakaṃ himaṃ tiktaṃ laghu doṣatrayāsrajit

6.Karpūrādivarga.119.2

त्वगामयस्वेदकृच्छ्रदाहपित्तास्ररोगनुत्

tvagāmayasvedakṛcchradāhapittāsraroganut

6.Karpūrādivarga.120

एलवालुकम् ऐलेयं सुगन्धि हरिवालुकम्

elavālukam aileyaṃ sugandhi harivālukam

6.Karpūrādivarga.120.2

ऐलवालुकम् एलालु कपित्थं पत्त्रम् ईरितम्

ailavālukam elālu kapitthaṃ pattram īritam

6.Karpūrādivarga.121

एलालु कटुकं पाके कषायं शीतलं लघु

elālu kaṭukaṃ pāke kaṣāyaṃ śītalaṃ laghu

6.Karpūrādivarga.121.2

हन्ति कण्डूव्रणच्छर्दितृट्कासारुचिहृद्रुजः

hanti kaṇḍūvraṇaccharditṛṭkāsārucihṛdrujaḥ

6.Karpūrādivarga.121.3

बलासविषपित्तास्रकुष्ठमूत्रगदक्रिमीन्

balāsaviṣapittāsrakuṣṭhamūtragadakrimīn

6.Karpūrādivarga.122

कुटन्नटं दासपुरं बालेयं परिपेलवम्

kuṭannaṭaṃ dāsapuraṃ bāleyaṃ paripelavam

6.Karpūrādivarga.122.2

प्लवगोपुरगोनर्दकैवर्तीमुस्तकानि च

plavagopuragonardakaivartīmustakāni ca

6.Karpūrādivarga.123

मुस्तावत् पेलवपुटं शुकाभं स्याद् वितुन्नकम्

mustāvat pelavapuṭaṃ śukābhaṃ syād vitunnakam

6.Karpūrādivarga.124

वितुन्नकं हिमं तिक्तं कषायं कटु कान्तिदम्

vitunnakaṃ himaṃ tiktaṃ kaṣāyaṃ kaṭu kāntidam

6.Karpūrādivarga.124.2

कफपित्तास्रवीसर्पकुष्ठकण्डूविषप्रणुत्

kaphapittāsravīsarpakuṣṭhakaṇḍūviṣapraṇut

6.Karpūrādivarga.125

स्पृक्कासृग् ब्राह्मणो देवो मरुन्माला लता लघुः

spṛkkāsṛg brāhmaṇo devo marunmālā latā laghuḥ

6.Karpūrādivarga.125.2

समुद्रान्ता वधूः कोटिवर्षा लङ्कोपिकेत्यपि

samudrāntā vadhūḥ koṭivarṣā laṅkopiketyapi

6.Karpūrādivarga.126

स्पृक्का स्वाद्वी हिमा वृष्या तिक्ता निखिलदोषनुत्

spṛkkā svādvī himā vṛṣyā tiktā nikhiladoṣanut