Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

721–740 of 1839 verses

6.Karpūrādivarga.96.2

उष्णो लघुर् हरेच्छ्वासं गुल्मवातकफक्रिमीन्

uṣṇo laghur harecchvāsaṃ gulmavātakaphakrimīn

6.Karpūrādivarga.97

मुरा गन्धकुटी दैत्या सुरभिः शालपर्णिका

murā gandhakuṭī daityā surabhiḥ śālaparṇikā

6.Karpūrādivarga.98

मुरा तिक्ता हिमा स्वाद्वी लघ्वी पित्तानिलापहा

murā tiktā himā svādvī laghvī pittānilāpahā

6.Karpūrādivarga.98.2

ज्वरासृग्भूतरक्षोघ्नी कुष्ठकासविनाशिनी

jvarāsṛgbhūtarakṣoghnī kuṣṭhakāsavināśinī

6.Karpūrādivarga.99

शठी पलाशी षड्ग्रन्था सुव्रता गन्धमूलिका

śaṭhī palāśī ṣaḍgranthā suvratā gandhamūlikā

6.Karpūrādivarga.99.2

गान्धारिका गन्धवधूर् वधूः पलाशिका

gāndhārikā gandhavadhūr vadhūḥ palāśikā

6.Karpūrādivarga.100

भवेद्गन्धपलाशी तु कषाया ग्राहिणी लघुः

bhavedgandhapalāśī tu kaṣāyā grāhiṇī laghuḥ

6.Karpūrādivarga.100.2

तिक्ता तीक्ष्णा च कटुकानुष्णास्यमलनाशिनी

tiktā tīkṣṇā ca kaṭukānuṣṇāsyamalanāśinī

6.Karpūrādivarga.100.3

शोथकासव्रणश्वासशूलसिध्मग्रहापहा

śothakāsavraṇaśvāsaśūlasidhmagrahāpahā

6.Karpūrādivarga.101

प्रियङ्गुः फलिनी कान्ता लता च महिलाह्वया

priyaṅguḥ phalinī kāntā latā ca mahilāhvayā

6.Karpūrādivarga.102

गुन्द्रा गन्धफला श्यामा विष्वक्सेनाङ्गनाप्रिया

gundrā gandhaphalā śyāmā viṣvaksenāṅganāpriyā

6.Karpūrādivarga.102.2

प्रियङ्गुः शीतला तिक्ता तुवरानिलपित्तहृत्

priyaṅguḥ śītalā tiktā tuvarānilapittahṛt

6.Karpūrādivarga.103

रक्तातियोगदौर्गन्ध्यस्वेददाहज्वरापहा

raktātiyogadaurgandhyasvedadāhajvarāpahā

6.Karpūrādivarga.103.2

गुल्मतृड्विषमोहघ्नी तद्वद् गन्धप्रियङ्गुका

gulmatṛḍviṣamohaghnī tadvad gandhapriyaṅgukā

6.Karpūrādivarga.104

तत्फलं मधु रूक्षं कषायं शीतलं गुरु

tatphalaṃ madhu rūkṣaṃ kaṣāyaṃ śītalaṃ guru

6.Karpūrādivarga.104.2

विबन्धाध्मानबलकृत् संग्राहि कफपित्तजित्

vibandhādhmānabalakṛt saṃgrāhi kaphapittajit

6.Karpūrādivarga.105

रेणुका राजपुत्री च नन्दिनी कपिला द्विजा

reṇukā rājaputrī ca nandinī kapilā dvijā

6.Karpūrādivarga.105.2

भस्मगन्धा पाण्डुपुत्री स्मृता कौन्ती हरेणुका

bhasmagandhā pāṇḍuputrī smṛtā kauntī hareṇukā

6.Karpūrādivarga.106

रेणुका कटुका पाके तिक्तानुष्णा कटुर् लघुः

reṇukā kaṭukā pāke tiktānuṣṇā kaṭur laghuḥ

6.Karpūrādivarga.106.2

पित्तला दीपनी मेध्या पाचिनी गर्भपातिनी

pittalā dīpanī medhyā pācinī garbhapātinī