Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

661–680 of 1839 verses

6.Karpūrādivarga.67

उक्ता दारुसिता स्वाद्वी तिक्ता चानिलपित्तहृत्

uktā dārusitā svādvī tiktā cānilapittahṛt

6.Karpūrādivarga.67.2

सुरभिः शुक्रला वर्ण्या मुखशोषतृषापहा

surabhiḥ śukralā varṇyā mukhaśoṣatṛṣāpahā

6.Karpūrādivarga.68

पत्त्रकं तमालपत्त्रं च तथा स्यात् पत्त्रनामकम्

pattrakaṃ tamālapattraṃ ca tathā syāt pattranāmakam

6.Karpūrādivarga.68.2

पत्त्रकं मधुरं किंचित् तीक्ष्णोष्णं पिच्छिलं लघु

pattrakaṃ madhuraṃ kiṃcit tīkṣṇoṣṇaṃ picchilaṃ laghu

6.Karpūrādivarga.68.3

निहन्ति कफवातार्शोहृल्लासारुचिपीनसान्

nihanti kaphavātārśohṛllāsārucipīnasān

6.Karpūrādivarga.69

नागपुष्पः स्मृतो नागः केसरो नागकेसरः

nāgapuṣpaḥ smṛto nāgaḥ kesaro nāgakesaraḥ

6.Karpūrādivarga.69.2

चाम्पेयो नागकिञ्जल्कः कथितः काञ्चनाह्वयः

cāmpeyo nāgakiñjalkaḥ kathitaḥ kāñcanāhvayaḥ

6.Karpūrādivarga.70

नागपुष्पं कषायोष्णं रूक्षं लघ्वामपावनम्

nāgapuṣpaṃ kaṣāyoṣṇaṃ rūkṣaṃ laghvāmapāvanam

6.Karpūrādivarga.71

ज्वरकण्डूतृषास्वेदच्छर्दिहृल्लासनाशनम्

jvarakaṇḍūtṛṣāsvedacchardihṛllāsanāśanam

6.Karpūrādivarga.71.2

दौर्गन्ध्यकुष्ठवीसर्पकफपित्तविषापहम्

daurgandhyakuṣṭhavīsarpakaphapittaviṣāpaham

6.Karpūrādivarga.72

त्वगेलापत्त्रकैस् तुल्यैस् त्रिसुगन्धि त्रिजातकम्

tvagelāpattrakais tulyais trisugandhi trijātakam

6.Karpūrādivarga.72.2

नागकेसरसंयुक्तं चातुर्जातकम् उच्यते

nāgakesarasaṃyuktaṃ cāturjātakam ucyate

6.Karpūrādivarga.73

तद्द्वयं रोचनं रूक्षं तीक्ष्णोष्णं मुखगन्धहृत्

taddvayaṃ rocanaṃ rūkṣaṃ tīkṣṇoṣṇaṃ mukhagandhahṛt

6.Karpūrādivarga.73.2

लघु पित्ताग्निकृद् वर्ण्यं कफवातविषापहम्

laghu pittāgnikṛd varṇyaṃ kaphavātaviṣāpaham

6.Karpūrādivarga.74

कुङ्कुमं घुसृणं रक्तं काश्मीरं पीतकं वरम्

kuṅkumaṃ ghusṛṇaṃ raktaṃ kāśmīraṃ pītakaṃ varam

6.Karpūrādivarga.74.2

संकोचं पिशुनं धीरं वाह्लीकं शोणिताभिधम्

saṃkocaṃ piśunaṃ dhīraṃ vāhlīkaṃ śoṇitābhidham

6.Karpūrādivarga.75

काश्मीरदेशजे क्षेत्रे कुङ्कुमं यद्भवेद्धि तत्

kāśmīradeśaje kṣetre kuṅkumaṃ yadbhaveddhi tat

6.Karpūrādivarga.75.2

सूक्ष्मकेसरम् आरक्तं पद्मगन्धि तदुत्तमम्

sūkṣmakesaram āraktaṃ padmagandhi taduttamam

6.Karpūrādivarga.76

वाह्लीकदेशसंजातं कुङ्कुमं पाण्डुरं स्मृतम्

vāhlīkadeśasaṃjātaṃ kuṅkumaṃ pāṇḍuraṃ smṛtam

6.Karpūrādivarga.76.2

केतकीगन्धयुक्तं तन्मध्यमं सूक्ष्मकेसरम्

ketakīgandhayuktaṃ tanmadhyamaṃ sūkṣmakesaram