Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

641–660 of 1839 verses

6.Karpūrādivarga.56

जातीफलस्य त्वक् प्रोक्ता जातीपत्त्री भिषग्वरैः

jātīphalasya tvak proktā jātīpattrī bhiṣagvaraiḥ

6.Karpūrādivarga.57

जातीपत्त्री लघुः स्वादुः कटूष्णा रुचिवर्णकृत्

jātīpattrī laghuḥ svāduḥ kaṭūṣṇā rucivarṇakṛt

6.Karpūrādivarga.57.2

कफकासवमिश्वासतृष्णाकृमिविषापहा

kaphakāsavamiśvāsatṛṣṇākṛmiviṣāpahā

6.Karpūrādivarga.58

लवंगं देवकुसुमं श्रीसंज्ञं श्रीप्रसूनकम्

lavaṃgaṃ devakusumaṃ śrīsaṃjñaṃ śrīprasūnakam

6.Karpūrādivarga.58.2

लवंगं कटुकं तिक्तं लघु नेत्रहितं हिमम्

lavaṃgaṃ kaṭukaṃ tiktaṃ laghu netrahitaṃ himam

6.Karpūrādivarga.59

दीपनं पाचनं रुच्यं कफपित्तास्रनाशकृत्

dīpanaṃ pācanaṃ rucyaṃ kaphapittāsranāśakṛt

6.Karpūrādivarga.59.2

तृष्णां छर्दिं तथाध्मानं शूलमाशु विनाशयेत्

tṛṣṇāṃ chardiṃ tathādhmānaṃ śūlamāśu vināśayet

6.Karpūrādivarga.59.3

कासं श्वासं च हिक्कां च क्षयं क्षपयति ध्रुवम्

kāsaṃ śvāsaṃ ca hikkāṃ ca kṣayaṃ kṣapayati dhruvam

6.Karpūrādivarga.60

एला स्थूला च बहुला पृथ्वीका त्रिपुटापि च

elā sthūlā ca bahulā pṛthvīkā tripuṭāpi ca

6.Karpūrādivarga.61

भद्रैला बृहदेला च चन्द्रबाला च निष्कुटिः

bhadrailā bṛhadelā ca candrabālā ca niṣkuṭiḥ

6.Karpūrādivarga.61.2

स्थूलैला कटुका पाके रसे चानलकृल्लघुः

sthūlailā kaṭukā pāke rase cānalakṛllaghuḥ

6.Karpūrādivarga.62

रूक्षोष्णा श्लेष्मपित्तास्रकण्डूश्वासतृषापहा

rūkṣoṣṇā śleṣmapittāsrakaṇḍūśvāsatṛṣāpahā

6.Karpūrādivarga.63

सूक्ष्मोपकुञ्चिका तुत्था कोरङ्गी द्राविडी त्रुटिः

sūkṣmopakuñcikā tutthā koraṅgī drāviḍī truṭiḥ

6.Karpūrādivarga.63.2

एला सूक्ष्मा कफश्वासकासार्शोमूत्रकृच्छ्रहृत्

elā sūkṣmā kaphaśvāsakāsārśomūtrakṛcchrahṛt

6.Karpūrādivarga.63.3

रसे तु कटुका शीता लघ्वी वातहरी मता

rase tu kaṭukā śītā laghvī vātaharī matā

6.Karpūrādivarga.64

त्वक्पत्त्रं च वराङ्गं स्यद् भृङ्गं चोचं तथोत्कटम्

tvakpattraṃ ca varāṅgaṃ syad bhṛṅgaṃ cocaṃ tathotkaṭam

6.Karpūrādivarga.64.2

त्वचं लघूष्णं कटुकं स्वादु तिक्तं च रूक्षकम्

tvacaṃ laghūṣṇaṃ kaṭukaṃ svādu tiktaṃ ca rūkṣakam

6.Karpūrādivarga.65

पित्तलं कफवातघ्नं कण्ड्वामारुचिनाशनम्

pittalaṃ kaphavātaghnaṃ kaṇḍvāmārucināśanam

6.Karpūrādivarga.65.2

हृद्वस्तिरोगवातार्शःकृमिपीनसशुक्रहृत्

hṛdvastirogavātārśaḥkṛmipīnasaśukrahṛt

6.Karpūrādivarga.66

त्वक्स्वाद्वी तु तनुत्वक्स्यात्तथा दारुसिता मता

tvaksvādvī tu tanutvaksyāttathā dārusitā matā