Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

601–620 of 1839 verses

6.Karpūrādivarga.36

महिषाक्षो महानीलो गजेन्द्राणां हिताव् उभौ

mahiṣākṣo mahānīlo gajendrāṇāṃ hitāv ubhau

6.Karpūrādivarga.36.2

हयानां कुमुदः पद्मः स्वस्त्यारोग्यकरौ परौ

hayānāṃ kumudaḥ padmaḥ svastyārogyakarau parau

6.Karpūrādivarga.37

विशेषेण मनुष्याणां कनकः परिकीर्तितः

viśeṣeṇa manuṣyāṇāṃ kanakaḥ parikīrtitaḥ

6.Karpūrādivarga.37.2

कदाचिन्महिषाक्षश्च मतः कैश्चिन्नृणामपि

kadācinmahiṣākṣaśca mataḥ kaiścinnṛṇāmapi

6.Karpūrādivarga.38

गुग्गुलुर् विशदस् तिक्तो वीर्योष्णः पित्तलः सरः

guggulur viśadas tikto vīryoṣṇaḥ pittalaḥ saraḥ

6.Karpūrādivarga.38.2

कषायः कटुकः पाके कटू रूक्षो लघुः परः

kaṣāyaḥ kaṭukaḥ pāke kaṭū rūkṣo laghuḥ paraḥ

6.Karpūrādivarga.39

भग्नसंधानकृद् वृष्यः सूक्ष्मः स्वर्यो रसायनः

bhagnasaṃdhānakṛd vṛṣyaḥ sūkṣmaḥ svaryo rasāyanaḥ

6.Karpūrādivarga.39.2

दीपनः पिच्छिलो बल्यः कफवातव्रणापचीः

dīpanaḥ picchilo balyaḥ kaphavātavraṇāpacīḥ

6.Karpūrādivarga.40

मेदोमेहाश्मवातांश् च क्लेदकुष्ठाममारुतान्

medomehāśmavātāṃś ca kledakuṣṭhāmamārutān

6.Karpūrādivarga.40.2

पिटिकाग्रन्थिशोफार्शोगण्डमालाकृमीञ् जयेत्

piṭikāgranthiśophārśogaṇḍamālākṛmīñ jayet

6.Karpūrādivarga.41

माधुर्याच्छमयेद्वातं कषायत्वाच्च पित्तहा

mādhuryācchamayedvātaṃ kaṣāyatvācca pittahā

6.Karpūrādivarga.41.2

तिक्तत्वात्कफजित्तेन गुग्गुलुः सर्वदोषहा

tiktatvātkaphajittena gugguluḥ sarvadoṣahā

6.Karpūrādivarga.42

स नवो बृंहणो वृष्यः पुराणस् त्व् अतिलेखनः

sa navo bṛṃhaṇo vṛṣyaḥ purāṇas tv atilekhanaḥ

6.Karpūrādivarga.43

स्निग्धः काञ्चनसंकाशः पक्वजम्बूफलोपमः

snigdhaḥ kāñcanasaṃkāśaḥ pakvajambūphalopamaḥ

6.Karpūrādivarga.43.2

नूतनो गुग्गुलुः प्रोक्तः सुगन्धिर्यस्तु पिच्छिलः

nūtano gugguluḥ proktaḥ sugandhiryastu picchilaḥ

6.Karpūrādivarga.44

शुष्को दुर्गन्धकश् चैव त्यक्तप्रकृतिवर्णकः

śuṣko durgandhakaś caiva tyaktaprakṛtivarṇakaḥ

6.Karpūrādivarga.44.2

पुराणः स तु विज्ञेयो गुग्गुलुर् वीर्यवर्जितः

purāṇaḥ sa tu vijñeyo guggulur vīryavarjitaḥ

6.Karpūrādivarga.45

अम्लं तीक्ष्णमजीर्णं च व्यवायं श्रममातपम्

amlaṃ tīkṣṇamajīrṇaṃ ca vyavāyaṃ śramamātapam

6.Karpūrādivarga.45.2

मद्यं रोषं त्यजेत्सम्यग् गुणार्थी पुरसेवकः

madyaṃ roṣaṃ tyajetsamyag guṇārthī purasevakaḥ

6.Karpūrādivarga.46

श्रीवासः सरलस्रावः श्रीवेष्टो वृक्षधूपकः

śrīvāsaḥ saralasrāvaḥ śrīveṣṭo vṛkṣadhūpakaḥ