Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

561–580 of 1839 verses

6.Karpūrādivarga.16.2

तिलपर्णं रक्तसारं तत्प्रवालफलं स्मृतम्

tilaparṇaṃ raktasāraṃ tatpravālaphalaṃ smṛtam

6.Karpūrādivarga.17

रक्तं शीतं गुरु स्वादु छर्दितृष्णास्रपित्तहृत्

raktaṃ śītaṃ guru svādu charditṛṣṇāsrapittahṛt

6.Karpūrādivarga.17.2

तिक्तं नेत्राहतं वृष्यं ज्वरव्रणविषापहम्

tiktaṃ netrāhataṃ vṛṣyaṃ jvaravraṇaviṣāpaham

6.Karpūrādivarga.18

पतंगं रक्तसारं च सुरङ्गं रञ्जनं तथा

pataṃgaṃ raktasāraṃ ca suraṅgaṃ rañjanaṃ tathā

6.Karpūrādivarga.18.2

पट्टरञ्जकमाख्यातं पत्तूरं च कुचन्दनम्

paṭṭarañjakamākhyātaṃ pattūraṃ ca kucandanam

6.Karpūrādivarga.19

पतंगं मधुरं शीतं पित्तश्लेष्मव्रणास्रनुत्

pataṃgaṃ madhuraṃ śītaṃ pittaśleṣmavraṇāsranut

6.Karpūrādivarga.19.2

हरिचन्दनवद् वेद्यं विशेषाद्दाहनाशनम्

haricandanavad vedyaṃ viśeṣāddāhanāśanam

6.Karpūrādivarga.20

चन्दनानि तु सर्वाणि सदृशानि रसादिभिः

candanāni tu sarvāṇi sadṛśāni rasādibhiḥ

6.Karpūrādivarga.20.2

गन्धेन तु विशेषोऽस्ति पूर्वः श्रेष्ठतमो गुणैः

gandhena tu viśeṣo'sti pūrvaḥ śreṣṭhatamo guṇaiḥ

6.Karpūrādivarga.21

अगुरु प्रवरं लोहं राजार्हं योगजं तथा

aguru pravaraṃ lohaṃ rājārhaṃ yogajaṃ tathā

6.Karpūrādivarga.21.2

वंशिकं कृमिजं वापि कृमिजग्धम् अनार्यकम्

vaṃśikaṃ kṛmijaṃ vāpi kṛmijagdham anāryakam

6.Karpūrādivarga.22

अगुरूष्णं कटु त्वच्यं तिक्तं तीक्ष्णं च पित्तलम्

agurūṣṇaṃ kaṭu tvacyaṃ tiktaṃ tīkṣṇaṃ ca pittalam

6.Karpūrādivarga.22.2

लघु कर्णाक्षिरोगघ्नं शीतवातकफप्रणुत्

laghu karṇākṣirogaghnaṃ śītavātakaphapraṇut

6.Karpūrādivarga.23

कृष्णं गुणाधिकं तत्तु लोहवद्वारि मज्जति

kṛṣṇaṃ guṇādhikaṃ tattu lohavadvāri majjati

6.Karpūrādivarga.23.2

अगुरुप्रभवः स्नेहः कृष्णागुरुसमः स्मृतः

aguruprabhavaḥ snehaḥ kṛṣṇāgurusamaḥ smṛtaḥ

6.Karpūrādivarga.24

देवदारु स्मृतं दारुभद्रं दार्व् इन्द्रदारु च

devadāru smṛtaṃ dārubhadraṃ dārv indradāru ca

6.Karpūrādivarga.24.2

मस्तदारु द्रुकिलिमं किलिमं सुरभूरुहः

mastadāru drukilimaṃ kilimaṃ surabhūruhaḥ

6.Karpūrādivarga.25

देवदारु लघु स्निग्धं तिक्तोष्णं कटुपाकि च

devadāru laghu snigdhaṃ tiktoṣṇaṃ kaṭupāki ca

6.Karpūrādivarga.25.2

विबन्धाध्मानशोथामतन्द्राहिक्काज्वरास्रजित्

vibandhādhmānaśothāmatandrāhikkājvarāsrajit

6.Karpūrādivarga.25.3

प्रमेहपीनसश्लेष्मकासकण्डूसमीरनुत्

pramehapīnasaśleṣmakāsakaṇḍūsamīranut