Bhāvaprakāśa

āyurveda

Notable Lemmas:

tikta (63 Occurences)laghu (55 Occurences)kapha (52 Occurences)rasa (43 Occurences)kṛ (43 Occurences)viṣa (43 Occurences)uṣṇa (42 Occurences)

541–560 of 1839 verses

6.Karpūrādivarga.6

कामरूपोद्भवा कृष्णा नैपाली नीलवर्णयुक्

kāmarūpodbhavā kṛṣṇā naipālī nīlavarṇayuk

6.Karpūrādivarga.6.2

काश्मीरी कपिलच्छाया कस्तूरी त्रिविधा स्मृता

kāśmīrī kapilacchāyā kastūrī trividhā smṛtā

6.Karpūrādivarga.7

कामरूपोद्भवा श्रेष्ठा नैपाली मध्यमा भवेत्

kāmarūpodbhavā śreṣṭhā naipālī madhyamā bhavet

6.Karpūrādivarga.7.2

काश्मीरदेशसम्भूता कस्तूरी ह्य् अधमा मता

kāśmīradeśasambhūtā kastūrī hy adhamā matā

6.Karpūrādivarga.8

कस्तूरिका कटुस् तिक्ता क्षारोष्णा शुक्रला गुरुः

kastūrikā kaṭus tiktā kṣāroṣṇā śukralā guruḥ

6.Karpūrādivarga.8.2

कफवातविषच्छर्दिशीतदौर्गन्ध्यशोषहृत्

kaphavātaviṣacchardiśītadaurgandhyaśoṣahṛt

6.Karpūrādivarga.9

लता कस्तूरिका तिक्ता स्वाद्वी वृष्या हिमा लघुः

latā kastūrikā tiktā svādvī vṛṣyā himā laghuḥ

6.Karpūrādivarga.9.2

चक्षुष्या छेदिनी श्लेष्मतृष्णावस्त्यास्यरोगहृत्

cakṣuṣyā chedinī śleṣmatṛṣṇāvastyāsyarogahṛt

6.Karpūrādivarga.10

गन्धमार्जारवीर्यं तु वीर्यकृत् कफवातहृत्

gandhamārjāravīryaṃ tu vīryakṛt kaphavātahṛt

6.Karpūrādivarga.10.2

कण्डूकुष्ठहरं नेत्र्यं सुगन्धं स्वेदगन्धनुत्

kaṇḍūkuṣṭhaharaṃ netryaṃ sugandhaṃ svedagandhanut

6.Karpūrādivarga.11

श्रीखण्डं चन्दनं न स्त्री भद्रश्रीस्तैलपर्णिकः

śrīkhaṇḍaṃ candanaṃ na strī bhadraśrīstailaparṇikaḥ

6.Karpūrādivarga.11.2

गन्धसारो मलयजस्तथा चन्द्रद्युतिश्च सः

gandhasāro malayajastathā candradyutiśca saḥ

6.Karpūrādivarga.12

स्वादे तिक्तं कषे पीतं छेदे रक्तं तनौ सितम्

svāde tiktaṃ kaṣe pītaṃ chede raktaṃ tanau sitam

6.Karpūrādivarga.12.2

ग्रन्थिकोटरसंयुक्तं चन्दनं श्रेष्ठम् उच्यते

granthikoṭarasaṃyuktaṃ candanaṃ śreṣṭham ucyate

6.Karpūrādivarga.13

चन्दनं शीतलं रूक्षं तिक्तम् आह्लादनं लघु

candanaṃ śītalaṃ rūkṣaṃ tiktam āhlādanaṃ laghu

6.Karpūrādivarga.13.2

श्रमशोषविषश्लेष्मतृष्णापित्तास्रदाहनुत्

śramaśoṣaviṣaśleṣmatṛṣṇāpittāsradāhanut

6.Karpūrādivarga.14

कालीयकं तु कालीयं पीताभं हरिचन्दनम्

kālīyakaṃ tu kālīyaṃ pītābhaṃ haricandanam

6.Karpūrādivarga.15

हरिप्रियं कालसारं तथा कालानुसार्यकम्

haripriyaṃ kālasāraṃ tathā kālānusāryakam

6.Karpūrādivarga.15.2

कालीयकं रक्तगुणं विशेषाद् व्यङ्गनाशनम्

kālīyakaṃ raktaguṇaṃ viśeṣād vyaṅganāśanam

6.Karpūrādivarga.16

रक्तचन्दनम् आख्यातं रक्ताङ्गं क्षुद्रचन्दनम्

raktacandanam ākhyātaṃ raktāṅgaṃ kṣudracandanam