4.4.31

उच्छ्रयति उद् दिवम् स्तभान अन्तरिक्षम् पृण पृथिवीम् उपरेण दृंह इति

ucchrayati ud divam stabhāna antarikṣam pṛṇa pṛthivīm upareṇa dṛṃha iti

4.4.32

अथ एनम् वैष्णवीभ्याम् ऋग्भ्याम् कल्पयति ते ते धामानि विष्णोः कर्माणि पश्यत इति द्वाभ्याम्

atha enam vaiṣṇavībhyām ṛgbhyām kalpayati te te dhāmāni viṣṇoḥ karmāṇi paśyata iti dvābhyām

4.4.33

स यत्र अग्निष्ठाम् अश्रिम् आहवनीयेन सम्पादयति तत् ध्रुवस्य चषालम् प्रेक्षयति तत् विष्णोः परमम् पदम् सदा पश्यन्ति सूरयः दिवि इव चक्षुः आततम् इति

sa yatra agniṣṭhām aśrim āhavanīyena sampādayati tat dhruvasya caṣālam prekṣayati tat viṣṇoḥ paramam padam sadā paśyanti sūrayaḥ divi iva cakṣuḥ ātatam iti

4.4.34

अथ एनम् प्रदक्षिणम् पुरीषेण पर्यूहति ब्रह्म वनिम् त्वा क्षत्र वनिम् सु प्रजा वनिम् रायस्पोष वनिम् पर्यूहामि इति

atha enam pradakṣiṇam purīṣeṇa paryūhati brahma vanim tvā kṣatra vanim su prajā vanim rāyaspoṣa vanim paryūhāmi iti

4.4.35

मैत्रावरुण दण्डेन संहन्ति ब्रह्म दृंह क्षत्रम् दृंह प्रजाम् दृंह रायस्पोषम् दृंह इति

maitrāvaruṇa daṇḍena saṃhanti brahma dṛṃha kṣatram dṛṃha prajām dṛṃha rāyaspoṣam dṛṃha iti

4.4.36

अ न्यूनम् अन् अतिरिक्तम् परिन्यस्य उद पात्रम् उपनिनीय अथ एताम् त्रिगुणाम् रशनाम् त्रिस् संभुज्य मध्यमेन गुणेन नाभि दघ्ने परिव्ययन् आह परिवीयमाणाय अनुब्रूहि इति

a nyūnam an atiriktam parinyasya uda pātram upaninīya atha etām triguṇām raśanām tris saṃbhujya madhyamena guṇena nābhi daghne parivyayan āha parivīyamāṇāya anubrūhi iti

4.4.37

त्रिस् प्रदक्षिणम् परिव्ययति परिवीः असि परि त्वा दैवीः विशः व्ययन्ताम् परि इमम् रायस्पोषः यजमानम् मनुष्याः इति

tris pradakṣiṇam parivyayati parivīḥ asi pari tvā daivīḥ viśaḥ vyayantām pari imam rāyaspoṣaḥ yajamānam manuṣyāḥ iti

4.4.38

उपान्ते व्यतिषजति

upānte vyatiṣajati

4.4.39

आ अन्तम् प्रवेष्टयति

ā antam praveṣṭayati

4.4.40

अणिमति स्थविमत् प्रवयति

aṇimati sthavimat pravayati

4.4.41

अथ उत्तरेण अग्निष्ठाम् अश्रिम् मध्यमे गुणे स्वरुम् अवगूहति अन्तरिक्षस्य त्वा सानौ अवगूहामि इति

atha uttareṇa agniṣṭhām aśrim madhyame guṇe svarum avagūhati antarikṣasya tvā sānau avagūhāmi iti

4.4.42

स्वर्वन्तम् यूपम् उत्सृजति

svarvantam yūpam utsṛjati

4.5.1

अथैतं पशुं पल्पूलितम् अन्तरेण चात्वालोत्करौ प्रपाद्याग्रेण यूपं पुरस्तात्प्रत्यङ्मुखम् उपस्थापयति

athaitaṃ paśuṃ palpūlitam antareṇa cātvālotkarau prapādyāgreṇa yūpaṃ purastātpratyaṅmukham upasthāpayati

4.5.2

तम् इषे त्वा इति बर्हिषी आदायोपाकरोति उपवीर् असि उपो देवान् दैवीर् विशः प्रागुर् वह्नीर् उशिजो बृहस्पते धारया वसूनि हव्या ते स्वदन्ताम् देव त्वष्टर् वसु रण्व रेवती रमध्वम् प्रजापतेर् जायमाना इमं पशुं पशुपते ते अद्य इन्द्राग्निभ्यां त्वा जुष्टम्

tam iṣe tvā iti barhiṣī ādāyopākaroti upavīr asi upo devān daivīr viśaḥ prāgur vahnīr uśijo bṛhaspate dhārayā vasūni havyā te svadantām deva tvaṣṭar vasu raṇva revatī ramadhvam prajāpater jāyamānā imaṃ paśuṃ paśupate te adya indrāgnibhyāṃ tvā juṣṭam

4.5.3

यद्देवत्यो वा भवति

yaddevatyo vā bhavati

4.5.4

प्रज्ञाते बर्हिषी निधायाधिमन्थनं शकलं निदधाति अग्नेर् जनित्रम् असीति

prajñāte barhiṣī nidhāyādhimanthanaṃ śakalaṃ nidadhāti agner janitram asīti

4.5.5

वृषणाव् अन्वञ्चौ वृषणौ स्थ इति

vṛṣaṇāv anvañcau vṛṣaṇau stha iti

4.5.6

अथारणी आदत्ते उर्वश्य् असि आयुर् असि पुरूरवा इति

athāraṇī ādatte urvaśy asi āyur asi purūravā iti

4.5.7

अथैते आज्यस्थाल्यां समनक्ति घृतेनाक्ते वृषणं दधाथाम् इति

athaite ājyasthālyāṃ samanakti ghṛtenākte vṛṣaṇaṃ dadhāthām iti

4.5.8

अथ प्रजातीर् वाचयति गायत्रं छन्दो ऽनु प्रजायस्व त्रैष्टुभं छन्दो ऽनु प्रजायस्व जागतं छन्दो ऽनु प्रजायस्व इति

atha prajātīr vācayati gāyatraṃ chando 'nu prajāyasva traiṣṭubhaṃ chando 'nu prajāyasva jāgataṃ chando 'nu prajāyasva iti

Baudhāyanaśrautasūtra