2.5.73

अपेहि पाप्मन् पुनर् अपनाशितो भव आ नः पाप्मन् सुकृतस्य लोके पाप्मन् धेह्य् अविहृतो यो नः पाप्मन् न जहाति तम् उ त्वा जहिमो वयम्

apehi pāpman punar apanāśito bhava ā naḥ pāpman sukṛtasya loke pāpman dhehy avihṛto yo naḥ pāpman na jahāti tam u tvā jahimo vayam

2.5.74

अन्यत्रास्मन् निविशताम् सहस्राक्षो अमर्त्यो यो नो द्वेष्टि स रिष्यतु यम् उ द्विष्मस् तम् उ जहि इति

anyatrāsman niviśatām sahasrākṣo amartyo yo no dveṣṭi sa riṣyatu yam u dviṣmas tam u jahi iti

2.5.75

अथाञ्जलिनाप उपहन्ति सुमित्रा न आप ओषधयः सन्तु इति

athāñjalināpa upahanti sumitrā na āpa oṣadhayaḥ santu iti

2.5.76

तां दिशम् एता अप उत्सिञ्चति यस्याम् अस्य दिशि द्वेष्यो भवति दुर्मित्रास् तस्मै भूयासुर् यो ऽस्मान् द्वेष्टि यं च वयं द्विष्म इति

tāṃ diśam etā apa utsiñcati yasyām asya diśi dveṣyo bhavati durmitrās tasmai bhūyāsur yo 'smān dveṣṭi yaṃ ca vayaṃ dviṣma iti

2.5.77

अथाप उपस्पृश्य यथेतं प्रविशन्ति

athāpa upaspṛśya yathetaṃ praviśanti

2.6.1

अथेदम् अग्न्याधेयम्

athedam agnyādheyam

2.6.2

तस्य कः कर्मण उपक्रमो भवतीति

tasya kaḥ karmaṇa upakramo bhavatīti

2.6.3

उक्तान्य् ऋतुनक्षत्राण्य् उक्तम् आत्मनः पुरश्चरणम्

uktāny ṛtunakṣatrāṇy uktam ātmanaḥ puraścaraṇam

2.6.4

कथम् अत्रानुपूर्व्यं भवति

katham atrānupūrvyaṃ bhavati

2.6.5

स्नानपवनमन्त्रप्रोक्षणपुण्याहवाचनानि श्रद्धाम् आहूयाकूत्या वेदनं कृत्वोपव्याहृत्यर्त्विजो वृत्वार्हयित्वा देवयजनं याचित्वा देवयजनम् आदाय स्फ्यम् आदायान्तरेण वेद्युत्कराव् उद्देशेन प्रपद्य जघनेन गार्हपत्यं तिष्ठन् प्राचीनं स्फ्येन गार्हपत्यस्यायतनम् उद्धन्ति

snānapavanamantraprokṣaṇapuṇyāhavācanāni śraddhām āhūyākūtyā vedanaṃ kṛtvopavyāhṛtyartvijo vṛtvārhayitvā devayajanaṃ yācitvā devayajanam ādāya sphyam ādāyāntareṇa vedyutkarāv uddeśena prapadya jaghanena gārhapatyaṃ tiṣṭhan prācīnaṃ sphyena gārhapatyasyāyatanam uddhanti

2.6.6

उद्धन्यमानम् अस्या अमेध्यम् अप पाप्मानं यजमानस्य हन्तु शिवा नः सन्तु प्रदिशश् चतस्रः शं नो माता पृथिवी तोकसातेति

uddhanyamānam asyā amedhyam apa pāpmānaṃ yajamānasya hantu śivā naḥ santu pradiśaś catasraḥ śaṃ no mātā pṛthivī tokasāteti

2.6.7

अथैनद् अद्भिर् अवोक्षति शं नो देवीर् अभिष्टय आपो भवन्तु पीतये शं योर् अभिस्रवन्तु न इति

athainad adbhir avokṣati śaṃ no devīr abhiṣṭaya āpo bhavantu pītaye śaṃ yor abhisravantu na iti

2.6.8

एवम् एवान्वाहार्यपचनस्यायतनम् उद्धन्ति

evam evānvāhāryapacanasyāyatanam uddhanti

2.6.9

एवम् एवाहवनीयस्य

evam evāhavanīyasya

2.6.10

एवम् इतरयोर् यदि करिष्यन् भवति

evam itarayor yadi kariṣyan bhavati

2.6.11

अथान्तरेण वेद्युत्कराव् उद्देशेनोदङ्ङ् उपनिष्क्रम्य तां दिशं यन्ति यत्रास्य संभारा उपक्ﾱप्ता भवन्ति

athāntareṇa vedyutkarāv uddeśenodaṅṅ upaniṣkramya tāṃ diśaṃ yanti yatrāsya saṃbhārā upakﾱptā bhavanti

4.1.1

पशुना यक्ष्यमाणः भवति

paśunā yakṣyamāṇaḥ bhavati

4.1.2

सः उपकल्पयते पौतुद्रवान् परिधीन् गुल्गुलु सुगन्धि तेजनम् शुक्लाम् ऊर्णा स्तुकाम् या पेत्वस्य अन्तरा शृङ्गे द्वे रशने द्विगुणाम् च त्रिगुणाम् च द्वे वपाश्रपणी विशाखाम् च अ विशाखाम् च हृदयशूलम् कार्ष्मर्य मयान् परिधीन् औदुम्बरम् मैत्रावरुण दण्डम् मुखेन संमितम् इध्माबर्हिः इध्मम् प्रणयनीयम् प्लक्ष शाखाम् इड सूनम् यवान् यवमतीभ्यः सक्तून् सक्तु होमाय पृषदाज्याय दधि हिरण्यम् इति

saḥ upakalpayate pautudravān paridhīn gulgulu sugandhi tejanam śuklām ūrṇā stukām yā petvasya antarā śṛṅge dve raśane dviguṇām ca triguṇām ca dve vapāśrapaṇī viśākhām ca a viśākhām ca hṛdayaśūlam kārṣmarya mayān paridhīn audumbaram maitrāvaruṇa daṇḍam mukhena saṃmitam idhmābarhiḥ idhmam praṇayanīyam plakṣa śākhām iḍa sūnam yavān yavamatībhyaḥ saktūn saktu homāya pṛṣadājyāya dadhi hiraṇyam iti

4.1.3

अथ आमावास्येन वा हविषा इष्ट्वा नक्षत्रे वा गार्हपत्ये आज्यम् विलाप्य उत्पूय स्रुचि चतुर्गृहीतम् गृहीत्वा षड्ढोतारम् मनसा अनुद्रुत्य आहवनीये जुहोति अन्वारब्धे यजमाने स्वाहा इति

atha āmāvāsyena vā haviṣā iṣṭvā nakṣatre vā gārhapatye ājyam vilāpya utpūya sruci caturgṛhītam gṛhītvā ṣaḍḍhotāram manasā anudrutya āhavanīye juhoti anvārabdhe yajamāne svāhā iti

4.1.4

अपरम् चतुर्गृहीतम् गृहीत्वा यूप आहुतिम् जुहोति उरु विष्णो विक्रमस्व उरु क्षयाय नः कृधि

aparam caturgṛhītam gṛhītvā yūpa āhutim juhoti uru viṣṇo vikramasva uru kṣayāya naḥ kṛdhi

Baudhāyanaśrautasūtra