1.20.18

जिघ्रेण भक्षयित्वा

jighreṇa bhakṣayitvā

1.20.19

चतुर्हस्तेडां सम्पादयत्य् आज्यस्यैव

caturhasteḍāṃ sampādayaty ājyasyaiva

1.20.20

समन्वारभेते अध्वर्युश् चैव पत्नी च

samanvārabhete adhvaryuś caiva patnī ca

1.20.21

उपहूतायाम् इडायाम् अग्नीध आदधाति षडवत्तम्

upahūtāyām iḍāyām agnīdha ādadhāti ṣaḍavattam

1.20.22

प्राश्नीतः

prāśnītaḥ

1.20.23

मार्जयेते

mārjayete

1.20.24

अथ स्रुचि चतुर्गृहीतं गृहीत्वापसलैः पर्यावृत्यान्वाहार्यपचने प्रायश्चित्तं जुहोत्य् उलूखले मुसले यच् च शूर्पे आशिश्लेष दृषदि यत् कपाले ऽवप्रुषो विप्रुषः संयजामि विश्वे देवा हविर् इदं जुषन्ताम् यज्ञे या विप्रुषः सन्ति बह्वीर् अग्नौ ताः सर्वाः स्विष्टाः सहुता जुहोमि स्वाहेति

atha sruci caturgṛhītaṃ gṛhītvāpasalaiḥ paryāvṛtyānvāhāryapacane prāyaścittaṃ juhoty ulūkhale musale yac ca śūrpe āśiśleṣa dṛṣadi yat kapāle 'vapruṣo vipruṣaḥ saṃyajāmi viśve devā havir idaṃ juṣantām yajñe yā vipruṣaḥ santi bahvīr agnau tāḥ sarvāḥ sviṣṭāḥ sahutā juhomi svāheti

1.20.25

अपरं चतुर्गृहीतं गृहीत्वान्वाहार्यपचन एवेध्मप्रव्रश्चनान्य् अभ्याधाय फलीकरणान् ओप्य फलीकरणहोमं जुहोत्य् अग्ने ऽदब्धायो ऽशीततनो पाहि माद्य दिवः पाहि प्रसित्यै पाहि दुरिष्ट्यै पाहि दुरद्मन्यै पाहि दुश्चरिताद् अविषं नः पितुं कृणु सुषदा योनिं स्वाहेति

aparaṃ caturgṛhītaṃ gṛhītvānvāhāryapacana evedhmapravraścanāny abhyādhāya phalīkaraṇān opya phalīkaraṇahomaṃ juhoty agne 'dabdhāyo 'śītatano pāhi mādya divaḥ pāhi prasityai pāhi duriṣṭyai pāhi duradmanyai pāhi duścaritād aviṣaṃ naḥ pituṃ kṛṇu suṣadā yoniṃ svāheti

1.20.26

अथैतेनैव यथेतम् एत्य वेदे यजमानं वाचयति वेदो ऽसि वित्तिर् असीत्य् आन्ताद् अनुवाकस्य होत्रे वेदं प्रदाय पत्नीं विष्यतीमं विष्यामि वरुणस्य पाशम् यम् अबध्नीत सविता सुकेतः धातुश् च योनौ सुकृतस्य लोके स्योनं मे सह पत्या करोमीति

athaitenaiva yathetam etya vede yajamānaṃ vācayati vedo 'si vittir asīty āntād anuvākasya hotre vedaṃ pradāya patnīṃ viṣyatīmaṃ viṣyāmi varuṇasya pāśam yam abadhnīta savitā suketaḥ dhātuś ca yonau sukṛtasya loke syonaṃ me saha patyā karomīti

1.20.27

अथास्यै योक्त्रम् अञ्जलाव् आधायोदपात्रम् आनयति सम् आयुषा सं प्रजया सम् अग्ने वर्चसा पुनः सं पत्नी पत्याहं गच्छे सम् आत्मा तनुवा ममेत्य् अथ मुखं विमृष्टे यद् अप्सु ते सरस्वति गोष्व् अश्वेषु यन् मधु तेन मे वाजिनीवति मुखम् सरस्वतीति

athāsyai yoktram añjalāv ādhāyodapātram ānayati sam āyuṣā saṃ prajayā sam agne varcasā punaḥ saṃ patnī patyāhaṃ gacche sam ātmā tanuvā mamety atha mukhaṃ vimṛṣṭe yad apsu te sarasvati goṣv aśveṣu yan madhu tena me vājinīvati mukham sarasvatīti

1.20.28

अपो निनयत्य् अवभृथस्यैव रूपं कृत्वोत्तिष्ठतीति ब्राह्मणम्

apo ninayaty avabhṛthasyaiva rūpaṃ kṛtvottiṣṭhatīti brāhmaṇam

1.21.1

अथैनां तथैव तिरः पवित्रम् अप आचामयति पयस्वतीर् ओषधयः पयस्वद् वीरुधां पयो ऽपां पयसो यत् पयस् तेन माम् इन्द्र संसृजेति

athaināṃ tathaiva tiraḥ pavitram apa ācāmayati payasvatīr oṣadhayaḥ payasvad vīrudhāṃ payo 'pāṃ payaso yat payas tena mām indra saṃsṛjeti

1.21.2

अथैनां गार्हपत्ये समिध आधापयत्य् अग्ने व्रतपते व्रतम् अचारिषम् तद् अशकम् तन् मे ऽराधि स्वाहा वायो व्रतपत आदित्य व्रतपते व्रतानां व्रतपते व्रतम् अचारिषम् तद् अशकम् तन् मे ऽराधि स्वाहेति

athaināṃ gārhapatye samidha ādhāpayaty agne vratapate vratam acāriṣam tad aśakam tan me 'rādhi svāhā vāyo vratapata āditya vratapate vratānāṃ vratapate vratam acāriṣam tad aśakam tan me 'rādhi svāheti

1.21.3

अथ यथाप्रपन्नं निष्क्रामयति

atha yathāprapannaṃ niṣkrāmayati

1.21.4

अथ प्राङ् एत्य ध्रुवाम् आप्याययत्य् आप्यायतां ध्रुवा घृतेन यज्ञं यज्ञं प्रति देवयद्भ्यः सूर्याया ऊधो ऽदित्या उपस्थे उरुधारा पृथिवी यज्ञे अस्मिन् इति

atha prāṅ etya dhruvām āpyāyayaty āpyāyatāṃ dhruvā ghṛtena yajñaṃ yajñaṃ prati devayadbhyaḥ sūryāyā ūdho 'dityā upasthe urudhārā pṛthivī yajñe asmin iti

1.21.5

अथाज्यस्थाल्याः स्रुवेणोपघातं प्रायश्चित्तानि जुहोत्य् आश्रावितम् अत्याश्रावितम् वषट्कृतम् अत्यनूक्तं च यज्ञे ऽतिरिक्तं कर्मणो यच् च हीनं यज्ञः पर्वाणि प्रतिरन्न् एति कल्पयन् स्वाहाकृताहुतिर् एतु देवान्त् स्वाहेति

athājyasthālyāḥ sruveṇopaghātaṃ prāyaścittāni juhoty āśrāvitam atyāśrāvitam vaṣaṭkṛtam atyanūktaṃ ca yajñe 'tiriktaṃ karmaṇo yac ca hīnaṃ yajñaḥ parvāṇi pratirann eti kalpayan svāhākṛtāhutir etu devānt svāheti

1.21.6

अथ यज्ञसमृद्धीर् जुहोतीष्टेभ्यः स्वाहा वषड् अनिष्टेभ्यः स्वाहा भेषजं दुरिष्ट्यै स्वाहा निष्कृत्यै स्वाहा दौरार्द्ध्यै स्वाहा दैवीभ्यस् तनूभ्यः स्वाहा ऋद्ध्यै स्वाहा समृद्ध्यै स्वाहा सर्वसमृद्ध्यै स्वाहा भूः स्वाहा भुवः स्वाहा सुवः स्वाहा भूर् भुवः सुवः स्वाहा इमं मे वरुण तत् त्वा यामि त्वं नो अग्ने स त्वं नो अग्ने त्वम् अग्ने अयासि अया सन् मनसा हितो ऽया सन् हव्यम् ऊहिषे अया नो धेहि भेषजं स्वाहा अयाश् चाग्ने ऽस्य् अनभिशस्तीश् च सत्यम् इत् त्वम् अया अस्य् अयसा मनसा धृतो अयसा हवम् ऊहिषे अया नो धेहि भेषजं स्वाहा यद् अस्मिन् कर्मण्य् अन्तर् अगाम मन्त्रतः कर्मतो वानयाहुत्या तच्छमयामि सर्वम् तृप्यन्तु देवा आवृषन्तां घृतेन स्वाहा यद् अस्य कर्मणो ऽत्यरीरिचम् यद् वा न्यूनम् इहाकरम् अग्निष् टत् स्विष्टकृद् विद्वान् सर्वं स्विष्टं सुहुतं करोतु मे ऽग्नये स्विष्टकृते सुहुतहुत आहुतीनां कामानां समर्धयित्रे स्वाहा प्रजापते न त्वद् एतान्य् अन्यो विश्वा जातानि परि ता बभूव यत्कामास् ते जुहुमस् तन् नो अस्तु वयं स्याम पतयो

atha yajñasamṛddhīr juhotīṣṭebhyaḥ svāhā vaṣaḍ aniṣṭebhyaḥ svāhā bheṣajaṃ duriṣṭyai svāhā niṣkṛtyai svāhā daurārddhyai svāhā daivībhyas tanūbhyaḥ svāhā ṛddhyai svāhā samṛddhyai svāhā sarvasamṛddhyai svāhā bhūḥ svāhā bhuvaḥ svāhā suvaḥ svāhā bhūr bhuvaḥ suvaḥ svāhā imaṃ me varuṇa tat tvā yāmi tvaṃ no agne sa tvaṃ no agne tvam agne ayāsi ayā san manasā hito 'yā san havyam ūhiṣe ayā no dhehi bheṣajaṃ svāhā ayāś cāgne 'sy anabhiśastīś ca satyam it tvam ayā asy ayasā manasā dhṛto ayasā havam ūhiṣe ayā no dhehi bheṣajaṃ svāhā yad asmin karmaṇy antar agāma mantrataḥ karmato vānayāhutyā tacchamayāmi sarvam tṛpyantu devā āvṛṣantāṃ ghṛtena svāhā yad asya karmaṇo 'tyarīricam yad vā nyūnam ihākaram agniṣ ṭat sviṣṭakṛd vidvān sarvaṃ sviṣṭaṃ suhutaṃ karotu me 'gnaye sviṣṭakṛte suhutahuta āhutīnāṃ kāmānāṃ samardhayitre svāhā prajāpate na tvad etāny anyo viśvā jātāni pari tā babhūva yatkāmās te juhumas tan no astu vayaṃ syāma patayo

1.21.7

अथ बर्हिषो धातूनां सम्प्रलुप्य ध्रुवायां समनक्ति समङ्क्तां बर्हिर् हविषा घृतेन सम् आदित्यैर् वसुभिः सं मरुद्भिः सम् इन्द्रेण विश्वेभिर् देवेभिर् अङ्क्ताम् इति

atha barhiṣo dhātūnāṃ sampralupya dhruvāyāṃ samanakti samaṅktāṃ barhir haviṣā ghṛtena sam ādityair vasubhiḥ saṃ marudbhiḥ sam indreṇa viśvebhir devebhir aṅktām iti

1.21.8

अथैनद् आहवनीये ऽनुप्रहरति दिव्यं नभो गच्छतु यत् स्वाहेति

athainad āhavanīye 'nupraharati divyaṃ nabho gacchatu yat svāheti

1.21.9

अथोपोत्थाय दक्षिणेन पदा वेदिम् अवक्रम्य ध्रुवया समिष्टयजुर् जुहोति देवा गातुविदो गातुं वित्त्वा गातुम् इत मनसस्पत इमं नो देव देवेषु यज्ञं स्वाहा वाचि स्वाहा वाते धाः स्वाहेति

athopotthāya dakṣiṇena padā vedim avakramya dhruvayā samiṣṭayajur juhoti devā gātuvido gātuṃ vittvā gātum ita manasaspata imaṃ no deva deveṣu yajñaṃ svāhā vāci svāhā vāte dhāḥ svāheti

Baudhāyanaśrautasūtra