6.4

तद् अनन्तरं तस्य वडिकस्य किंचित् पूर्वजन्मकृतकर्मविपाकेन शरीरे कायिकं दुःखं पतितम् इति दुःखी भूतश् चिन्तापरः स्थितः किं पापं कृतं मया यद् इदं कायिकं दुःखं मम शरीरे जातम्

tad anantaraṃ tasya vaḍikasya kiṃcit pūrvajanmakṛtakarmavipākena śarīre kāyikaṃ duḥkhaṃ patitam iti duḥkhī bhūtaś cintāparaḥ sthitaḥ kiṃ pāpaṃ kṛtaṃ mayā yad idaṃ kāyikaṃ duḥkhaṃ mama śarīre jātam

6.4.2

ततः स वैद्यस् तस्य रोगचिह्नं दृष्ट्वा चिकित्सां कर्तुम् आरब्धः

tataḥ sa vaidyas tasya rogacihnaṃ dṛṣṭvā cikitsāṃ kartum ārabdhaḥ

6.4.3

तथापि तस्य रोगशान्तिर् न भवति पुनर् वृद्धिर् भवति

tathāpi tasya rogaśāntir na bhavati punar vṛddhir bhavati

6.4.4

पिता पुत्रस्य रोगं वृद्धं जातं दृष्ट्वा अवश्यं पुत्रो मरिष्यति यद् वैद्येनापि चास्य रोगस्य चिकित्सितुं न शक्यते इति मूर्च्छया भूमौ पतितः

pitā putrasya rogaṃ vṛddhaṃ jātaṃ dṛṣṭvā avaśyaṃ putro mariṣyati yad vaidyenāpi cāsya rogasya cikitsituṃ na śakyate iti mūrcchayā bhūmau patitaḥ

6.4.5

तं दृष्ट्वा भूयो ऽपि पुत्रस्य चिन्ता जाता

taṃ dṛṣṭvā bhūyo 'pi putrasya cintā jātā

6.4.6

भूयो ऽपि चिन्तया मानसी व्यथा जाता

bhūyo 'pi cintayā mānasī vyathā jātā

6.4.7

स दारको रोगी भूतो ऽशक्यो ऽपि वदितुं कथंचित् पितरं बभाषे मा तात साहसम्

sa dārako rogī bhūto 'śakyo 'pi vadituṃ kathaṃcit pitaraṃ babhāṣe mā tāta sāhasam

6.4.8

धैर्यम् अवलम्ब्योत्तिष्ठ

dhairyam avalambyottiṣṭha

6.4.9

ममात्ययाशङ्कया मा भूस् त्वम् अपि मादृशः

mamātyayāśaṅkayā mā bhūs tvam api mādṛśaḥ

6.4.10

मम नाम्ना देवानां पूजां कुरु दानं देहि

mama nāmnā devānāṃ pūjāṃ kuru dānaṃ dehi

6.4.11

ततो मम स्वस्था भविष्यति

tato mama svasthā bhaviṣyati

6.4.12

स गृहपतिर् इति पुत्रस्य वच आकर्ण्य सर्वदेवेभ्यः पूजां कृतवान्

sa gṛhapatir iti putrasya vaca ākarṇya sarvadevebhyaḥ pūjāṃ kṛtavān

6.4.13

सर्वब्राह्मणतीर्थिकपरिव्राजकेभ्यो दानं दत्तवान्

sarvabrāhmaṇatīrthikaparivrājakebhyo dānaṃ dattavān

6.4.14

तथापि तस्य रोगशान्तिर् न भवति

tathāpi tasya rogaśāntir na bhavati

6.4.15

तदा तस्य महान् मानसो दुःखो ऽभूत्

tadā tasya mahān mānaso duḥkho 'bhūt

6.4.16

सर्वदेवेषु पूजा कृता दानो ऽपि दत्तः पित्रा मम तथापि स्वस्था न भवति

sarvadeveṣu pūjā kṛtā dāno 'pi dattaḥ pitrā mama tathāpi svasthā na bhavati

6.4.17

ततस् तथागतगुणान् अनुस्मृत्य बुद्धं नमस्कारं कर्तुम् आरब्धः

tatas tathāgataguṇān anusmṛtya buddhaṃ namaskāraṃ kartum ārabdhaḥ

6.4.18

अत्रान्तरे नास्ति किंचिद् बुद्धानां भगवताम् अज्ञातम् अदृष्टम् अविदितम् अविज्ञातम्

atrāntare nāsti kiṃcid buddhānāṃ bhagavatām ajñātam adṛṣṭam aviditam avijñātam

6.4.19

धर्मता खलु बुद्धानां भगवतां महाकारुणिकानां लोकानुग्रहप्रवृत्तकानाम् एकारक्षाणां शमथविपश्यनाविहारिणां त्रिदमथवस्तुकुशलानां चतुरोघोत्तीर्णानां चतुरृद्धिपादचरणतलसुप्रतिष्ठितानां चतुर्षु संग्रहवस्तुषु दीर्घरात्रकृतपरिचयानां पञ्चाङ्गविप्रहीणानां पञ्चगतिसमतिक्रान्तानां षडङ्गसमन्वागतानां षट्पारमितापरिपूर्णानां सप्तबोध्यङ्गकुसुमाढ्यानाम् अष्टाङ्गमार्गदेशिकानां नवानुपूर्वविहारसमापत्तिकुशलानां दशबलबलिनां दशदिक्समापूर्णयशसां दशशतवशवर्तिप्रतिविशिष्टानां त्री रात्रेस् त्रिर् दिवसस्य च बुद्धचक्षुषा लोकं व्यवलोक्य ज्ञानदर्शनं प्रवर्तते को हीयते को वर्धते कः कृच्छ्रप्राप्तः कः संकटप्राप्तः कः संबाधप्राप्तः कः कृच्छ्रसंकटसंबाधप्राप्तः को ऽपायनिम्नः को ऽपायप्रवणः को ऽपायप्राग्भारः कम् अहम् अपायाद् उद्धृत्य स्वर्गे मोक्षे च प्रतिष्ठापयेयम्

dharmatā khalu buddhānāṃ bhagavatāṃ mahākāruṇikānāṃ lokānugrahapravṛttakānām ekārakṣāṇāṃ śamathavipaśyanāvihāriṇāṃ tridamathavastukuśalānāṃ caturoghottīrṇānāṃ caturṛddhipādacaraṇatalasupratiṣṭhitānāṃ caturṣu saṃgrahavastuṣu dīrgharātrakṛtaparicayānāṃ pañcāṅgaviprahīṇānāṃ pañcagatisamatikrāntānāṃ ṣaḍaṅgasamanvāgatānāṃ ṣaṭpāramitāparipūrṇānāṃ saptabodhyaṅgakusumāḍhyānām aṣṭāṅgamārgadeśikānāṃ navānupūrvavihārasamāpattikuśalānāṃ daśabalabalināṃ daśadiksamāpūrṇayaśasāṃ daśaśatavaśavartiprativiśiṣṭānāṃ trī rātres trir divasasya ca buddhacakṣuṣā lokaṃ vyavalokya jñānadarśanaṃ pravartate ko hīyate ko vardhate kaḥ kṛcchraprāptaḥ kaḥ saṃkaṭaprāptaḥ kaḥ saṃbādhaprāptaḥ kaḥ kṛcchrasaṃkaṭasaṃbādhaprāptaḥ ko 'pāyanimnaḥ ko 'pāyapravaṇaḥ ko 'pāyaprāgbhāraḥ kam aham apāyād uddhṛtya svarge mokṣe ca pratiṣṭhāpayeyam

6.4.20

कस्य कामपङ्कनिमग्नस्य हस्तोद्धारम् अनुप्रदद्याम्

kasya kāmapaṅkanimagnasya hastoddhāram anupradadyām

Avadānaśataka