4.30.2

अहं राष्ट्री संगमनी वसूनां चिकितुषी प्रथमा यज्ञियानाम्

ahaṃ rāṣṭrī saṃgamanī vasūnāṃ cikituṣī prathamā yajñiyānām

4.30.2.2

तां मा देवा व्य् अदधुः पुरुत्रा भूरिस्थात्रां भूर्य् आवेशयन्तः

tāṃ mā devā vy adadhuḥ purutrā bhūristhātrāṃ bhūry āveśayantaḥ

4.30.3

अहम् एव स्वयम् इदं वदामि जुष्टं देवानाम् उत मानुषाणाम्

aham eva svayam idaṃ vadāmi juṣṭaṃ devānām uta mānuṣāṇām

4.30.3.2

यं कामये तं तम् उग्रं कृणोमि तं ब्रह्माणं तम् ऋषिं तं सुमेधाम्

yaṃ kāmaye taṃ tam ugraṃ kṛṇomi taṃ brahmāṇaṃ tam ṛṣiṃ taṃ sumedhām

4.30.4

मया सो ऽन्नम् अत्ति यो विपश्यति यः प्राणति य ईम् शृणोत्य् उक्तम्

mayā so 'nnam atti yo vipaśyati yaḥ prāṇati ya īm śṛṇoty uktam

4.30.4.2

अमन्तवो मां त उप क्षियन्ति श्रुधि श्रुत श्रद्धेयं ते वदामि

amantavo māṃ ta upa kṣiyanti śrudhi śruta śraddheyaṃ te vadāmi

4.30.5

अहं रुद्राय धनुर् आ तनोमि ब्रह्मद्विषे शरवे हन्तवा उ

ahaṃ rudrāya dhanur ā tanomi brahmadviṣe śarave hantavā u

4.30.5.2

अहं जनाय समदं कृणोमि अहम् द्यावापृथिवी आ विवेश

ahaṃ janāya samadaṃ kṛṇomi aham dyāvāpṛthivī ā viveśa

4.30.6

अहं सोमम् आहनसं बिभर्म्य् अहं त्वष्टारम् उत पूषणं भगम्

ahaṃ somam āhanasaṃ bibharmy ahaṃ tvaṣṭāram uta pūṣaṇaṃ bhagam

4.30.6.2

अहं दधामि द्रविणा हविष्मते सुप्राव्या यजमानाय सुन्वते

ahaṃ dadhāmi draviṇā haviṣmate suprāvyā yajamānāya sunvate

4.30.7

अहं सुवे पितरम् अस्य मूर्धन् मम योनिर् अप्स्व् अन्तः समुद्रे

ahaṃ suve pitaram asya mūrdhan mama yonir apsv antaḥ samudre

4.30.7.2

ततो वि तिष्ठे भुवनानि विश्वोतामूं द्यां वर्ष्मणोप स्पृशामि

tato vi tiṣṭhe bhuvanāni viśvotāmūṃ dyāṃ varṣmaṇopa spṛśāmi

4.30.8

अहम् एव वातैव प्र वाम्य् आरभमाणा भुवनानि विश्वा

aham eva vātaiva pra vāmy ārabhamāṇā bhuvanāni viśvā

4.30.8.2

परो दिवा पर एना पृथिव्यैतावती महिम्ना सं बभूव

paro divā para enā pṛthivyaitāvatī mahimnā saṃ babhūva

4.31.1

त्वया मन्यो स रथम् आरुजन्तः हर्षमाणाः हृषितासः मरुत्वन् तिग्म इषवः आयुधा संशिशानाः उप प्र यन्तु नरः अग्नि रूपाः

tvayā manyo sa ratham ārujantaḥ harṣamāṇāḥ hṛṣitāsaḥ marutvan tigma iṣavaḥ āyudhā saṃśiśānāḥ upa pra yantu naraḥ agni rūpāḥ

4.31.2

अग्निः इव मन्यो त्विषितः सहस्व

agniḥ iva manyo tviṣitaḥ sahasva

4.31.3

सेनानीः नः सहुरे हूतः एधि

senānīḥ naḥ sahure hūtaḥ edhi

4.31.4

हत्वाय शत्रून् वि भजस्व वेदः

hatvāya śatrūn vi bhajasva vedaḥ

4.31.5

ओजः मिमानः वि मृधः नुदस्व

ojaḥ mimānaḥ vi mṛdhaḥ nudasva

4.31.6

सहस्व मन्यो अभिमातिम् अस्मै

sahasva manyo abhimātim asmai

Atharvaveda (Śaunaka)