8.5.9

याः कृत्या आङ्गिरसीर् याः कृत्या आसुरीर् याः

yāḥ kṛtyā āṅgirasīr yāḥ kṛtyā āsurīr yāḥ

8.5.9.2

कृत्याः स्वयंकृता या उ चान्येभिर् आभृताः

kṛtyāḥ svayaṃkṛtā yā u cānyebhir ābhṛtāḥ

8.5.9.3

उभयीस् ताः परा यन्तु परावतो नवतिं नाव्या अति

ubhayīs tāḥ parā yantu parāvato navatiṃ nāvyā ati

8.5.9.3

अस्मै मणिम् वर्म बध्नन्तु देवाः इन्द्रः विष्णुः सविता रुद्रः अग्निः प्रजापतिः परमेष्ठी विराज् वैश्वानरः ऋषयः च सर्वे

asmai maṇim varma badhnantu devāḥ indraḥ viṣṇuḥ savitā rudraḥ agniḥ prajāpatiḥ parameṣṭhī virāj vaiśvānaraḥ ṛṣayaḥ ca sarve

8.5.11

उत्तमो अस्य् ओषधीनाम् अनड्वान् जगताम् इव व्याघ्रः श्वपदाम् इव

uttamo asy oṣadhīnām anaḍvān jagatām iva vyāghraḥ śvapadām iva

8.5.11.2

यम् ऐच्छामाविदाम तं प्रतिस्पाशनम् अन्ति तम्

yam aicchāmāvidāma taṃ pratispāśanam anti tam

8.5.12

स इद् व्याघ्रो भवत्य् अथो सिंहो अथो वृषा

sa id vyāghro bhavaty atho siṃho atho vṛṣā

8.5.12.2

अथो सपत्नकर्शनो यो बिभर्तीमं मणिम्

atho sapatnakarśano yo bibhartīmaṃ maṇim

8.5.13

नैनं घ्नन्त्य् अप्सरसो न गन्धर्वा न मर्त्याः

nainaṃ ghnanty apsaraso na gandharvā na martyāḥ

8.5.13.2

सर्वा दिशो वि राजति यो बिभर्तीमं मणिम्

sarvā diśo vi rājati yo bibhartīmaṃ maṇim

8.5.14

कश्यपस् त्वाम् असृजत कश्यपस् त्वा सम् ऐरयत्

kaśyapas tvām asṛjata kaśyapas tvā sam airayat

8.5.14.2

अबिभस् त्वेन्द्रो मानुषे बिभ्रत् संश्रेषिणे ऽजयत्

abibhas tvendro mānuṣe bibhrat saṃśreṣiṇe 'jayat

8.5.14.3

मणिं सहस्रवीर्यं वर्म देवा अकृण्वत

maṇiṃ sahasravīryaṃ varma devā akṛṇvata

8.5.15

यस् त्वा कृत्याभिर् यस् त्वा दीक्षाभिर् यज्ञैर् यस् त्वा जिघांसति

yas tvā kṛtyābhir yas tvā dīkṣābhir yajñair yas tvā jighāṃsati

8.5.15.2

प्रत्यक् त्वम् इन्द्र तं जहि वज्रेण शतपर्वणा

pratyak tvam indra taṃ jahi vajreṇa śataparvaṇā

8.5.16

अयम् इद् वै प्रतीवर्त ओजस्वान् संजयो मणिः

ayam id vai pratīvarta ojasvān saṃjayo maṇiḥ

8.5.16.2

प्रजां धनं च रक्षतु परिपाणः सुमङ्गलः

prajāṃ dhanaṃ ca rakṣatu paripāṇaḥ sumaṅgalaḥ

8.5.17

असपत्नं नो अधराद् असपत्नं न उत्तरात्

asapatnaṃ no adharād asapatnaṃ na uttarāt

8.5.17.2

इन्द्रासपत्नं नः पश्चाज् ज्योतिः शूर पुरस् कृधि

indrāsapatnaṃ naḥ paścāj jyotiḥ śūra puras kṛdhi

8.5.18

वर्म मे द्यावापृथिवी वर्माहर् वर्म सूर्यः

varma me dyāvāpṛthivī varmāhar varma sūryaḥ

Atharvaveda (Śaunaka)