7.10.2

अस्मिंश् चन्द्रे अधि यद् धिरण्यं तेनायं कृणवद् वीर्याणि

asmiṃś candre adhi yad dhiraṇyaṃ tenāyaṃ kṛṇavad vīryāṇi

8.1

ये देवा दिव्य् एकादश स्थ ते देवासो हविर् इदं जुषध्वम्

ye devā divy ekādaśa stha te devāso havir idaṃ juṣadhvam

8.2

ये देवा अन्तरिक्ष एकादश स्थ ते देवासो हविर् इदं जुषध्वम्

ye devā antarikṣa ekādaśa stha te devāso havir idaṃ juṣadhvam

8.3

ये देवाः पृथिव्याम् एकादश स्थ ते देवासो हविर् इदं जुषध्वम्

ye devāḥ pṛthivyām ekādaśa stha te devāso havir idaṃ juṣadhvam

8.4

असपत्नं पुरस्तात् पश्चान् नो ऽभयं कृतम्

asapatnaṃ purastāt paścān no 'bhayaṃ kṛtam

8.4.2

सविता मा दक्षिणत उत्तरान् मा शचीपतिः

savitā mā dakṣiṇata uttarān mā śacīpatiḥ

8.5

दिवो मादित्या रक्षन्तु भूम्या रक्षन्त्व् अग्नयः

divo mādityā rakṣantu bhūmyā rakṣantv agnayaḥ

8.5.2

इन्द्राग्नी रक्षतां मा पुरस्ताद् अश्विनाव् अभितः शर्म यच्छताम्

indrāgnī rakṣatāṃ mā purastād aśvināv abhitaḥ śarma yacchatām

8.5.3

तिरश्चीनघ्न्या रक्षतु जातवेदा भूतकृतो मे सर्वतः सन्तु

rakṣatu jātavedā bhūtakṛto me sarvataḥ santu varma

9.1

ये ऽप्स्व् अन्तर् अग्नयः प्रविष्टा म्रोको मनोहा खनो निर्दाह आत्मदूषिस् तनदूषिः

ye 'psv antar agnayaḥ praviṣṭā mroko manohā khano nirdāha ātmadūṣis tanadūṣiḥ

9.1.2

इदं तान् अति सृजामि निर् एनो निर् अनृतं सृजामि

idaṃ tān ati sṛjāmi nir eno nir anṛtaṃ sṛjāmi

9.2

अभूत्यासत्वाय निर् दुःष्वप्न्यं

nir duḥṣvapnyaṃ sṛjāmi

9.2.2

वसिष्ठारुन्धती मा पातां प्रजापतेः प्रस्तरो बृहस्पतेः केशाः

vasiṣṭhārundhatī mā pātāṃ prajāpateḥ prastaro bṛhaspateḥ keśāḥ

9.3

अदब्धं चक्षुः सुश्रुतौ कर्णाव् अक्षितौ मे प्राणापानौ

adabdhaṃ cakṣuḥ suśrutau karṇāv akṣitau me prāṇāpānau

9.3.2

हृदया जरसं मा मा हासीर् मध्य मा रिषम्

hṛdayā jarasaṃ mā mā hāsīr madhya mā riṣam

9.4

आपो मा शुन्धन्तु दुष्कृताद् दुरिता यानि चकृम

āpo mā śundhantu duṣkṛtād duritā yāni cakṛma

9.4.2

अयाम शुद्धा उद् इतस् तनूभिः

ayāma śuddhā ud itas tanūbhiḥ

9.5

वैश्वानरो रश्मिभिर् नः पुनातु वातः प्राणेनेषिरो नभोभिः

vaiśvānaro raśmibhir naḥ punātu vātaḥ prāṇeneṣiro nabhobhiḥ

9.5.2

द्यावापृथिवी पयसा पयस्वती ऋतावरी यज्ञिये मा पुनीताम्

dyāvāpṛthivī payasā payasvatī ṛtāvarī yajñiye mā punītām

9.6

पुनन्तु माग्नयो गार्हपत्याः पुनन्तु मा धिष्ण्या देवहूताः

punantu māgnayo gārhapatyāḥ punantu mā dhiṣṇyā devahūtāḥ

Atharvaveda (Paippalāda)