6.3.2

अर्वाची भद्रा सुमतिर् न ऐत्व् अधा भगेन समिथो नो अस्तु

arvācī bhadrā sumatir na aitv adhā bhagena samitho no astu

6.4

भगेन वाचम् इषितां वदानि सरस्वतीं मधुमतीं सुवर्चाः

bhagena vācam iṣitāṃ vadāni sarasvatīṃ madhumatīṃ suvarcāḥ

6.4.2

भगेन दत्तम् उप मेदम् आगन् यथा वर्चस्वान् समितिम् आवदानि

bhagena dattam upa medam āgan yathā varcasvān samitim āvadāni

6.5

भगो मा गोष्व् अवतु भगो मावतु धान्ये

bhago mā goṣv avatu bhago māvatu dhānye

6.5.2

अक्षेषु स्त्रीषु मा भगो भगो मावतु वर्चसा

akṣeṣu strīṣu mā bhago bhago māvatu varcasā

6.6

भगो मा सायम् अवतु भगो मावतु रात्र्या

bhago mā sāyam avatu bhago māvatu rātryā

6.6.2

भगो निपद्यमानेषु प्रातर् मा भग आगमत्

bhago nipadyamāneṣu prātar mā bhaga āgamat

6.7

भगो मा प्रातर् अवतु भगो मध्यन्दिनं परि

bhago mā prātar avatu bhago madhyandinaṃ pari

6.7.2

अपराह्णे वयं भगं वास इव परि दध्महे

aparāhṇe vayaṃ bhagaṃ vāsa iva pari dadhmahe

6.8

भगं देवेभ्यस् परि भगं मनुष्येभ्यः

bhagaṃ devebhyas pari bhagaṃ manuṣyebhyaḥ

6.8.2

दिवस् पृथिव्या अहम् अन्तरिक्षाद् भगं वृणे

divas pṛthivyā aham antarikṣād bhagaṃ vṛṇe

6.8.3

सो अग्ने रमतां मयि स मा प्रावतु वर्चसा

so agne ramatāṃ mayi sa mā prāvatu varcasā

6.9

भगं वृणाना वध्वं वहन्ति वनिं प्रयन्तो भगम् इद् धवन्ते

bhagaṃ vṛṇānā vadhvaṃ vahanti vaniṃ prayanto bhagam id dhavante

6.9.2

भगेन दत्तम् उप मेदम् आगन् विश्वं सुभूतं द्रविणानि भद्रा

bhagena dattam upa medam āgan viśvaṃ subhūtaṃ draviṇāni bhadrā

6.10

भगेन देवाः सम् अगन्महि य इमा विश्वा भुवनाभिवस्ते

bhagena devāḥ sam aganmahi ya imā viśvā bhuvanābhivaste

6.10.2

प्रयच्छन्न् एति बहुधा वसूनि स नो दधातु यतमद् वसिष्ठम्

prayacchann eti bahudhā vasūni sa no dadhātu yatamad vasiṣṭham

6.11

वातो भगो वरुणो वायुर् अग्निः क्षेत्रस्य पत्नी सुहवा नो अस्तु

vāto bhago varuṇo vāyur agniḥ kṣetrasya patnī suhavā no astu

6.11.2

हिरण्याक्षो अतिपश्यो नृचक्षाः सर्वैः साकं सचमानो न एहि

hiraṇyākṣo atipaśyo nṛcakṣāḥ sarvaiḥ sākaṃ sacamāno na ehi

6.12

उद् एहि देव सूर्य सह सौभाग्येन

ud ehi deva sūrya saha saubhāgyena

6.12.2

सहर्षभस्य वाजेन सहावतंकरणेन

saharṣabhasya vājena sahāvataṃkaraṇena

Atharvaveda (Paippalāda)