6.5.2

यमो वैवस्वतान् राजा सर्वान् रक्षतु शेवधीन्

yamo vaivasvatān rājā sarvān rakṣatu śevadhīn

6.6

मा विदन् पर्यायिणो ये दक्षिणाः परिमुष्णन्ति दत्तम्

mā vidan paryāyiṇo ye dakṣiṇāḥ parimuṣṇanti dattam

6.6.2

सुगेन तान् पथा सर्वान् यमो राजाति नेषति

sugena tān pathā sarvān yamo rājāti neṣati

6.7

येन पथा वैवस्वतो यमो राजेतो ययौ

yena pathā vaivasvato yamo rājeto yayau

6.7.2

अग्निर् नस् तेन नयतु प्रजानन् वैश्वानरः पथिकृद् विश्वगृष्टिः

agnir nas tena nayatu prajānan vaiśvānaraḥ pathikṛd viśvagṛṣṭiḥ

6.8

महि ज्योतिर् निहितं मर्त्येषु येन देवासो अतरन्न् अरातीन्

mahi jyotir nihitaṃ martyeṣu yena devāso atarann arātīn

6.8.2

तेनेमं सेतुम् अति गेष्म सर्वे वैश्वानरं ज्योतिर् अमीव देवाः

tenemaṃ setum ati geṣma sarve vaiśvānaraṃ jyotir amīva devāḥ

6.9

उद् वयं तमसस् परि ज्योतिष् पश्यन्त उत्तरम्

ud vayaṃ tamasas pari jyotiṣ paśyanta uttaram

6.9.2

देवं देवत्रा सूर्यम् अगन्म ज्योतिर् उत्तमम्

devaṃ devatrā sūryam aganma jyotir uttamam

6.10

आरोको भ्राजः पटरः पतङ्गः स्वर्णरो ज्योतिषीमान् विभासः

āroko bhrājaḥ paṭaraḥ pataṅgaḥ svarṇaro jyotiṣīmān vibhāsaḥ

6.10.2

ते ऽस्मै सर्वे घृतम् आ तपन्त्य् ऊर्जं दुहाना अनपस्फुरन्तः

te 'smai sarve ghṛtam ā tapanty ūrjaṃ duhānā anapasphurantaḥ

9.1

खादिरेण शललेनाथो कङ्कतदन्त्या

khādireṇa śalalenātho kaṅkatadantyā

9.1.2

अथो विषस्य यद् विषं तेन पापीर् अनीनशम्

atho viṣasya yad viṣaṃ tena pāpīr anīnaśam

9.2

कित्या शतपर्वणा सहस्राक्षेण चर्मणा

kityā śataparvaṇā sahasrākṣeṇa carmaṇā

9.2.2

तीक्ष्णाभिर् अभ्रिभिर् वयं निर् अजामः सदान्वाः

tīkṣṇābhir abhribhir vayaṃ nir ajāmaḥ sadānvāḥ

9.3

सहः सहस्वत्य् असीतः कण्वाः परो ऽनुदः

sahaḥ sahasvaty asītaḥ kaṇvāḥ paro 'nudaḥ

9.3.2

इमा या अधुनागता याश् चेह ग्रहणीः पुरा

imā yā adhunāgatā yāś ceha grahaṇīḥ purā

9.4

न ता इत्था न ता इहाव मासतोखेव शृङ्गवच्छिरः

na tā itthā na tā ihāva māsatokheva śṛṅgavacchiraḥ

9.4.2

सदान्वा ब्रह्मणस्पते तीक्ष्णशृङ्गोदृषन्न् इहि

sadānvā brahmaṇaspate tīkṣṇaśṛṅgodṛṣann ihi

9.5

वि ते नु मन्थाः शश्रिरे बिभिदे ते गदोहनी

vi te nu manthāḥ śaśrire bibhide te gadohanī

Atharvaveda (Paippalāda)