8.3.2

ताभिर् गन्धर्वाṁ अभेद्याṁ अवकादान् व्य् ऋषतु

tābhir gandharvāṁ abhedyāṁ avakādān vy ṛṣatu

8.4

अवकादाṁ अभिषाचो भित्सु द्योतयमानकान्

avakādāṁ abhiṣāco bhitsu dyotayamānakān

8.4.2

गन्धर्वान् सर्वान् ओषधे प्र णुदस्व परा णय

gandharvān sarvān oṣadhe pra ṇudasva parā ṇaya

8.5

उन्मादयन्तीर् अभिशोचयन्तीर् मुनिं नग्नं कृण्वतीर् मोघहासिनम्

unmādayantīr abhiśocayantīr muniṃ nagnaṃ kṛṇvatīr moghahāsinam

8.5.2

अप्सरसो रघटो याश् चरन्ति गन्धर्वपत्नीर् अजशृङ्ग्य् आ शये

apsaraso raghaṭo yāś caranti gandharvapatnīr ajaśṛṅgy ā śaye

8.6

श्वेतीकृण्वानः पुरुषं विश्वा रूपाणि बोभुवत्

śvetīkṛṇvānaḥ puruṣaṃ viśvā rūpāṇi bobhuvat

8.6.2

श्वेवैकं कपिर् इवैकं कुमारः सर्वकेशकः

śvevaikaṃ kapir ivaikaṃ kumāraḥ sarvakeśakaḥ

8.6.3

प्रियो दृशे भूत्वा गन्धर्वः सचते स्त्रियं तम् इतो नाशयामसि

priyo dṛśe bhūtvā gandharvaḥ sacate striyaṃ tam ito nāśayāmasi

9.2.2

सप्तर्षयो नि दधुर् वाचम् एतां सरस्वतीं ऋडया

saptarṣayo ni dadhur vācam etāṃ sarasvatīṃ ṛḍayā

9.3

इमां वशां वाचम् आहुर् वशेति तिस्रो वशा अतिहिताः सधस्थे

imāṃ vaśāṃ vācam āhur vaśeti tisro vaśā atihitāḥ sadhasthe

9.3.2

तासाम् अग्नौ मनसैकां जुहोमि तां नः स्वाद्वीं भूतपतिः कृणोतु

tāsām agnau manasaikāṃ juhomi tāṃ naḥ svādvīṃ bhūtapatiḥ kṛṇotu

9.4

स्वाद्वीं न एतां सविता कृणोतु स्वाद्वीं न एतां जनिता पशूनाम्

svādvīṃ na etāṃ savitā kṛṇotu svādvīṃ na etāṃ janitā paśūnām

9.4.2

जुहुध्य् अग्ने वयुनानि विद्वांस् तां नः स्वाद्वीं भूतपतिः कृणोतु

juhudhy agne vayunāni vidvāṃs tāṃ naḥ svādvīṃ bhūtapatiḥ kṛṇotu

9.5

इदं तृतीयं वशिनी वशासि महिम्ने त्वा गर्भो अभ्य् आ विवेश

idaṃ tṛtīyaṃ vaśinī vaśāsi mahimne tvā garbho abhy ā viveśa

9.5.2

उशती त्वम् उशतो गछ देवान् सत्याः सन्तु यजमानस्य कामाः

uśatī tvam uśato gacha devān satyāḥ santu yajamānasya kāmāḥ

9.6

इयम् अम्भसा वाजसु तस्तभे गौर् यस्याम् इन्द्रो वरुणस्

iyam ambhasā vājasu tastabhe gaur yasyām indro varuṇas

9.6.2

नृम्णम् अनृम्णं सचत इयम् आगन् धीरः पशुर् वीर्यम् आ विवेश

nṛmṇam anṛmṇaṃ sacata iyam āgan dhīraḥ paśur vīryam ā viveśa

9.7

वशा ससूव स्थविरं विपश्चितं वशा ससूव बष्कयं दिविस्पृशम्

vaśā sasūva sthaviraṃ vipaścitaṃ vaśā sasūva baṣkayaṃ divispṛśam

9.7.2

वशा ससूव तरुणम् विभाजने वशा ससूव संजितं धनानाम्

vaśā sasūva taruṇam vibhājane vaśā sasūva saṃjitaṃ dhanānām

9.8

यत् प्रोक्षणम् अपतद् बर्हिषस् परि दक्षिणतो वेद्या इन्द्रियावत्

yat prokṣaṇam apatad barhiṣas pari dakṣiṇato vedyā indriyāvat

Atharvaveda (Paippalāda)