5.4.9

अग्नये व्रतपतये ऽष्टाकपालं पुरोडाशं निर्वपेद् य आहिताग्निर् आर्तिजम् अश्रु कुर्यात् ततः प्रवसेत्

agnaye vratapataye 'ṣṭākapālaṃ puroḍāśaṃ nirvaped ya āhitāgnir ārtijam aśru kuryāt tataḥ pravaset

5.4.10

अग्नये व्रतभृते ऽष्टाकपालं पुरोडाशं निर्वपेत् पर्वणि यो व्रतवेलायाम् अव्रत्यं चरेद् अग्नये तन्तुमते ऽष्टाकपालं पुरोडाशं निर्वपेद् यस्य संततम् अग्निहोत्रं जुहुयुः

agnaye vratabhṛte 'ṣṭākapālaṃ puroḍāśaṃ nirvapet parvaṇi yo vratavelāyām avratyaṃ cared agnaye tantumate 'ṣṭākapālaṃ puroḍāśaṃ nirvaped yasya saṃtatam agnihotraṃ juhuyuḥ

5.5.1

अथ संनिपतितेषु प्रायश्चित्तेषु वैविचीं प्रथमां कुर्यात्

atha saṃnipatiteṣu prāyaścitteṣu vaivicīṃ prathamāṃ kuryāt

5.5.2

ततो ऽग्नये शुचये

tato 'gnaye śucaye

5.5.3

व्रातपतीम् अन्ततः क्षामवतीं परिवर्तयेद् यस्याग्निष्व् अन्यं याजयेद् यो वा यजेत्

vrātapatīm antataḥ kṣāmavatīṃ parivartayed yasyāgniṣv anyaṃ yājayed yo vā yajet

5.5.4

मारुतं त्रयोदशकपालं पुरोडाशं निर्वपेद् यस्य यमौ पुत्रौ जायेयातां गावो वा

mārutaṃ trayodaśakapālaṃ puroḍāśaṃ nirvaped yasya yamau putrau jāyeyātāṃ gāvo vā

5.5.5

यमसूर् दक्षिणा धेनुर् भार्या वा

yamasūr dakṣiṇā dhenur bhāryā vā

5.5.6

पृषदाज्यं चेत् स्कन्नं स्कन्ना द्यौर् इत्य् अभिमन्त्र्य

pṛṣadājyaṃ cet skannaṃ skannā dyaur ity abhimantrya

5.5.7

स्कन्ना द्यौः स्कन्ना पृथिवी स्कन्नं विश्वम् इदं जगत् स्कन्नादो विश्वे देवाः प्रा स्कन्नात् प्रायतां हविर् इत्य् अभिमन्त्र्येह गावः प्रजायध्वम् इत्य् अन्यस्य पृषदाज्यस्य जुहुयात् पशुगवा चेत् स्रुवैर् हुत्वास्रावं यात्य् अवदानम् अकर्मेत्य्

skannā dyauḥ skannā pṛthivī skannaṃ viśvam idaṃ jagat skannādo viśve devāḥ prā skannāt prāyatāṃ havir ity abhimantryeha gāvaḥ prajāyadhvam ity anyasya pṛṣadājyasya juhuyāt paśugavā cet sruvair hutvāsrāvaṃ yāty avadānam akarmety

5.5.8

यद्य् अवदानं न विन्देत् तदाज्यस्यावद्येत्

yady avadānaṃ na vindet tadājyasyāvadyet

5.5.9

उपाकृतश् चेत् पशुः प्रपतेद् वायव्यां यवागूं निरुप्यान्यं तद्रूपं तद्वर्णम् इति समानं

upākṛtaś cet paśuḥ prapated vāyavyāṃ yavāgūṃ nirupyānyaṃ tadrūpaṃ tadvarṇam iti samānaṃ

5.6.1

अथ यस्याहर्गणे ऽविसमाप्ते यूपो विरोहेत् प्रवृह्य यूपविरूढान्य् अवलोप्य तपो ह्य् अग्ने अन्तराम् अमित्रां तप शंसम् अररुषः परस्य तपो वसो चिकितानो अचित्तान् वि ते तिष्ठन्ताम् अजरा अयासः

atha yasyāhargaṇe 'visamāpte yūpo virohet pravṛhya yūpavirūḍhāny avalopya tapo hy agne antarām amitrāṃ tapa śaṃsam araruṣaḥ parasya tapo vaso cikitāno acittān vi te tiṣṭhantām ajarā ayāsaḥ

5.6.2

यो नः सनुत्यो अभिदासद् अग्ने यो अन्तरो मित्रमहो वनुष्यात्

yo naḥ sanutyo abhidāsad agne yo antaro mitramaho vanuṣyāt

5.6.2.2

तम् अजरेभिर् वृषभिस् तव स्वैस् तपा तपिष्ठ तपसा तपस्वान्

tam ajarebhir vṛṣabhis tava svais tapā tapiṣṭha tapasā tapasvān

5.6.3

यस्मात् कृणोति केतुम् आ नक्तं चिद् दूर आ सते

yasmāt kṛṇoti ketum ā naktaṃ cid dūra ā sate

5.6.3.2

पावको यद् वनस्पतीन् यस्मान् मिनोत्य् अजरो नभिहित इति

pāvako yad vanaspatīn yasmān minoty ajaro nabhihita iti

5.6.4

पञ्चभिर् अपरं पर्युक्ष्य सुपर्णा वाचम् इति विरूढानि हुत्वा पुनःसमायात् तस्मिंस् त्वाष्ट्रम् अजं पिङ्गलं पशुं बहुरूपम् आलभेत

pañcabhir aparaṃ paryukṣya suparṇā vācam iti virūḍhāni hutvā punaḥsamāyāt tasmiṃs tvāṣṭram ajaṃ piṅgalaṃ paśuṃ bahurūpam ālabheta

5.6.5

अग्निना तपो ऽन्वभवत्

agninā tapo 'nvabhavat

5.6.6

वाचा ब्रह्म

vācā brahma

5.6.7

मणिना रूपाणि

maṇinā rūpāṇi