8.8

भगवानेतदवोचत् इह सुभूते श्राद्धः कुलपुत्रो वा कुलदुहिता वा तथागतमर्हन्तं सम्यक्संबुद्धं निमित्ततो मनसि करोति

bhagavānetadavocat iha subhūte śrāddhaḥ kulaputro vā kuladuhitā vā tathāgatamarhantaṃ samyaksaṃbuddhaṃ nimittato manasi karoti

8.8.2

यावन्ति खलु पुनः सुभूते निमित्तानि तावन्तः सङ्गाः

yāvanti khalu punaḥ subhūte nimittāni tāvantaḥ saṅgāḥ

8.8.3

तत्कस्य हेतोः निमित्ततो हि सुभूते सङ्गः

tatkasya hetoḥ nimittato hi subhūte saṅgaḥ

8.8.4

इति हि सो ऽतीतानागतप्रत्युत्पन्नानां बुद्धानां भगवतां ये अनास्रवा धर्मास्ताननुमोदे इत्यनुमोद्य अनुमोदनासहगतं कुशलमूलमनुत्तरायां सम्यक्संबोधौ परिणामयामीति परिणामयति

iti hi so 'tītānāgatapratyutpannānāṃ buddhānāṃ bhagavatāṃ ye anāsravā dharmāstānanumode ityanumodya anumodanāsahagataṃ kuśalamūlamanuttarāyāṃ samyaksaṃbodhau pariṇāmayāmīti pariṇāmayati

8.8.5

या खलु पुनः सुभूते धर्माणां धर्मता न सा अतीता वा अनागता वा प्रत्युत्पन्ना वा

yā khalu punaḥ subhūte dharmāṇāṃ dharmatā na sā atītā vā anāgatā vā pratyutpannā vā

8.8.6

या नातीता नानागता न प्रत्युत्पन्ना सा त्र्यध्वनिर्मुक्ता

yā nātītā nānāgatā na pratyutpannā sā tryadhvanirmuktā

8.8.7

या त्र्यध्वनिर्मुक्ता न सा शक्या परिणामयितुं न निमित्तीकर्तुं नारम्बणीकर्तुम्

yā tryadhvanirmuktā na sā śakyā pariṇāmayituṃ na nimittīkartuṃ nārambaṇīkartum

8.8.8

नापि सा दृष्टश्रुतमतविज्ञाता

nāpi sā dṛṣṭaśrutamatavijñātā

8.9

सुभूतिराह गम्भीरा भगवन् प्रकृतिर्धर्माणाम्

subhūtirāha gambhīrā bhagavan prakṛtirdharmāṇām

8.9.2

भगवानाह विविक्तत्वात्सुभूते

bhagavānāha viviktatvātsubhūte

8.9.3

आह प्रकृतिगम्भीरा भगवन् प्रज्ञापारमिता

āha prakṛtigambhīrā bhagavan prajñāpāramitā

8.9.4

भगवानाह प्रकृतिविशुद्धत्वात्सुभूते

bhagavānāha prakṛtiviśuddhatvātsubhūte

8.9.5

प्रकृतिविविक्तत्वात्प्रकृतिगम्भीरा प्रज्ञापारमिता

prakṛtiviviktatvātprakṛtigambhīrā prajñāpāramitā

8.9.6

सुभूतिराह प्रकृतिविविक्ता भगवन् प्रज्ञापारमिता

subhūtirāha prakṛtiviviktā bhagavan prajñāpāramitā

8.9.7

नमस्करोमि भगवन् प्रज्ञापारमितायै

namaskaromi bhagavan prajñāpāramitāyai

8.10

भगवानाह सर्वधर्मा अपि सुभूते प्रकृतिविविक्ताः

bhagavānāha sarvadharmā api subhūte prakṛtiviviktāḥ

8.10.2

या च सुभूते सर्वधर्माणां प्रकृतिविविक्तता सा प्रज्ञापारमिता

yā ca subhūte sarvadharmāṇāṃ prakṛtiviviktatā sā prajñāpāramitā

8.10.3

तत्कस्य हेतोः तथा हि सुभूते अकृताः सर्वधर्मास्तथागतेनार्हता सम्यक्संबुद्धेनाभिसंबुद्धाः

tatkasya hetoḥ tathā hi subhūte akṛtāḥ sarvadharmāstathāgatenārhatā samyaksaṃbuddhenābhisaṃbuddhāḥ

8.10.4

सुभूतिराह तस्मात्तर्हि भगवन् सर्वधर्मा अनभिसंबुद्धास् तथागतेनार्हता सम्यक्संबुद्धेन भगवानाह तथाहि सुभूते प्रकृत्यैव न ते धर्माः किंचित्

subhūtirāha tasmāttarhi bhagavan sarvadharmā anabhisaṃbuddhās tathāgatenārhatā samyaksaṃbuddhena bhagavānāha tathāhi subhūte prakṛtyaiva na te dharmāḥ kiṃcit

8.10.5

या च प्रकृतिः सा अप्रकृतिः या च प्रकृतिः सा प्रकृतिः सर्वधर्माणामेकलक्षणत्वाद्यदुत अलक्षणत्वात्

yā ca prakṛtiḥ sā aprakṛtiḥ yā ca prakṛtiḥ sā prakṛtiḥ sarvadharmāṇāmekalakṣaṇatvādyaduta alakṣaṇatvāt

Aṣṭasāhasrikā