7.1.33

तथैव मनसि कर्तव्या शारिपुत्र प्रज्ञापारमिता यथा शास्ता

tathaiva manasi kartavyā śāriputra prajñāpāramitā yathā śāstā

7.1.34

तथैव नमस्कर्तव्या शारिपुत्र प्रज्ञापारमिता यथा शास्ता

tathaiva namaskartavyā śāriputra prajñāpāramitā yathā śāstā

7.2

अथ खलु शक्रस्य देवानामिन्द्रस्यैतदभूत् कुतो नु बतेयमार्यस्य शारिपुत्रस्य पृच्छा जाता किंनिदाना बतेयमार्यस्य शारिपुत्रस्य पृच्छा जाता अथ खलु शक्रो देवानामिन्द्र आयुष्मन्तं शारिपुत्रमेतदवोचत् कुत इयमार्यस्य शारिपुत्रस्य पृच्छा जाता किंनिदाना बतेयमार्यस्य शारिपुत्रस्य पृच्छा जाता एवमुक्ते आयुष्मान् शारिपुत्रः शक्रं देवानामिन्द्रमेतदवोचत् प्रज्ञापारमितोपायकौशल्यपरिगृहीतः कौशिक बोधिसत्त्वो महासत्त्वो ऽनुमोदनासहगतं पुण्यक्रियावस्तु सर्वज्ञतायां परिणामयंस्तेषां पौर्वकाणामौपलम्भिकानां बोधिसत्त्वानां यश् च दानमयः पुण्याभिसंस्कारः यश् च शीलमयो यश् च क्षान्तिमयो यश् च वीर्यमयो यश् च ध्यानमयः पुण्याभिसंस्कारः तं सर्वमभिभवतीति

atha khalu śakrasya devānāmindrasyaitadabhūt kuto nu bateyamāryasya śāriputrasya pṛcchā jātā kiṃnidānā bateyamāryasya śāriputrasya pṛcchā jātā atha khalu śakro devānāmindra āyuṣmantaṃ śāriputrametadavocat kuta iyamāryasya śāriputrasya pṛcchā jātā kiṃnidānā bateyamāryasya śāriputrasya pṛcchā jātā evamukte āyuṣmān śāriputraḥ śakraṃ devānāmindrametadavocat prajñāpāramitopāyakauśalyaparigṛhītaḥ kauśika bodhisattvo mahāsattvo 'numodanāsahagataṃ puṇyakriyāvastu sarvajñatāyāṃ pariṇāmayaṃsteṣāṃ paurvakāṇāmaupalambhikānāṃ bodhisattvānāṃ yaś ca dānamayaḥ puṇyābhisaṃskāraḥ yaś ca śīlamayo yaś ca kṣāntimayo yaś ca vīryamayo yaś ca dhyānamayaḥ puṇyābhisaṃskāraḥ taṃ sarvamabhibhavatīti

7.2.2

ममेयमेतन्निदाना पृच्छा जाता

mameyametannidānā pṛcchā jātā

7.2.3

अपि नु खलु पुनः कौशिक प्रज्ञापारमितैव पूर्वंगमा पञ्चानां पारमितानां सर्वज्ञतामार्गावताराय

api nu khalu punaḥ kauśika prajñāpāramitaiva pūrvaṃgamā pañcānāṃ pāramitānāṃ sarvajñatāmārgāvatārāya

7.2.4

तद्यथापि नाम कौशिक जात्यन्धानां शतं वा सहस्रं वा शतसहस्रं वा अपरिणायकमभव्यं मार्गावताराय अभव्यं ग्रामं वा नगरं वा निगमं वा गन्तुम् एवमेव कौशिक दानं शीलं क्षान्तिवीर्यं ध्यानं च प्रज्ञापारमितानामधेयं लभते

tadyathāpi nāma kauśika jātyandhānāṃ śataṃ vā sahasraṃ vā śatasahasraṃ vā apariṇāyakamabhavyaṃ mārgāvatārāya abhavyaṃ grāmaṃ vā nagaraṃ vā nigamaṃ vā gantum evameva kauśika dānaṃ śīlaṃ kṣāntivīryaṃ dhyānaṃ ca prajñāpāramitānāmadheyaṃ labhate

7.2.5

जात्यन्धभूतं भवति विना प्रज्ञापारमितया अपरिणायकत्वात्

jātyandhabhūtaṃ bhavati vinā prajñāpāramitayā apariṇāyakatvāt

7.2.6

अभव्यं सर्वज्ञतामार्गावताराय

abhavyaṃ sarvajñatāmārgāvatārāya

7.2.7

कुतः पुनः सर्वज्ञतामनुप्राप्स्यति यदा पुनः कौशिक दानं शीलं क्षान्तिर्वीर्यं ध्यानं च प्रज्ञापारमितापरिगृहीतं भवति तदा पारमितानामधेयं पारमिताशब्दं लभते

kutaḥ punaḥ sarvajñatāmanuprāpsyati yadā punaḥ kauśika dānaṃ śīlaṃ kṣāntirvīryaṃ dhyānaṃ ca prajñāpāramitāparigṛhītaṃ bhavati tadā pāramitānāmadheyaṃ pāramitāśabdaṃ labhate

7.2.8

तदा ह्यासां चक्षुःप्रतिलम्भो भवति पञ्चानां पारमितानां सर्वज्ञतामार्गावताराय सर्वज्ञतानुप्राप्तये

tadā hyāsāṃ cakṣuḥpratilambho bhavati pañcānāṃ pāramitānāṃ sarvajñatāmārgāvatārāya sarvajñatānuprāptaye

7.3

अथ खल्वायुष्मान् शारिपुत्रो भगवन्तमेतदवोचत् कथं भगवन् बोधिसत्त्वेन महासत्त्वेन प्रज्ञापारमिता अभिनिर्हर्तव्या एवमुक्ते भगवानायुष्मन्तं शारिपुत्रमेतदवोचत् रूपस्य शारिपुत्र अभिनिर्हारो द्रष्टव्यः

atha khalvāyuṣmān śāriputro bhagavantametadavocat kathaṃ bhagavan bodhisattvena mahāsattvena prajñāpāramitā abhinirhartavyā evamukte bhagavānāyuṣmantaṃ śāriputrametadavocat rūpasya śāriputra abhinirhāro draṣṭavyaḥ

7.3.2

एवं वेदनायाः संज्ञायाः संस्काराणाम्

evaṃ vedanāyāḥ saṃjñāyāḥ saṃskārāṇām

7.3.3

विज्ञानस्य शारिपुत्र अभिनिर्हारो द्रष्टव्यः

vijñānasya śāriputra abhinirhāro draṣṭavyaḥ

7.3.4

यः शारिपुत्र पञ्चानां स्कन्धानामभिनिर्हारः अयं शारिपुत्र प्रज्ञापारमिताया अभिनिर्हार इत्युच्यते

yaḥ śāriputra pañcānāṃ skandhānāmabhinirhāraḥ ayaṃ śāriputra prajñāpāramitāyā abhinirhāra ityucyate

7.3.5

एवमभिनिर्हारेण पञ्चानां स्कन्धानामभिनिर्हारः प्रज्ञापारमिताया अभिनिर्हारो ऽभिनिर्हार इत्युच्यते

evamabhinirhāreṇa pañcānāṃ skandhānāmabhinirhāraḥ prajñāpāramitāyā abhinirhāro 'bhinirhāra ityucyate

7.4

एवमुक्ते आयुष्मान् शारिपुत्रो भगवन्तमेतदवोचत् एवमभिनिर्हारेण अभिनिर्हृता भगवन् प्रज्ञापारमिता कतमं धर्ममर्पयति भगवानाह एवमभिनिर्हृता शारिपुत्र प्रज्ञापारमिता न कंचिद्धर्ममर्पयति

evamukte āyuṣmān śāriputro bhagavantametadavocat evamabhinirhāreṇa abhinirhṛtā bhagavan prajñāpāramitā katamaṃ dharmamarpayati bhagavānāha evamabhinirhṛtā śāriputra prajñāpāramitā na kaṃciddharmamarpayati

7.4.2

यदा सा शारिपुत्र न कंचिद्धर्ममर्पयति तदा प्रज्ञापारमितेति संख्यां गच्छति

yadā sā śāriputra na kaṃciddharmamarpayati tadā prajñāpāramiteti saṃkhyāṃ gacchati

7.5

अथ खलु शक्रो देवानामिन्द्रो भगवन्तमेतदवोचत् किमियं भगवन् प्रज्ञापारमिता सर्वज्ञताम् अपि नार्पयति भगवानाह यत्कौशिक एवं वदसि किमियं प्रज्ञापारमिता सर्वज्ञताम् अपि नार्पयतीति न यथोपलम्भस्तथा अर्पयति न यथा नाम तथार्पयति न यथाभिसंस्कारस्तथार्पयति

atha khalu śakro devānāmindro bhagavantametadavocat kimiyaṃ bhagavan prajñāpāramitā sarvajñatām api nārpayati bhagavānāha yatkauśika evaṃ vadasi kimiyaṃ prajñāpāramitā sarvajñatām api nārpayatīti na yathopalambhastathā arpayati na yathā nāma tathārpayati na yathābhisaṃskārastathārpayati

7.5.2

शक्र आह कथं तर्हि भगवन्नर्पयति भगवानाह यथा कौशिक नार्पयति तथार्पयति

śakra āha kathaṃ tarhi bhagavannarpayati bhagavānāha yathā kauśika nārpayati tathārpayati

7.5.3

शक्र आह आश्चर्यं भगवन् यावदियं प्रज्ञापारमिता न कंचिद्धर्ममुत्पादयति न कंचिद्धर्मं निरोधयति

śakra āha āścaryaṃ bhagavan yāvadiyaṃ prajñāpāramitā na kaṃciddharmamutpādayati na kaṃciddharmaṃ nirodhayati

Aṣṭasāhasrikā