5.9.3

अभिसंबुध्य च अपरिमितं सत्त्वधातुमनुत्तरे उपधिसंक्षये ऽभिविनेष्यसि यदुत भूतकोटिप्रभावनतायामिति

abhisaṃbudhya ca aparimitaṃ sattvadhātumanuttare upadhisaṃkṣaye 'bhivineṣyasi yaduta bhūtakoṭiprabhāvanatāyāmiti

5.10

पुनरपरं कौशिक यः कुलपुत्रो वा कुलदुहिता वा इमां प्रज्ञापारमितां लिखित्वा स्वयं च वाचयेत् परेभ्यश् च लिखित्वा पूर्ववद्दद्यात् अयत्नतः कौशिक पूर्वकात्कुलपुत्रात्कुलदुहितुर्वा सकाशाद्बहुतरं पुण्यं प्रसवेत्

punaraparaṃ kauśika yaḥ kulaputro vā kuladuhitā vā imāṃ prajñāpāramitāṃ likhitvā svayaṃ ca vācayet parebhyaś ca likhitvā pūrvavaddadyāt ayatnataḥ kauśika pūrvakātkulaputrātkuladuhiturvā sakāśādbahutaraṃ puṇyaṃ prasavet

5.10.2

पुनरपरं कौशिक यः कुलपुत्रो वा कुलदुहिता वा इमां प्रज्ञापारमितामर्थकुशलो वाचयेत् परेभ्यश् च लिखित्वा पूर्ववद्दद्यात् सार्थां सव्यञ्जनामुपदिशेत् परिदीपयेत् अयत्नतः कौशिक स कुलपुत्रो वा कुलदुहिता वा बहुतरं पुण्यं प्रसवेत्

punaraparaṃ kauśika yaḥ kulaputro vā kuladuhitā vā imāṃ prajñāpāramitāmarthakuśalo vācayet parebhyaś ca likhitvā pūrvavaddadyāt sārthāṃ savyañjanāmupadiśet paridīpayet ayatnataḥ kauśika sa kulaputro vā kuladuhitā vā bahutaraṃ puṇyaṃ prasavet

5.11

अथ खलु शक्रो देवानामिन्द्रो भगवन्तमेतदवोचत् इयम् अपि भगवन् प्रज्ञापारमिता उपदेष्टव्याः एवमुक्ते भगवान् शक्रं देवानामिन्द्रमेतदवोचत् इयम् अपि कौशिक प्रज्ञापारमिता उपदेष्टव्या अबुध्यमानस्य कुलपुत्रस्य वा कुलदुहितुर्वा

atha khalu śakro devānāmindro bhagavantametadavocat iyam api bhagavan prajñāpāramitā upadeṣṭavyāḥ evamukte bhagavān śakraṃ devānāmindrametadavocat iyam api kauśika prajñāpāramitā upadeṣṭavyā abudhyamānasya kulaputrasya vā kuladuhiturvā

5.11.2

तत्कस्य हेतोः उत्पत्स्यते हि कौशिक अनागते ऽध्वनि प्रज्ञापारमिताप्रतिवर्णिका

tatkasya hetoḥ utpatsyate hi kauśika anāgate 'dhvani prajñāpāramitāprativarṇikā

5.11.3

तत्र अबुध्यमानः कुलपुत्रो वा कुलदुहिता वा अनुत्तरां सम्यक्संबोधिमभिसंबोद्धुकामो मा प्रणंक्षीत्तां प्रज्ञापारमिता प्रतिवर्णिकां श्रुत्वा

tatra abudhyamānaḥ kulaputro vā kuladuhitā vā anuttarāṃ samyaksaṃbodhimabhisaṃboddhukāmo mā praṇaṃkṣīttāṃ prajñāpāramitā prativarṇikāṃ śrutvā

5.12

अथ खलु शक्रो देवानामिन्द्रो भगवन्तमेतदवोचत् कथं भगवन् अनागते ऽध्वनि प्रज्ञापारमिताप्रतिवर्णिका वेदितव्या इयं सा प्रज्ञापारमिताप्रतिवर्णिकोपदिश्यत इति एवमुक्ते भगवान् शक्रं देवानामिन्द्रमेतदवोचत् भविष्यन्ति कौशिक अनागते ऽध्वनि एके भिक्षवः अभावितकाया अभावितशीला अभावितचित्ता अभावितप्रज्ञा एडमूकजातीयाः प्रज्ञापरिहीणाः

atha khalu śakro devānāmindro bhagavantametadavocat kathaṃ bhagavan anāgate 'dhvani prajñāpāramitāprativarṇikā veditavyā iyaṃ sā prajñāpāramitāprativarṇikopadiśyata iti evamukte bhagavān śakraṃ devānāmindrametadavocat bhaviṣyanti kauśika anāgate 'dhvani eke bhikṣavaḥ abhāvitakāyā abhāvitaśīlā abhāvitacittā abhāvitaprajñā eḍamūkajātīyāḥ prajñāparihīṇāḥ

5.12.2

ते प्रज्ञापारमितामुपदेक्ष्याम इति तस्याः प्रतिवर्णिकामुपदेक्ष्यन्ति

te prajñāpāramitāmupadekṣyāma iti tasyāḥ prativarṇikāmupadekṣyanti

5.12.3

कथं च कौशिक प्रज्ञापारमिताप्रतिवर्णिकाम् उपदेक्ष्यन्ति रूपविनाशो रूपानित्यतेत्युपदेक्ष्यन्ति

kathaṃ ca kauśika prajñāpāramitāprativarṇikām upadekṣyanti rūpavināśo rūpānityatetyupadekṣyanti

5.12.4

एवं वेदनासंज्ञासंस्काराः

evaṃ vedanāsaṃjñāsaṃskārāḥ

5.12.5

विज्ञानविनाशो विज्ञानानित्यतेत्युपदेक्ष्यन्ति

vijñānavināśo vijñānānityatetyupadekṣyanti

5.12.6

एवं चोपदेक्ष्यन्ति य एवं गवेषयिष्यति स प्रज्ञापारमितायां चरिष्यतीति

evaṃ copadekṣyanti ya evaṃ gaveṣayiṣyati sa prajñāpāramitāyāṃ cariṣyatīti

5.12.7

इयं सा कौशिक प्रज्ञापारमिताप्रतिवर्णिका वेदितव्या

iyaṃ sā kauśika prajñāpāramitāprativarṇikā veditavyā

5.12.8

न खलु पुनः कौशिक रूपविनाशो रूपानित्यता द्रष्टव्या

na khalu punaḥ kauśika rūpavināśo rūpānityatā draṣṭavyā

5.12.9

एवं वेदनासंज्ञासंस्काराः

evaṃ vedanāsaṃjñāsaṃskārāḥ

5.12.10

न खलु पुनः कौशिक विज्ञानविनाशो विज्ञानानित्यता द्रष्टव्या

na khalu punaḥ kauśika vijñānavināśo vijñānānityatā draṣṭavyā

5.12.11

सचेदेवं पश्यति प्रज्ञापारमिताप्रतिवर्णिकायां चरति

sacedevaṃ paśyati prajñāpāramitāprativarṇikāyāṃ carati

5.12.12

तस्मात्तर्हि कौशिक कुलपुत्रेण वा कुलदुहित्रा वा प्रज्ञापारमिताया अर्थ उपदेष्टव्यः

tasmāttarhi kauśika kulaputreṇa vā kuladuhitrā vā prajñāpāramitāyā artha upadeṣṭavyaḥ

5.12.13

प्रज्ञापारमिताया अर्थमुपदिशन् कुलपुत्रो वा कुलदुहिता वा बहुतरं पुण्यं प्रसवेत्

prajñāpāramitāyā arthamupadiśan kulaputro vā kuladuhitā vā bahutaraṃ puṇyaṃ prasavet

5.13

पुनरपरं कौशिक यावन्तो जम्बूद्वीपे सत्त्वाः तान् सर्वान् कश्चिदेव कुलपुत्रो वा कुलदुहिता वा स्रोतआपत्तिफले प्रतिष्ठापयेत्

punaraparaṃ kauśika yāvanto jambūdvīpe sattvāḥ tān sarvān kaścideva kulaputro vā kuladuhitā vā srotaāpattiphale pratiṣṭhāpayet

Aṣṭasāhasrikā