2.32

धारयेत् सततं रत्नसिद्धमन्त्रमहौषधीः

dhārayet satataṃ ratnasiddhamantramahauṣadhīḥ

2.32.2

सातपत्रपदत्राणो विचरेद् युगमात्रदृक्

sātapatrapadatrāṇo vicared yugamātradṛk

2.33

निशि चात्ययिके कार्ये दण्डी मौली सहायवान्

niśi cātyayike kārye daṇḍī maulī sahāyavān

2.33.2

चैत्यपूज्यध्वजाशस्तच्छायाभस्मतुषाशुचीन्

caityapūjyadhvajāśastacchāyābhasmatuṣāśucīn

2.34

नाक्रामेच्छर्करालोष्टबलिस्नानभुवो न च

nākrāmeccharkarāloṣṭabalisnānabhuvo na ca

2.34.2

नदीं तरेन् न बाहुभ्यां नाग्निस्कन्धम् अभिव्रजेत्

nadīṃ taren na bāhubhyāṃ nāgniskandham abhivrajet

2.35

संदिग्धनावं वृक्षं च नारोहेद् दुष्टयानवत्

saṃdigdhanāvaṃ vṛkṣaṃ ca nārohed duṣṭayānavat

2.35.2

नासंवृतमुखः कुर्यात् क्षुतिहास्यविजृम्भणम्

nāsaṃvṛtamukhaḥ kuryāt kṣutihāsyavijṛmbhaṇam

2.36

नासिकां न विकुष्णीयान् नाकस्माद् विलिखेद् भुवम्

nāsikāṃ na vikuṣṇīyān nākasmād vilikhed bhuvam

2.36.2

नाङ्गैश् चेष्टेत विगुणं नासीतोत्कटकश् चिरम्

nāṅgaiś ceṣṭeta viguṇaṃ nāsītotkaṭakaś ciram

2.37

देहवाक्चेतसां चेष्टाः प्राक् श्रमाद् विनिवर्तयेत्

dehavākcetasāṃ ceṣṭāḥ prāk śramād vinivartayet

2.37.2

नोर्ध्वजानुश् चिरं तिष्ठेन् नक्तं सेवेत न द्रुमम्

nordhvajānuś ciraṃ tiṣṭhen naktaṃ seveta na drumam

2.38

तथा चत्वरचैत्यान्तश्चतुष्पथसुरालयान्

tathā catvaracaityāntaścatuṣpathasurālayān

2.38.2

सूनाटवीशून्यगृहश्मशानानि दिवापि न

sūnāṭavīśūnyagṛhaśmaśānāni divāpi na

2.39

सर्वथेक्षेत नादित्यं न भारं शिरसा वहेत्

sarvathekṣeta nādityaṃ na bhāraṃ śirasā vahet

2.39.2

नेक्षेत प्रततं सूक्ष्मं दीप्तामेध्याप्रियाणि च

nekṣeta pratataṃ sūkṣmaṃ dīptāmedhyāpriyāṇi ca

2.40

मद्यविक्रयसंधानदानादानानि नाचरेत्

madyavikrayasaṃdhānadānādānāni nācaret

2.40.2

पुरोवातातपरजस्तुषारपरुषानिलान्

purovātātaparajastuṣāraparuṣānilān

2.41

अनृजुः क्षवथूद्गारकासस्वप्नान्नमैथुनम्

anṛjuḥ kṣavathūdgārakāsasvapnānnamaithunam

2.41.2

कूलच्छायां नृपद्विष्टं व्यालदंष्ट्रिविषाणिनः

kūlacchāyāṃ nṛpadviṣṭaṃ vyāladaṃṣṭriviṣāṇinaḥ

Aṣṭāṅgahṛdayasaṃhitā