3.37.2

शठीह्रीवेरबृहतीशर्कराविश्वभेषजम्

śaṭhīhrīverabṛhatīśarkarāviśvabheṣajam

3.38

पिष्ट्वा रसं पिबेत् पूतं वस्त्रेण घृतमूर्छितम्

piṣṭvā rasaṃ pibet pūtaṃ vastreṇa ghṛtamūrchitam

3.38.2

मेदां विदारीं काकोलीं स्वयङ्गुप्ताफलं बलाम्

medāṃ vidārīṃ kākolīṃ svayaṅguptāphalaṃ balām

3.39

शर्करां जीवकं मुद्गमाषपर्ण्यौ दुरालभाम्

śarkarāṃ jīvakaṃ mudgamāṣaparṇyau durālabhām

3.39.2

कल्कीकृत्य पचेत् सर्पिः क्षीरेणाष्टगुणेन तत्

kalkīkṛtya pacet sarpiḥ kṣīreṇāṣṭaguṇena tat

3.40

पानभोजनलेहेषु प्रयुक्तं पित्तकासजित्

pānabhojanaleheṣu prayuktaṃ pittakāsajit

3.40.2

लिह्याद् वा चूर्णम् एतेषां कषायम् अथवा पिबेत्

lihyād vā cūrṇam eteṣāṃ kaṣāyam athavā pibet

3.41

कफकासी पिबेद् आदौ सुरकाष्ठात् प्रदीपितात्

kaphakāsī pibed ādau surakāṣṭhāt pradīpitāt

3.41.2

स्नेहं परिस्रुतं व्योषयवक्षारावचूर्णितम्

snehaṃ parisrutaṃ vyoṣayavakṣārāvacūrṇitam

3.42

स्निग्धं विरेचयेद् ऊर्ध्वम् अधो मूर्ध्नि च युक्तितः

snigdhaṃ virecayed ūrdhvam adho mūrdhni ca yuktitaḥ

3.42.2

तीक्ष्णैर् विरेकैर् बलिनं संसर्गीं चास्य योजयेत्

tīkṣṇair virekair balinaṃ saṃsargīṃ cāsya yojayet

3.43

यवमुद्गकुलत्थान्नैरुष्णरूक्षैः कटूत्कटैः

yavamudgakulatthānnairuṣṇarūkṣaiḥ kaṭūtkaṭaiḥ

3.43.2

कासमर्दकवार्ताकव्याघ्रीक्षारकणान्वितैः

kāsamardakavārtākavyāghrīkṣārakaṇānvitaiḥ

3.44

धान्वबैलरसैः स्नेहैस् तिलसर्षपनिम्बजैः

dhānvabailarasaiḥ snehais tilasarṣapanimbajaiḥ

3.44.2

दशमूलाम्बु घर्माम्बु मद्यं मध्वम्बु वा पिबेत्

daśamūlāmbu gharmāmbu madyaṃ madhvambu vā pibet

3.45

मूलैः पौष्करशम्याकपटोलैः संस्थितं निशाम्

mūlaiḥ pauṣkaraśamyākapaṭolaiḥ saṃsthitaṃ niśām

3.45.2

पिबेद् वारि सहक्षौद्रं कालेष्वन्नस्य वा त्रिषु

pibed vāri sahakṣaudraṃ kāleṣvannasya vā triṣu

3.46

पिप्पली पिप्पलीमूलं शृङ्गवेरं विभीतकम्

pippalī pippalīmūlaṃ śṛṅgaveraṃ vibhītakam

3.46.2

शिखिकुक्कुटपिच्छानां मषी क्षारो यवोद्भवः

śikhikukkuṭapicchānāṃ maṣī kṣāro yavodbhavaḥ

3.47

विशाला पिप्पलीमूलं त्रिवृता च मधुद्रवाः

viśālā pippalīmūlaṃ trivṛtā ca madhudravāḥ

Aṣṭāṅgahṛdayasaṃhitā