9.23

दुस्तरो दुस्तरतरो द्वितीयः प्रबलानिलः

dustaro dustarataro dvitīyaḥ prabalānilaḥ

9.23.2

शकृन्मार्गस्य वस्तेश्च वायुरन्तरम् आश्रितः

śakṛnmārgasya vasteśca vāyurantaram āśritaḥ

9.24

अष्ठीलाभं घनं ग्रन्थिं करोत्यचलम् उन्नतम्

aṣṭhīlābhaṃ ghanaṃ granthiṃ karotyacalam unnatam

9.24.2

वाताष्ठीलेति साध्मानविण्मूत्रानिलसङ्गकृत्

vātāṣṭhīleti sādhmānaviṇmūtrānilasaṅgakṛt

9.25

विगुणः कुण्डलीभूतो वस्तौ तीव्रव्यथो ऽनिलः

viguṇaḥ kuṇḍalībhūto vastau tīvravyatho 'nilaḥ

9.25.2

आविध्य मूत्रं भ्रमति सस्तम्भोद्वेष्टगौरवः

āvidhya mūtraṃ bhramati sastambhodveṣṭagauravaḥ

9.26

मूत्रम् अल्पाल्पम् अथवा विमुञ्चति शकृत् सृजन्

mūtram alpālpam athavā vimuñcati śakṛt sṛjan

9.26.2

वातकुण्डलिकेत्येषा मूत्रं तु विधृतं चिरम्

vātakuṇḍaliketyeṣā mūtraṃ tu vidhṛtaṃ ciram

9.27

न निरेति विबद्धं वा मूत्रातीतं तद् अल्परुक्

na nireti vibaddhaṃ vā mūtrātītaṃ tad alparuk

9.27.2

विधारणात् प्रतिहतं वातोदावर्तितं यदा

vidhāraṇāt pratihataṃ vātodāvartitaṃ yadā

9.28

नाभेरधस्ताद् उदरं मूत्रम् आपूरयेत् तदा

nābheradhastād udaraṃ mūtram āpūrayet tadā

9.28.2

कुर्यात् तीव्ररुग् आध्मानम् अपक्तिं मलसंग्रहम्

kuryāt tīvrarug ādhmānam apaktiṃ malasaṃgraham

9.29

तन् मूत्रजठरं छिद्रवैगुण्येनानिलेन वा

tan mūtrajaṭharaṃ chidravaiguṇyenānilena vā

9.29.2

आक्षिप्तम् अल्पं मूत्रं तद् वस्तौ नाले ऽथवा मणौ

ākṣiptam alpaṃ mūtraṃ tad vastau nāle 'thavā maṇau

9.30

स्थित्वा स्रवेच्छनैः पश्चात् सरुजं वाथ नीरुजम्

sthitvā sravecchanaiḥ paścāt sarujaṃ vātha nīrujam

9.30.2

मूत्रोत्सङ्गः स विच्छिन्नतच्छेषगुरुशेफसः

mūtrotsaṅgaḥ sa vicchinnataccheṣaguruśephasaḥ

9.31

अन्तर् वस्तिमुखे वृत्तः स्थिरो ऽल्पः सहसा भवेत्

antar vastimukhe vṛttaḥ sthiro 'lpaḥ sahasā bhavet

9.31.2

अश्मरीतुल्यरुग् ग्रन्थिर् मूत्रग्रन्थिः स उच्यते

aśmarītulyarug granthir mūtragranthiḥ sa ucyate

9.32

मूत्रितस्य स्त्रियं यातो वायुना शुक्रम्

mūtritasya striyaṃ yāto vāyunā śukram

9.32.2

स्थानाच्च्युतं मूत्रयतः प्राक् पश्चाद् वा प्रवर्तते

sthānāccyutaṃ mūtrayataḥ prāk paścād vā pravartate

Aṣṭāṅgahṛdayasaṃhitā