9.3

यैस् तैरेव प्रविश्यैनं दोषाः कुर्वन्ति विंशतिम्

yais taireva praviśyainaṃ doṣāḥ kurvanti viṃśatim

9.3.2

मूत्राघातान् प्रमेहांश्च कृच्छ्रान् मर्मसमाश्रयान्

mūtrāghātān pramehāṃśca kṛcchrān marmasamāśrayān

9.4

वस्तिवङ्क्षणमेढ्रार्तियुक्तो ऽल्पाल्पं मुहुर् मुहुः

vastivaṅkṣaṇameḍhrārtiyukto 'lpālpaṃ muhur muhuḥ

9.4.2

मूत्रयेद् वातजे कृच्छ्रे पैत्ते पीतं सदाहरुक्

mūtrayed vātaje kṛcchre paitte pītaṃ sadāharuk

9.5

रक्तं वा कफजे वस्तिमेढ्रगौरवशोफवान्

raktaṃ vā kaphaje vastimeḍhragauravaśophavān

9.5.2

सपिच्छं सविबन्धं च सर्वैः सर्वात्मकं मलैः

sapicchaṃ savibandhaṃ ca sarvaiḥ sarvātmakaṃ malaiḥ

9.6

यदा वायुर् मुखं वस्तेरावृत्य परिशोषयेत्

yadā vāyur mukhaṃ vasterāvṛtya pariśoṣayet

9.6.2

मूत्रं सपित्तं सकफं सशुक्रं वा तदा क्रमात्

mūtraṃ sapittaṃ sakaphaṃ saśukraṃ vā tadā kramāt

9.7

संजायते ऽश्मरी घोरा पित्ताद् गोरिव रोचना

saṃjāyate 'śmarī ghorā pittād goriva rocanā

9.7.2

श्लेष्माश्रया च सर्वा स्याद् अथास्याः पूर्वलक्षणम्

śleṣmāśrayā ca sarvā syād athāsyāḥ pūrvalakṣaṇam

9.8

वस्त्याध्मानं तदासन्नदेशेषु परितो ऽतिरुक्

vastyādhmānaṃ tadāsannadeśeṣu parito 'tiruk

9.8.2

मूत्रे च बस्तगन्धत्वं मूत्रकृच्छ्रं ज्वरो ऽरुचिः

mūtre ca bastagandhatvaṃ mūtrakṛcchraṃ jvaro 'ruciḥ

9.9

सामान्यलिङ्गं रुङ् नाभिसेवनीवस्तिमूर्धसु

sāmānyaliṅgaṃ ruṅ nābhisevanīvastimūrdhasu

9.9.2

विशीर्णधारं मूत्रं स्यात् तया मार्गनिरोधने

viśīrṇadhāraṃ mūtraṃ syāt tayā mārganirodhane

9.10

तद्व्यपायात् सुखं मेहेद् अच्छं गोमेदकोपमम्

tadvyapāyāt sukhaṃ mehed acchaṃ gomedakopamam

9.10.2

तत्संक्षोभात् क्षते सास्रम् आयासाच्चातिरुग् भवेत्

tatsaṃkṣobhāt kṣate sāsram āyāsāccātirug bhavet

9.11

तत्र वाताद् भृशार्त्यार्तो दन्तान् खादति वेपते

tatra vātād bhṛśārtyārto dantān khādati vepate

9.11.2

मृद्नाति मेहनं नाभिं पीडयत्यनिशं क्वणन्

mṛdnāti mehanaṃ nābhiṃ pīḍayatyaniśaṃ kvaṇan

9.12

सानिलं मुञ्चति शकृन् मुहुर् मेहति बिन्दुशः

sānilaṃ muñcati śakṛn muhur mehati binduśaḥ

9.12.2

श्यावा रूक्षाश्मरी चास्य स्याच्चिता कण्टकैरिव

śyāvā rūkṣāśmarī cāsya syāccitā kaṇṭakairiva

Aṣṭāṅgahṛdayasaṃhitā