6.26.2

सक्तानल्पद्रुताभाषश् चलः स्खलितचेष्टितः

saktānalpadrutābhāṣaś calaḥ skhalitaceṣṭitaḥ

6.27

रूक्षश्यावारुणतनुर् मदे वातोद्भवे भवेत्

rūkṣaśyāvāruṇatanur made vātodbhave bhavet

6.27.2

पित्तेन क्रोधनो रक्तपीताभः कलहप्रियः

pittena krodhano raktapītābhaḥ kalahapriyaḥ

6.28

स्वल्पसम्बद्धवाक् पाण्डुः कफाद्ध्यानपरो ऽलसः

svalpasambaddhavāk pāṇḍuḥ kaphāddhyānaparo 'lasaḥ

6.28.2

सर्वात्मा संनिपातेन रक्तात् स्तब्धाङ्गदृष्टिता

sarvātmā saṃnipātena raktāt stabdhāṅgadṛṣṭitā

6.29

पित्तलिङ्गं च मद्येन विकृतेहास्वराङ्गता

pittaliṅgaṃ ca madyena vikṛtehāsvarāṅgatā

6.29.2

विषे कम्पो ऽतिनिद्रा च सर्वेभ्यो ऽभ्यधिकस् तु सः

viṣe kampo 'tinidrā ca sarvebhyo 'bhyadhikas tu saḥ

6.30

लक्षयेल् लक्षणोत्कर्षाद् वातादीन् शोणितादिषु

lakṣayel lakṣaṇotkarṣād vātādīn śoṇitādiṣu

6.30.2

अरुणं कृष्णनीलं वा खं पश्यन् प्रविशेत् तमः

aruṇaṃ kṛṣṇanīlaṃ vā khaṃ paśyan praviśet tamaḥ

6.31

शीघ्रं च प्रतिबुध्येत हृत्पीडा वेपथुर् भ्रमः

śīghraṃ ca pratibudhyeta hṛtpīḍā vepathur bhramaḥ

6.31.2

कार्श्यं श्यावारुणा छाया मूर्छाये मारुतात्मके

kārśyaṃ śyāvāruṇā chāyā mūrchāye mārutātmake

6.32

पित्तेन रक्तं पीतं वा नभः पश्यन् विशेत् तमः

pittena raktaṃ pītaṃ vā nabhaḥ paśyan viśet tamaḥ

6.32.2

विबुध्येत च सस्वेदो दाहतृट्तापपीडितः

vibudhyeta ca sasvedo dāhatṛṭtāpapīḍitaḥ

6.33

भिन्नविण् नीलपीताभो रक्तपीताकुलेक्षणः

bhinnaviṇ nīlapītābho raktapītākulekṣaṇaḥ

6.33.2

कफेन मेघसंकाशं पश्यन्न् आकाशम् आविशेत्

kaphena meghasaṃkāśaṃ paśyann ākāśam āviśet

6.34

तमश्चिराच्च बुध्येत सहृल्लासः प्रसेकवान्

tamaścirācca budhyeta sahṛllāsaḥ prasekavān

6.34.2

गुरुभिः स्तिमितैरङ्गैरार्द्रचर्मावनद्धवत्

gurubhiḥ stimitairaṅgairārdracarmāvanaddhavat

6.35

सर्वाकृतिस् त्रिभिर् दोषैरपस्मार इवापरः

sarvākṛtis tribhir doṣairapasmāra ivāparaḥ

6.35.2

पातयत्याशु निश्चेष्टं विना बीभत्सचेष्टितैः

pātayatyāśu niśceṣṭaṃ vinā bībhatsaceṣṭitaiḥ

6.36

दोषेषु मदमूर्छायाः कृतवेगेषु देहिनाम्

doṣeṣu madamūrchāyāḥ kṛtavegeṣu dehinām

Aṣṭāṅgahṛdayasaṃhitā