4.2.2

मध्ये पादतलस्याहुरभितो मध्यमाङ्गुलीम्

madhye pādatalasyāhurabhito madhyamāṅgulīm

4.3

तलहृन्नाम रुजया तत्र विद्धस्य पञ्चता

talahṛnnāma rujayā tatra viddhasya pañcatā

4.3.2

अङ्गुष्ठाङ्गुलिमध्यस्थं क्षिप्रम् आक्षेपमारणम्

aṅguṣṭhāṅgulimadhyasthaṃ kṣipram ākṣepamāraṇam

4.4

तस्योर्ध्वं द्व्यङ्गुले कूर्चः पादभ्रमणकम्पकृत्

tasyordhvaṃ dvyaṅgule kūrcaḥ pādabhramaṇakampakṛt

4.4.2

गुल्फसंधेरधः कूर्चशिरः शोफरुजाकरम्

gulphasaṃdheradhaḥ kūrcaśiraḥ śopharujākaram

4.5

जङ्घाचरणयोः संधौ गुल्फो रुक्स्तम्भमान्द्यकृत्

jaṅghācaraṇayoḥ saṃdhau gulpho rukstambhamāndyakṛt

4.5.2

जङ्घान्तरे त्विन्द्रवस्तिर् मारयत्यसृजः क्षयात्

jaṅghāntare tvindravastir mārayatyasṛjaḥ kṣayāt

4.6

जङ्घोर्वोः संगमे जानु खञ्जता तत्र जीवतः

jaṅghorvoḥ saṃgame jānu khañjatā tatra jīvataḥ

4.6.2

जानुनस् त्र्यङ्गुलाद् ऊर्ध्वम् आण्यूरुस्तम्भशोफकृत्

jānunas tryaṅgulād ūrdhvam āṇyūrustambhaśophakṛt

4.7

उर्व्यूरुमध्ये तद्वेधात् सक्थिशोषो ऽस्रसंक्षयात्

urvyūrumadhye tadvedhāt sakthiśoṣo 'srasaṃkṣayāt

4.7.2

ऊरुमूले लोहिताक्षं हन्ति पक्षम् असृक्क्षयात्

ūrumūle lohitākṣaṃ hanti pakṣam asṛkkṣayāt

4.8

मुष्कवङ्क्षणयोर् मध्ये विटपं षण्ढताकरम्

muṣkavaṅkṣaṇayor madhye viṭapaṃ ṣaṇḍhatākaram

4.8.2

इति सक्थ्नोस् तथा बाह्वोर् मणिबन्धो ऽत्र गुल्फवत्

iti sakthnos tathā bāhvor maṇibandho 'tra gulphavat

4.9

कूर्परं जानुवत् कौण्यं तयोर् विटपवत् पुनः

kūrparaṃ jānuvat kauṇyaṃ tayor viṭapavat punaḥ

4.9.2

कक्षाक्षमध्ये कक्षाधृक्कुणित्वं तत्र जायते

kakṣākṣamadhye kakṣādhṛkkuṇitvaṃ tatra jāyate

4.10

स्थूलान्त्रबद्धः सद्योघ्नो विड्वातवमनो गुदः

sthūlāntrabaddhaḥ sadyoghno viḍvātavamano gudaḥ

4.10.2

मूत्राशयो धनुर्वक्रो वस्तिरल्पास्रमांसगः

mūtrāśayo dhanurvakro vastiralpāsramāṃsagaḥ

4.11

एकाधोवदनो मध्ये कट्याः सद्यो निहन्त्यसून्

ekādhovadano madhye kaṭyāḥ sadyo nihantyasūn

4.11.2

ऋते ऽश्मरीव्रणाद् विद्धस् तत्राप्युभयतश्च सः

ṛte 'śmarīvraṇād viddhas tatrāpyubhayataśca saḥ

4.12

मूत्रस्राव्येकतो भिन्ने व्रणो रोहेच्च यत्नतः

mūtrasrāvyekato bhinne vraṇo rohecca yatnataḥ

Aṣṭāṅgahṛdayasaṃhitā